2 Samuel 21:4 - Keley-i Bible (Antipolo Ifugao)

⁴ Kanday “Ya nambubuhhulan middan pamilyah Saul ey beken ni pihhuh winu balituk hu pan-iddawat niya eleg mabalin ni mi i-awit et mi pateyen hu linggeman ni helag Israel.” Kan David ey “Hipa tep hu pinhed yun pehding ku?”

2 Samuel 21:4 Referans Kwoze

Numbers 35:31

Ya etan tuun pimmatey tep pinhed tun umpatey winu umhulun hu bunget tu, ey mahapul nisin mekastigun katey. Eleg mabalin ni mambeyyad et meliblih di kastigu tu.

Numbers 35:32

Eleg mewan mabalin ni mambeyyad et meliblih hu hakey ni pimmatey ni bimmesik di bebley ni keihhikkugan ma-lat dammutun mambangngad ey eleg ni matey etan keta-ta-geyyan ni padi.

Genesis 30:31

Kan Laban ey “Hipa nisi pinhed mun ittangdan kun hi-gam?” Hinumang nan Jacob e kantuy “Eggak pinhed ni tangdanan muwak. Ittuluy kun mengippaptek ni halun mu hedin ebbuluten mu eya e-helen ku. Iebulut mu et nak appilen ni emin etan nangkebatekan ni kalneroh niya gelding niyadda andeket ni impah ni kalneroh mu et anin humman hu tangdan ku.