2 Samuel 1:1 - Keley-i Bible (Antipolo Ifugao)

^1-2 Hi Saul ey pintey idan iPilistia. Ey hi David ey nambangngad di Siklag eman ni nelabah pigan aggew ni nekigubatan daddan iAmalek et apputen dadda. Yan meikkatlun aggew neipalpun dintengan da ey wada immalin tuun nalpud nangkampuan di Saul. Bini-ki tu balwasi tu niya dinep-ulan tu ulu tu. Limmaw di kad-an David et manyuung ni panlispituh tun hi-gatu.

2 Samuel 1:1 Referans Kwoze

1 Samuel 27:6

Et itudun Akhis ni hi-gatu hu Siklag. Neipalpun nunman ey neibilang law ni sakup ni Judah humman ni bebley.

1 Samuel 31:6

Yan nunman ni aggew ey netey hi Saul, yadda tellun u-ungnga tun laki, ya kamenettengnged ni almas tu et yadda opisyal tu.

Genesis 14:7

Et mambangngad idad En Mispat e ya ngadan tu law ey Kades, et gubaten dadda iAmalek niyadda Amorite ni nambebley di Hasason Tamal et apputen dadda.

1 Samuel 30:1

Nelabah dewwan aggew et dumteng di David di bebley dad Siklag ey inang-ang da e nalgab hu bebley da et magiheb emin hu wadadman. Ey yadda bibi-i niyadda u-ungnga da ey imbesik idan iAmalek ni immalin nengubat ni bebley da.

1 Samuel 31:4

Et kantu etan ni kamenettengnged ni almas tu ey “Uknut mu ispadah mu et pateyen muwak tep eleg ku pinhed ni yaddalli Pilistin e eleg mengullug nan Apu Dios hu um-alin mampehelheltap ni hi-gak.” Nem kaumtakut humman ni kamenettengnged ni almas tun memettey ni hi-gatu, et uknuten law nan Saul hu ispadah tu et lukbuban tu et matwik annel tu.