2 Peter 3:7 - Keley-i Bible (Antipolo Ifugao)

⁷ Ey tep immandal mewan Apu Dios e ya eya puyek et ya kabunyan ni tayu kaang-ang-angan nunya, ey bahbahen tullin apuy ni kedettengan ni aggew ni penuwetan niya pengastiguan tuddan tuun kamengehhing ni hi-gatu.

2 Peter 3:7 Referans Kwoze

2 Peter 3:10

Nanna-ud ni um-alilli hi Apu tayun an menuwet ni tuu. Nem eleg tayu amta hedin pigan tu ellian tu, tep henin kaelliin kamenekkew e endi nengamta. Nem ka-immatun ali kedettengan tu humman ni ellian Jesus tep medngel ali na-let ni bungug ni kabunyan ni ketellakan tu. Emin idalli etan bittuwen et ya aggew niya bulan ey mangkegihheb idan emin. Anin ya puyek niyadda etan wadadman et metellak ida.

Isaiah 51:6

Itengaw yud kabunyan niya iuhdung yu eyad puyek! Meendilli kabunyan e henin ahuk, niya mengpuh ali puyek e henin balwasi. Emin tuu ey mettey henin aggiyyet. Nem ya penellakniban kuddan tutu-uk niya kayyaggud ni pehding kun man-ap-apu ey mannananeng alin ingganah.

2 Peter 3:12

eyan yuka penehheggedin kedettengan ni aggew ni gintud tun keippahdingan tuddalli huyya. Yadda kayyaggud kapkapya yu ma-lat anggegannu ey nedatngan ellian tu. Emin ali hu wadad puyek niyad kabunyan ey mangkegihheb idan emin ni nunman ni aggew.

Revelation 21:1

Entanni ey inang-ang ku hu baluh ni kabunyan et ya baluh ni puyek. Neendidda etan nemangulun kabunyan, ya nemangulun puyek niya baybay.

Matthew 24:35

Meendilli kabunyan et ya puyek, nem mannenneng alin ingganah hu ehel ku.

2 Peter 2:9

Huyya keang-angan tun kaippaptek Apu Dios ida kamengu-unnud ni hi-gatu hedin wada ligat da, nem hedin yadda tutu-un lawah daka pehpehding, man huwetan tuddalli et kastiguen tudda,

Matthew 25:41

Nem kan kulliddan etan ni tuun lawah elaw dan eleg mengullug ni hi-gak ey ‘A-allaw kayud kad-an ku, tep lawah kayu. Lakkayuy di kad-an ni apuy ni eleg me-me-dep e neidaddan ni lawwan Satanas et yadda etan edum tun dimonyoh.

Revelation 20:11

Entanni ey wada inang-ang kun et-eteng ni mablah ni yuddungngan ey wada yimmudung diman. Ey endi maptek ey attukaw la hu puyek niya kabunyan, tep endidda law di kad-an tu.

Matthew 12:36

E-helen kun hi-gayu e yallin aggew ni penuwetan nan Apu Dios ni tuu ey mahapul ni hummangen yun emin hu in-inhel yun endi silbitu.

Jude 1:7

Ey entan tu liwwan hu neipahding di Sodom niyad Gomorrah, niyadda etan kebebbebley di nanlinikweh diman e kinastiguddan Apu Dios tep nabngang ida katuutuud man, et legaben tu humman idan bebley. Huyya kastigu da tep nemahhig liwat dan henin nanliwtan idan anghel, tep imminam ni hi-gada hu lellelgemen hu uliulig ni tuu e eleg da u-unnuda hu tugun Apu Dios ni pan-ahwaan e pakkaw ya laki niya bii hu man-ahwa. Nem ay yadda lakidman ey ya edum dan laki daka adduma henin pan-ahwa da. Huyyan nanlegaban nan Apu Dios ni bebley di Sodom niyad Gomorrah hu kei-ingngehan ni kastiguddan tuun manliwwat.

1 Timothy 6:9

Nem yadda tuun ya keddangyanan da hu daka nenemnema, ey nelakah idan mehe-ul di panliwwatan da niya pinpinhed dan mengippahding ni lawah. Nem ya pambalinan tu ey kebahbahan da.

Philippians 1:28

Entan takut yuddan buhul yu, tep humman pengi-immatunan dan mekastigudda tep ya liwat da, et hi-gayu hu mehellakniban. Tep endi edum ni menellaknib ni hi-gayu, nem ebuh hi Apu Dios.

1 John 4:17

Hedin nehammad hu impeminhed tayun Apu Dios, man eleg itsulli umtakut ni kehuwetan tayun hakey ni aggew, tep humman ni tayu kapeminhed eyad puyek ey henin kapeminhed Jesus.

2 Thessalonians 2:3

Entan kaheul yu, anin hipa kanda, tep eleg mabalin ni medettengan hu pambangngadan Jesus ingganah dakel ida mengiwwalleng niya mangngenghay nan Apu Dios, niya ingganah ni peang-ang etan kelellewwahan ni tuun tuka kehhinga tugun Apu Dios. Huyyallin tuu ey nanna-ud ni meippellaw di impiernoh et manhelheltap diman ni ingganah.

