2 Samuel 7:21 - Keley-i Bible (Antipolo Ifugao)

²¹ Impeamtam ni hi-gak hu pinhed mun meipahding ni panyaggudan ku. Ey amtak e meippahding tep impakulug mun hi-gak ey huyya dedan hu pinhed mun meippahding.

2 Samuel 7:21 Referans Kwoze

Psalms 115:1

Apu Dios, beken ni hi-gami hu medeyyaw, nem hi-gam ni ebuh tep eleg melullumman hu impeminhed mu niya kamannananeng hu muka pemaptek ni hi-gamin tuum.

Ephesians 3:11

Huyya dedan hu ninemnem tun nunman ni meippanggep, et hi Jesus Christo e Apu tayu hu nengipeamnuan tu.

Ephesians 1:9

peamta tun hi-gatsun nunya hu planuh tu dedan lan nunman ni peamnun Christo.

1 Corinthians 1:1

Hi-gak e hi Paul et hi Sostenes e agi tayun kamengullug hu nengitudek ni nunya. Hi-gak ey pinutuk tuwak Apu Dios ni pan-apostle nan Jesus Christo.

Luke 12:32

Hi-gayuddan kamengu-unnud ni hi-gak, entan pandanag yu, tep kaman-am-amleng hi Apu Dios ni nemilin hi-gayun meibbillang di nan-ap-apuan tu.

Psalms 138:2

Nakka ihhanggad appit ni Tempol mu ni nanyuungngak ni menaydayaw ni hi-gam, tep eleg melullumman hu impeminhed mu niya kamannananeng hu muka pemaptek ni tutu-um. Ey impeang-ang mu e hi-gam hu keta-ta-geyyan niya kakkayyagud ni peteg hu tugun mu.

Luke 10:21

Kaman-am-amleng ni nunman hi Jesus tep impeamleng ni Ispirituh Apu Dios et mandasal e kantuy “Ama e Ap-apud kabunyan niyad puyek, nakka mansalamat ni hi-gam, tep eleg mu peamta elaw muddan nan-adal niyadda nelaing, nem impeamtam idan eleg man-adal niyadda beken ni nelaing. Humman e Ama hu neipahding tep humman pinhed mu.”

Luke 1:72

Huyya pengippeang-angan tun immamnu hu inhel tuddan aammed tayun nunman e kantuy hehmeken tudda.

Matthew 24:35

Meendilli kabunyan et ya puyek, nem mannenneng alin ingganah hu ehel ku.

Matthew 11:26

Humman e Ama hu neipahding tep humman pinhed mu.”

Numbers 23:19

Hi Apu Dios man beken ni henin tuu e kaman-ittek winu kamangkekyat. Tep hedin hi-gatu man tuka pehding ni emin hu tuka e-hela. Hedin inhel tu man kameippahding.

Ephesians 4:32

Nem ya kayyaggud ey kabbabbal kayu, man-inhehmek kayu niya man-impepesinsah kayu hedin wada nanhahallaan yu henin nemesinsahan Apu Dios ni liwat tayu tep ya impahding Jesus Christo.

1 Chronicles 17:19

Hi-gam kannemnem ni mengippahding ni hanneyan panyaggudan ku e bega-en mu niya hi-gam nengipeamtan hi-gak ni eta-gey ni saad kun edum ni aggew.