2 Peter 2:21 - Keley-i Bible (Antipolo Ifugao)

²¹ I-imman ew etan eleg da amtaa humman ni elaw ni kakinayyaggud nem ya etan da amtaen ni han dalli mewan inwalleng, tep nemahhig kastigu da hedin iwwalak da hu hipan tugun Apu Dios ni hi-gada.

2 Peter 2:21 Referans Kwoze

Ezekiel 18:24

Nem hedin issiked ni kayyaggud ni tuun mengippahding ni kayyaggud et yadda etan lawah ni anggebe-hel kun tuka pehpehding, man eleg umtagu humman ni tuu. Meliwwan idan emin etan kayyaggud ni impahpahding tu et nanna-ud ni mettey, tep ya liwat tu, tep eleg tu pannananeng ni ipahding ida etan kayyaggud.

James 4:17

Et humman hu, ya etan tuun inamta tu kayyaggud, nem eleg tu ippahding, ey nanliwat nan Apu Dios.

Ezekiel 3:20

Niya hedin inlapun etan ni kayyaggud ni tuun manliwwat et indawtan kun panliggatan tun pematnaan kun hi-gatu ey eleg mu ehelan ey netey, e nanengtu hu liwat tu, man endi law silbiddan kayyaggud ni impahding tu, tep eggak ibbilang ida humman, et hi-gam hu pebehhulan kun neteyyan tu.

Luke 12:47

Ya bega-en ni nengamtan tugun ni apu tu, nem eleg tu u-unnuda, ey nemahhig kastigu tu.

John 15:22

Gullat ni eggak umli eyad puyek ni mantuttuddu, ey eleg et meamta hu liwat dan daka pengehhingin hi-gak. Nem immali-ak, et humman hu, endi da pengigga-dulan tep inamta da, nem kahing ida. Et humman hu, mekastiguddalli.

1 Thessalonians 4:2

Inamta yu e huyyaddan mika ittugun ni hi-gayu ey nalpun Apu tayu e hi Jesus Christo.

John 9:41

Kan Jesus ni hi-gaday “Gullat ni yuka ebbuluta e nekulap kayu ey me-kal et liwat yu. Nem gapu tep kanyuy eleg kayu makulap ey mannenneng hu liwat yu.”

Sephaniah 1:6

yadda nengiwalleng ni hi-gak niyadda etan eleg mampebaddang ni hi-gak ma-lat itugun kun hi-gada hu kayyaggud ni pehding da.”

Matthew 21:32

Tep intuttuddun John e kamemenyag hu kayyaggud ni elaw ni u-unnuden ey eleg yun hekey kulugen, nem kinulug ida ni-ngangu nunman idan kaman-emmung ni buwis et yadda etan lawah ni biin daka pebeyyabeyyad annel dad laki. Inamta yu e kinulug da elaw ni intudun John, nem eleg kayu mantuttuyyu et eleg yu u-unnuden.

Proverbs 16:31

Ya kamegun-ud di kapengippahdingin kayyaggud hu kamengippedukkey ni biyag. Ey ya kakeubbani hu kakeang-angin dayaw ni nea-ammaan.

Romans 7:12

Nem anin ni hanniman hu elaw nunyan Tugun, et nanengtun kakkayyaggud tep kayyaggud niya neiptek hu tuka ituttuddu, tep nalpun Apu Dios.

Ezekiel 23:13

Humman idan han-agi ey nan-ingngeh idan lawah ni peteg hu impenahding da.

Proverbs 12:28

Ya etan kayyaggud ni tuu ey tuka unnuda hu dalan ni mampellaw di ketegguan ni mannananeng et ya etan tuun mengidlan diman ey eleg mettey.

Psalms 125:5

Yan pengastiguan muddan lawah ni tuu ey kastigum ida dama etan tuun nengisiked ni mengu-unnud ni hi-gam. Ya kayyaggud ey mannananeng ni wada linggep eyad bebley di Israel.

Psalms 85:8

Unud tayu hu hipan e-helen Apu Dios e Apu tayu tep kantuy pelinggep tudda tutu-u tun kamengu-unnud ni hi-gatu. Nem mahapul ni eleg tayu ibbangngad ni pehding hu lawah ni tayu kapehpehding nunman.

Ezekiel 33:13

Anin na-mun hammaden kun e-helen etan ni kakkayyaggud tuka pehpehding ni tuu e meittu-u, nem hedin ididdinel tu hu kayyaggud ni impahpahding tun mengihwang ni hi-gatu et penghel tuy anin ni manliwwaliwwat mewan, man ippatey tu humman ni liwat tu, tep endi law bilang tun hi-gak ida kayyaggud ni impahpahding tun nunman.

Galatians 6:2

Pan-imbabaddang kayu et baddangan yudda edum yun wada ligat tu, tep humman elaw ni pengu-unnudan yun tugun Jesus Christo.

1 Timothy 6:14

Pannananeng mun u-unnuden ni emin hu neitugun ni hi-gam ma-lat endi an meippebehhul ni hi-gam ingganah ni pambangngadan alin Apu tayu e hi Jesus Christo

Hebrews 10:26

Hedin iggeb-at tayun eleg u-unnuda hu neipeamtan hi-gatsu, et tataggan tayun manliwwaliwwat, ey eleg law mansilbin hi-gatsu hu neteyyan Jesus. Tep endi law edum ni dammutun mei-appit ni mengkal ni liwat tayu.

2 Peter 3:2

Pinhed ku mewan ni eleg yu liwwana hu impeenamtaddan prophets ni nunman niyadda tugun Apu Jesus Christo, e kaumhelaknib, ni intenuttudduddan apostles ni hi-gayu.

Jude 1:3

Kaegiegi, mantuddekkak et ni hi-gayun meippanggep ni kapenellaknibin Apu Dios ni hi-gatsu. Nem ay ninemnem kun mahapul ni mantuddekkak ma-lat ehelen kun hi-gayu e ya kayyaggud ey pambabaddang kayun mengi-ehneng ni tayu kapengullug nan Apu Dios. Tep wadadda edum ni tuun ya pinhed da ey iwwalleng tayu hu tayu kapengullug. Nem entan kaya tu kulug humman idan tuu. Tep ya etan kinulug tayu dedan nunman ni indinel Apu Dios idan tuu tu ey eleg mabalin ni an mehullulan.