Romans 2:5

Nem manghay kayun peteg e eleg yu iwwalleng hu lawah ni yuka pehpehding, et mukun nema-ma-malli kastigu yun panhuwetan Apu Dios ni tuu. Yallin nunman hu keang-angan ni kalinimpiyuh tu niya bunget tu.

Mark 6:11

Ey hedin umlaw kayud hakey ni bebley ey eleg da pinhed ni dedngelen hu yuka ituttuddu niya eleg dakeyu pehgep di baley da, ey pukpuk yu hu dep-ul di dapan yun peni-yanan yun nunman ni bebley et pengipeang-ang yun hi-gada e nanliwat ida.”

Matthew 11:24

E-helen kun hi-gayu e yallin panhuwetan Apu Dios ni tuu ey nemahhig ali kastigu yu nem ya kastiguddan tuu lad Sodom e nemahhig liwat da.”

Matthew 11:22

Et humman hu, nemahhig ali kastigu yu nem yadda la eman tutu-ud Tyre niyad Sidon.

Matthew 10:15

E-helen kun hi-gayu e yallin aggew ni penuwetan Apu Dios ni tuud puyek, ey makulug ni i-imman ali hu kastiguddan nekalliwtan ni tutu-ud Sodom et yad Gomorrah nem ya kastiguddallin tutu-ud bebley ni mengihhingngal ni hi-gayu.

Sephaniah 3:8

Et humman hu, kangkuy ‘Heged yu hu aggew ni gintud kun pengippeang-angak ni bunget ku. Emmungek idalli katuutuud kebebbebley et ehelek nambahulan da et peang-ang kun hi-gada hu nemahhig ni peteg ni bunget ku e heni apuy. Mebahbah alin emin hu hipan wada eyad ta-pew ni puyek.’

Psalms 102:26

Nem hakey alin aggew et meendiddallin emin humman ni lintum. Heniddalli balwasin kamambalin ni layyut et kamei-ibbeng. Nem hedin hi-gam, man wada ka ngu dedan ni ingganah.

Psalms 50:3

Ey yallin ellian tu e Dios tayu ey henilli bungug ni kidul hu dedngelen tayu niya emin hu wadad pandellanan tu ey megihheb ida, tep pebukkul tu hu apuy ni kamantettebbel et maitu-nud e liniktub ni na-let ni pewek.

Revelation 17:11

Ya etan heni animal ni wadan nunman, nem endi law nunya ey hi-gatulli meikkewwalun man-ap-apu. Nan-ap-apu lan nunman, tep hi-gatu hu hakey ida etan ni pitun ap-apu, nem anin hi-gatu et umlaw di kalawwin kamekastigu.

Revelation 17:8

Humman ni heni animal ni inang-ang mun mategun nunman ey netey law nunya, nem eleg mebeyyag ey meukkat ali law etan di neku-kuan ni endi pappeg tu hu kadinallem tu et lumaw di kekastiguan tun ingganah. Et metngaddallin peteg hu tutu-ud puyek ni penang-angan da mewan ni nunman e anggetakkut ni animal. Humman ida etan eleg maitudek ngadan da etan di libluh ni neitudekan ni wada biyag dan endi pappeg tu e neitudek dedangngu et han maweda emin eya wadan nunya.

Isaiah 66:15

Hi Apu Dios ey um-alillin wada hu kaumhihinyab ni apuy di nanlinikweh ni hi-gatu, et kastiguen tudda etan tuka ibubbunget. Henilli manluggan di naka-let ni pewek.

Daniel 7:9

Yan nunman mewan ni nakka man-ang-ang-ang ey kamangkeihha-ad ida hu kayuddungin patul et lumaw hi Apu Dios e wadan ingganah et an yumudung ni manhuwet. Ya balwasi tu ey makablah e heni dallallu. Anin ya bewek tu et makablah e heni dutdut ni kalneroh. Ya etan yinudungan nunman ni man-ap-apu ey nahlian ni henin helin talak e kamantettebbel.

Malachi 4:1

Kan Apu Dios e Kabaelan tun emin ey “Kamangkedettengi hu aggew ni kehuwetan ni tutu-u. Megihheb idallin emin hu kamampeta-gey niya lawah daka pehpehding ni tutu-u etan di kaumhihinyab ni apuy et heniddalli negiheb ni dagemi e endilli metdaan ni hi-gada.

John 12:48

Ngenamung alin kedettengan ni aggew ni kehuwetan emin ni tuu hu kekastiguan idan kahing ni hi-gak niya eleg mengullug ni nakka e-e-hela. Humman idan makulug ni nakka e-e-hela hu keippuunan ni kekastiguan da.

Hebrews 12:29

Tep nemahhig hu kapengastigun Apu Dios idan eleg mengu-unnud ni hi-gatu, tep hi Apu Dios ey heni apuy e kaumgiheb.