1 Samuel 4:13 - Keley-i Bible (Antipolo Ifugao)

^13-15 Dimmateng di Siloh ey wada hi Eli e kamanyuyyuddung di yuddungngan tud gilig ni keltad e kamanhehhegged ni tuun melpud gubat anin ni eleg um-aang-ang matetu tep nea-amma e nahyam et walu toon tu. Nemahhig kaguh tun meippanggep etan ni Kaban Apu Dios. Yan nunman ni dintengan etan ni helag Benjamin ey indaddatteng tuddan tuu hu nemiliwan idan iPilistia ni Kaban Apu Dios. Et emin ida tuu ey ida kamantetekkuk gapuh ni takut da. Dingngel Eli tekuk da et mahmahan tu e kantuy “Kele ida kamangngangala?” Impapuut etan ni tuun limmaw di kad-an Eli et ehelen tu gapu tu.

1 Samuel 4:13 Referans Kwoze

1 Samuel 1:9

Wadan pinhakkey hu negibbuh idan nengan di baley Apu Dios di Siloh ey immehneng hi Hannah et uma-allaw di pangil et mandasal. Nemahhig lemyung tu ey tagan tu nangih. Hi Eli e padi ey kamanyuyyuddung etan di yuddungngan tud neihnup di heggeppan ni baley Apu Dios.

1 Samuel 4:18

Dingngel Eli hu neipahding etan ni Kaban Apu Dios ey nanletwad et ma-gah di yinudungan tud gilig ni heggeppan etan di bebley. Et mahpung hu buklew tu et matey, tep nea-amma niya mebel-at tep mateba. Hi-gatu nan-ap-apuddan helag Israel ni na-pat ni toon.

Psalms 26:8

Nakappinhed kun umlaw di baley mu e Apu Dios, tep kameang-ang diman hu dayaw mu.

Joshua 7:9

Nungay dedngelen idan iKanaan et yadda edum ni nambebley di deya huyyan neipahding ey likwehen dakemi et patyen dakemi et meendi kami eyad ta-pew ni puyek. Inna-nu mewan ni keiddeyyawan ni eta-gey ni ngadan mu hedin henin nunya meippahding?”

Jeremiah 48:19

Ey hi-gayun iAroer, elaw kayuddad keltad et mahmahan yuddan kamemsik ni nalpud Moab hedin hipa neipahding.