2 Samuel 9:6 - Keley-i Bible (Antipolo Ifugao)

⁶ Immali hi Mepiboset, e u-ungngan Jonathan niya inap-apu lan Saul, et manyuung di hinanggan David ni pengippeang-ang tun lispituh tun hi-gatu. Kan David ni hi-gatuy “Kaw hi-gam hi Mepiboset?” Himmumang hi Mepiboset ey kantuy “Em, apu patul, hi-gak hi Mepiboset.”

2 Samuel 9:6 Referans Kwoze

1 Chronicles 9:40

Hi Jonathan hu aman Meribbaal e aman Mikah.

1 Chronicles 8:34

Hi Jonathan hu aman Meribbaal e aman Mikah.

2 Samuel 16:4

Kan David ey “Hedin makulug huttan, iddawat ku tep ni hi-gam emin hu puyek nan Mepiboset.” Kan Siba ey “Apu patul, et-eteng hu salamat kun hi-gam. Mansilbi-ak ni hi-gam et ippahding ku hu mengippeamleng ni hi-gam.”

1 Samuel 25:23

Inang-ang Abigail hi David et papuut tun umhep di kebayyu et manyuung ni hi-gatu.

1 Samuel 20:41

Limmaw la etan u-ungnga ey neukat hi David di nantaluan tud kad-an ni batu et mandukkun et manyuung ni nampitlun nan Jonathan. Nan-akwal ida et mannanangih idan dewwa, nema-man David.

Genesis 33:3

Nemappangngulu hi Jacob et kamangkeihnup nan agi tu hi Esau ey nanyuung ni nangkappitu.

Genesis 18:2

In-ang-ang tu, ey wada tellun lakin kaman-eh-ehneng et lumaw et manyuung ni panlispituh tun hi-gada.

2 Samuel 4:4

Ya hakey ni helag Saul ey hi Mepiboset e u-ungngan Jonathan. Lima toon tu eman ni neteyyan di ametu e hi Jonathan nan hi apu tu e hi Saul. Yan eman ni neipeamtad baley dad Jesreel hu meippanggep ni neteyyan da ey nenginlala-kay etan kamenge-ebban hi-gatu ma-lat bumsik ida nem na-gah hi Mepiboset et mepi-day.

2 Samuel 9:5

Et an ali paewit nan David humman ni u-ungngan Jonathan.

2 Samuel 1:7

Inang-ang tuwak et aygan tuwak. Et kangkuy ‘Kela?’

2 Samuel 21:7

Nem eleg iebulut David hi Mepiboset, e inap-apun Saul ni u-ungngan Jonathan, tep ya etan ni nantebbalan dan Jonathan.