2 Samuel 7:10 - Keley-i Bible (Antipolo Ifugao)

^10-11 Ittuduan dakeyun tuuk ni helag Israel ni pambebleyan yu ma-lat yadman hu pambebleyan yun ingganah et eleg dakeyu law panhelheltap idan lawah ni tuu. Meippalpu eman ni wada pinutuk kun man-ap-apun hi-gayu ey ginubagubat dakeyun lawah ni tutu-u, nem meippalpun nunya ey eggak law i-abulut ni meippahding humman ni hi-gayu. Hi-gak e hi Apu Dios, ey pekullug kun hi-gam David e yadda helag mulli mampatul.

2 Samuel 7:10 Referans Kwoze

Amos 9:15

Mei-ellig ni ittanem kuddalli tutu-uk di bebley da et endilli law an mengebbut ni hi-gada. Hi-gak e Ap-Apu hu nanghel idan nunya.”

1 Chronicles 17:9

Intuduan dakeyun tuuk e helag Israel ni pambebleyan yun ingganah. Endi law mengippehelheltap ni hi-gayu eyad bebley yu. Yan inlian yudya ey ginubagubat dakeyuddan lawah ni tutu-u, nem meippalpun nunya ey endi law hanniman ni an meippahding. Hammaden kun e-helen e peapput kullin emin hu buhul yu niya iddawtan dakeyun helag yu.

Jeremiah 24:6

Ippaptek kuddalli et ibangngad kudda eyad bebley da. Em, eggak ida bahbaha nem baddangan kudda e heni ittanem kuddan eggak ida gebbuta.

Isaiah 60:18

Endilli law hu papatey ni meippahding di bebley yu, niya endi law um-alin memahbah ni hi-gayu, tep ippaptek dakeyu niya ihhehwang dakeyun hi-gak. Et humman hu, ingngadnan yuddalli etan tuping ni luhud yun ‘Keihwangan’ niyadda etan eheb yun ‘Dayaw.’

Ezekiel 28:24

Kan Apu Dios ey “Endiddalli law hu dinagsin helag Israel ni mengippelilligat ni hi-gada, tep ida kamei-ellig di hebit. Yan nunman ali pengamtaan idan helag Israel e hi-gak hu Ap-Apu e Eta-gey ni peteg.”

Psalms 80:8

Inlapu dakemillid Egypt et i-li dakemidya et degyunen mudda hu tuun nampambebley eyad bebley et ihullul dakemi. Heni kami temel ni grapes ni mulli illad Egypt et itnem mudya e bebley.

Jeremiah 18:9

Hedin mewan kangkuy behwaten ku hu hakey ni bebley winu kapan-ap-apui,

Revelation 21:4

E-kalen tu law ni emin hu ligat ni tuu tu et eleg ida law mettey, endi law da lemyungan, endi da nengngihan niya endi da pandedgehan diman. Tep nehullulan law ni emin hu wadan nunman ni laputu.”

Hosea 2:18

Yallin nunman ey mekitballak idan animal di muyung et yadda sisit di kabunyan ma-lat endi da pehding ni lawah idan tutu-uk. Niya endiek emin hu kameussal di gubat di bebley da henin ispadah niya pana et luminggep ida tep endi da tekkutan.”

Exodus 15:17

Apu Dios, illaw dakemilli etan di duntug et heni dakemi ittanem diman ni pinilim ni panha-adam e kad-an ni baley mun kinapyam.

Isaiah 5:7

Huyyan a-appeh ku ey meippanggep idan iIsrael niyadda iJudah e tutu-un Apu Dios e Kabaelan tun emin. Hi-gada neidingpatan idan grapes ni inyayyaggud tun intanem. Impandidinel tun kayyaggud pehding da, nem beken kumedek tep ya papatey impenahding da. Ey impandidinel tu e meandeng pehding da, nem beken tep tu kumedek kadengngedengngela hu kapampehemmehemmekiddan daka panhelheltap ni edum da.

Isaiah 5:2

Hinuklay tu et ekalen tudda batu et taneman tun kayyaggud ni grapes. Ingkapya tu mewan hu eta-gey ni a-abbung ni pan-eddugan tu et mengapyan keppallan tu. Hingged tu kelu-uman ni lameh ni intanem tun grapes, nem entannit nedateng ey mapeit tamtam da.

Psalms 44:4

Hi-gam hu patul ku niya Dios ku. Impangenapput dakemin tutu-um.

Judges 4:3

Heyam ni gatut ni kalesah ni gumek hu kaussalan Jabin ni mekiggubbat. Impanhelheltap tuddan peteg hu helag Israel ni dewampulu toon et mampehemmehemmek ida mewan nan Apu Dios.

1 Samuel 13:17

Humman idan sindalun iPilistia ey nanteluddan negenedwa. Wada hakey ni grupu ey daka an gubbata hipan bebley ni imbesik dadda ngunut diman. Ya hakey ni grupuh ey nampalaw idad Opra di Sual.

Exodus 1:22

Entanni law ey in-olden etan ni patul idan tutu-u tu e kantuy “Yu pan-ibbeng ida hu pakeiungngan lalakkin Hebrew di Wangwang e Nile di diman Egypt, nem entan tudda ilegat hu biin pakeiungnga.”

2 Kings 21:8

Hedin pannananeng idan helag Israel ni u-unnuden ni emin Tugun kun indawat ku lan bega-en ku e hi Moses, ey eggak i-abulut ni ida medegyun eyad bebley ni indawat kudda lan aammed da.”

2 Chronicles 33:8

Hedin pannananeng idan helag Israel ni u-unnuden ni emin Tugun kun indawat ku lan nan hi bega-en ku e hi Moses ey eggak i-abulut ni ida medegyun eyad bebley ni indawat kudda lan aammed da.”

Psalms 44:2

Impanhelheltap mudda kunun emin hu buhul mi niya dinegyun mudda humman ni tutu-ud nambebleyan da et ihullul mudda aammed min nambebley diman ey impeyaggud mu neitu-wan idan nunman ni tuum.

Psalms 80:9

Heni ginebutam huyyan puyek, et kayyaggud temel ni intanem mun grapes. Hi-gami neieligan nunman ni grapes. Limmehed hu lamut tu niya pimmappanga et heyebheban tun emin eya bebley.

Isaiah 60:21

Yan nunman ali ey hi-gayun nambebley di Jerusalem ey paka-u-unnuden yuwak et beltanen yun ingganah huttan ni nambebleyan yu. Tep heni dakeyulli intanem ma-lat maipeang-ang hu et-eteng ni dayaw kud emin ni tutu-u.