2 Samuel 22:9 - Keley-i Bible (Antipolo Ifugao)

⁹ Heni kaman-a-ahhuk hu eleng tu niya heni kamangkeukkat di bungut tu hu kamantettebbel ni ngimmalab ni apuy tep ya bunget tuddan buhul ku.

2 Samuel 22:9 Referans Kwoze

Hebrews 12:29

Tep nemahhig hu kapengastigun Apu Dios idan eleg mengu-unnud ni hi-gatu, tep hi Apu Dios ey heni apuy e kaumgiheb.

Habakkuk 3:5

Tuka peelli degeh ni minandal tu katey ni meittu-nud.

Jeremiah 15:14

Ey pambalin kuddan himbut ni buhul da etan di bebley ni eleg da ang-angen lan nunman, tep nemahhig bunget kun heni apuy ni mengihheb ni hi-gada.”

Jeremiah 5:14

Et humman hu, kan Apu Dios e Kabaelan tun emin ey “Gapu tep hanniman hu inhel idan tutu-u, pambalin kuddan heni apuy hu e-helen kun e-helen mun hi-gada et henidda keyew ni megihheb.”

Isaiah 30:27

Meang-ang alid neidawwi hu ellian Apu Dios. Mei-ellig hu bunget tud kaumhihinyab ni apuy. Linikweh ni mahdel ni ahuk ey umngengpuh hu ehel tu e heni apuy.

Psalms 18:15

Ey gapuh ni nemahhig ni bunget tuddan buhul tu ey nebudihan hu dalinat ni baybay et ya sinuunan eyan puyek.

Psalms 18:8

Heni kaman-a-ahhuk hu eleng tu niya heni kamangkeukkat di bungut tu hu kamantettebbel ni ngimmalab ni apuy tep ya bunget tuddan buhul ku.

Job 4:9

Ey kabahbahan Apu Dios ni bunget tu hu hanniman ni tuu.

2 Samuel 22:16

Ey gapuh ni nemahhig ni bunget tuddan buhul tu ey nebudihan hu dalinat ni baybay niya sinuunan eyan puyek.

2 Samuel 22:13

Heni kedyam hu benang ni nalpullin Apu Dios ni tuka pangkelehbengillid kabunyan.

Deuteronomy 32:22

Kamei-ellig hu bunget kud simmetebbel ni apuy e tuka gihheban emin hu hipa humman ingganah di dallem ni puyek anin ni ya yinudungan ni duntug.

Exodus 24:17

Ya impenang-ang idan helag Israel ni wadad hengeg etan ni duntug ni nunman ni dayaw Apu Dios di ta-pew ni duntug ey heni kamantetebbel ni apuy.

Exodus 19:18

Hi Apu Dios ey apuy hu nampeang-angan tu, et mukun nehephepan etan duntug ni mahdel ni ahuk ni kamampellaw di ahpat e heni kamelpud et-eteng ni apuy. Ey nakkayyang e kamanyegyeg etan di duntug.

Isaiah 30:33

Yan nunman dedan ni nebayag, ey wada neidaddan ni et-eteng ni pan-eppuyan e Tophet hu ngadan tun pengihheban dan patul ni Assyria. Humman ey edallem ey mahkang ni neku-kuan ni nengipu-ulan dan dakel ni keyew. Yayyahan alin Apu Dios ni apuy et umtebel.