1 Samuel 4:18 - Keley-i Bible (Antipolo Ifugao)

¹⁸ Dingngel Eli hu neipahding etan ni Kaban Apu Dios ey nanletwad et ma-gah di yinudungan tud gilig ni heggeppan etan di bebley. Et mahpung hu buklew tu et matey, tep nea-amma niya mebel-at tep mateba. Hi-gatu nan-ap-apuddan helag Israel ni na-pat ni toon.

1 Samuel 4:18 Referans Kwoze

Psalms 69:9

Apu Dios, nemahhig kaguh ku eyan baley mu, et maggeh nemnem ku hedin nalgem hu keussalan tu, mukun emin hu lawah ni kae-helan tuun meippanggep ni hi-gam ey hi-gak hu tuka keillawwi.

Psalms 42:10

Makaggeh ni peteg hu daka pemennadngel ni hi-gak e kanday “Attu mewan etan Dios mun kamemaddang ni hi-gam ey?”

Psalms 42:3

Eggak mangamangan, tep kewa-wa-wa niya kelallabbi ey nakka umlewalewan lemyung ku. Nemahhig hu kapenge-ehhel idan buhul kun hi-gak e kanday “Kele attu mewan hu Dios mu et baddangan daka ey?”

Psalms 26:8

Nakappinhed kun umlaw di baley mu e Apu Dios, tep kameang-ang diman hu dayaw mu.

1 Samuel 4:13

Dimmateng di Siloh ey wada hi Eli e kamanyuyyuddung di yuddungngan tud gilig ni keltad e kamanhehhegged ni tuun melpud gubat anin ni eleg um-aang-ang matetu tep nea-amma e nahyam et walu toon tu. Nemahhig kaguh tun meippanggep etan ni Kaban Apu Dios. Yan nunman ni dintengan etan ni helag Benjamin ey indaddatteng tuddan tuu hu nemiliwan idan iPilistia ni Kaban Apu Dios. Et emin ida tuu ey ida kamantetekkuk gapuh ni takut da. Dingngel Eli tekuk da et mahmahan tu e kantuy “Kele ida kamangngangala?” Impapuut etan ni tuun limmaw di kad-an Eli et ehelen tu gapu tu.

Leviticus 10:3

Kan Moses nan hi Aaron ey “Huyya hu pinhed Apu Dios ni e-helen etan di kantun ‘Mahapul ni emin ida mansilbin hi-gak ey amtaen da e kayyagguddak ni peteg niya meiddeyyawwak idad tuuk.’” Nem kapakdag Aaron hu i-ineng.

1 Samuel 4:17

Kan nunman ni tuu ey “Bimmesik ida sindalu tayu tep neapput ida ey dakel hu netey ni hi-gada. Anin ida etan dewwan u-ungngam e di Hopni nan Pinehas et netey ida. Ey piniliw dan iPilistia hu Kaban Apu Dios.”

1 Samuel 4:19

Ya etan inepu tun biin ahwan u-ungnga tu e hi Pinehas ey ngannganih ni man-ungnga. Dingngel tu nemiliwan idan iPilistia ni Kaban Apu Dios, ya nemateyan dan ahwatu ni ya neteyyan aman nan ahwatu ey pinhakkeyey indegeh ni egeh tu. Yan nunman ni nan-ungngaan tu ey nampaligat.

Judges 15:20

Nanhuwet hi Samson ni dewampulun toon di Israel ni nan-ap-apuan idan iPilistia di bebley da.