2 Samuel 14:2 - Keley-i Bible (Antipolo Ifugao)

² Et paeyag tu etan nenemneman ni biid Tekoa. Dimmateng humman ni bii et tuttudduan Joab e kantuy “Pambalwasi kan balwasin nebalu ey peang-ang mu e kaka umlelemyung ma-lat heni makulug ni nebalu ka. Ey entan tu hagu bewek mu ma-lat peang-ang mu e heni ka nebayag ni nebalu.

2 Samuel 14:2 Referans Kwoze

2 Chronicles 11:6

ya Bethlehem, ya Etham, ya Tekoa,

Amos 1:1

Yahhuy ida hu inhel Amos ni impeamtan Apu Dios ni hi-gatu meippanggep ni Israel eman ni nelabah dewwan toon et han wada etan yegyeg. Hi Ussiah hu patul di Judah ni nunman, ey hi Jeroboam e u-ungngan Jehoas hu patul di Israel. Hi Amos ey iTekoa ni kamampattul ni kalneroh.

Ruth 3:3

Heninnuy pahding mu, pan-emeh ka et apuapam annel mun bangbanglu ey nambalwasi kan kayyaggud ni balwasi et lumaw kad tuka pan-illiki. Nem ang-ang mu et eleg iltun Boaz e wada kadman ingganah ni megibbuh ni mengngan niya um-inum.

Jeremiah 6:1

Hi-gayun helag Benjamin, besik kayu ma-lat meihwang kayu! Hi-yan yu Jerusalem! Patnul yu tangguyup di Tekoa ey pan-apuy kayu et pengamtaan idan iBet Hakkerem tep iyyaddalli hu melpud north ni memahbah ni bebley tayu!

Nehemiah 3:5

Yadda lalakkin iTekoa hu nengingunun tu-lu tu, nem eleg pinhed idan ap-apu dan mekingngunnun neitudun ngunnuen da.

2 Chronicles 20:20

Newa-wa et humelaman ida sindalun iJudah di eleg mebebleyid Tekoa. Yan wadaddad dalan ey immehneng hi Jehoshaphat et kantuddan tuu tuy “Dengel yuwak, hi-gayuddan iJudah niyadda iJerusalem! Kulug yu hu Ap-Apu e Dios yu et mannananeng kayun na-let, niya kulug yudda prophet ma-lat kayyaggud ni emin pambalinan ni pehding yu.”

2 Samuel 12:20

Ey pinhakkeyey imminah hi David et an man-emeh niya nanhagu. Et manhullul ni balwasi tu et lumaw di baley Apu Dios et daydayawen tu. Nambangngad di baley da ey kamambeggan kennen tu et idaddanan da et mangan.

Matthew 6:17

Nem hedin mantetpel kayu ngu, da-lupi yu angah yu niya hagu yu bewek yu,

Ecclesiastes 9:8

Ey pambalwasi kan kayyaggud niya pan-usal kan bangbanglu.

Nehemiah 3:27

Yadda dama iTekoa hu neitu-nud et ingunu da hu meippalpud demang ni eta-gey ni kapangguwalyai ingganah di luhud di Ophel.

2 Samuel 11:26

Dingngel Bathsheba e netey hi Uriah e ahwatu et ibeluan tu.

2 Samuel 20:16

Wadadman hu nelaing niya nekannemneman ni biin tuka pantetkukidda tuun Joab.

2 Samuel 23:26

hi Heles di Bet Peleth, hi Ira e u-ungngan Ikes di Tekoa,

1 Kings 14:2

Sinugun Jeroboam hu ahwa tu et kantuy “Hullulim hu ang-ang mu et eleg meimmatunan e hi-gam ahwak et lumaw kad Siloh di kad-an Ahijah.

1 Kings 14:5

Eleg ni dumteng etan ahwan Jeroboam ey inhel nan Apu Dios ni hi-gatu e kantuy “Iyyalli ahwan Jeroboam ma-lat mahmahan tun hi-gam hu meippanggep ni u-ungnga tu tep kamandedgeh. Eleg tu pinhed ni peamtan hi-gam e hi-gatu ahwan Jeroboam. Ehel mun hi-gatu hu e-helek ni hi-gam.”

Genesis 38:19

Immanemut hi Tamar et ekalen tu hukyung tu niya balwasi tu et ibalwasi tu mewan etan balwasin nebalu.