1 Samuel 9:1 - Keley-i Bible (Antipolo Ifugao)

¹ Wada etan hakey ni tuun kedangyan niya et-eteng ni lispituh ni tuun hi-gatu e hi Kish hu ngadan tu e helag Benjamin. Huyyan hi Kish ey u-ungngan Abiel e u-ungngan Seror e u-ungngan Bekolat e u-ungngan Apiah e helag Benjamin.

1 Samuel 9:1 Referans Kwoze

1 Samuel 14:51

Ya aman Saul e hi Kish ey han-agiddan Ner e aman Abner. Et ya amad Kish nan Ner ey hi Abiel.

Acts 13:21

Entanni ey nambagaddan mampatul ni hi-gada et putuken Apu Dios hi Saul e u-ungngan Kish e helag Benjamin, et hi-gatu nampatul idan aammed tayun na-pat ni toon.

1 Samuel 25:2

Wada etan kedangyan ni iMaon e hi Nabal e helag Kaleb. Wada tellun libun kalneroh tu niya hanlibun gelding tu. Wada kudal tud neihnup di Karmel. Makabbunget hi-gatu ey endi hemek tu. Ey lawah tuka pehding ni edum tun tuu. Nem hi Abigail hu ahwa tu ey nelaing ey kat-agu.

Job 1:3

Wada pitun libun kalneroh tu, tellun libun kamel tu, hanlibun baketu niya limanggatut ni kebayyu tu. Ey dakel bega-en tu. Hi-gatu kekekkeddangyanan idan nambebley di appit ni kasimmilin aggew.

2 Samuel 19:32

Nea-amma law hi Barsillai e newalu toon tu. Kedangyan hi Barsillai et hi-gatu nengipaptek ni mahapul di David niyadda tuu tu, henin kennen eman ni nanha-adan dad Mahanaim

1 Samuel 10:23

Impapuut dan an impaukat hi Saul et ang-angen idan tuu ey anakkayang e hi-gatu keta-ta-geyyan. Neipappeg di buklew tu hu keta-ta-geyyan idan tuu.

Esther 2:5

Wadan nunman di Susa etan Jew e hi Mordekai ngadan tu e u-ungngan Jair e u-ungngan Simei e u-ungngan Kish e helag Benjamin.