1 Samuel 27:8 - Keley-i Bible (Antipolo Ifugao)

⁸ Yan nanha-adan dadman ey kaipappangngulun David ida sindalu tun an mekiggubbat. Ginubat tudda bimmebley di Geshur, yadda tuud Girsi niyadda tuud Amalek e nebayag ni nambebley diman. Ey inlapu da pay ni mengubbat idan tuud Sur ingganah di Egypt.

1 Samuel 27:8 Referans Kwoze

Joshua 13:2

Huyyadda pay hu bebley ni eleg yu sakupen: Emin hu bebley di Pilistia et yad Geshur, yadda bebley di Abbim di appit ni south, meippalpud Wangwang e Sihor di pappeg ni Egypt ingganah di pappeg ni Ekron di appit ni north e neibilang ni bebley ni Kanaanite et ya bebley idan etan ni liman patul di Gaza, Asdod, Askelon, Gath niyad Ekron e bebley di Pilistia, emin hu bebley idan Kanaanite ni wadad appit ni north e ya pappeg tu ey meippalpud Mearah e bebley idan iSidon ingganah di Apek di pappeg ni bebley idan Amorite, yadda bebley idan Gebalite niya emin hu Lebanon di appit ni kasimmilin aggew meippalpud Baalgad di appit ni south di Duntug e Hermon ingganah di Hamat. Neibilang deya ida bebley ni iSidon di nambattanan ni Misrepot Maim et yadda duntug di Lebanon. Baddangan dakeyun hi-gak et sakupen yudda huyyan bebley ma-lat ekalen yudda tutu-udman. Mahapul ni gennedwaen mudda huyyan bebley et i-peng mudda etan di heyam ni helag Israel et ya gedwan helag Manasseh tep huyya dedan la intugun kun pehding mu.”

Joshua 13:13

Nem eleg degyunen idan helag Israel ida tutu-ud Geshur et yad Maakah et ingganah nunya ey nekibebley idan hi-gada.

Judges 1:29

Hanniman ida daman helag nan Epraim e eleg dadda degyunen hu iKanaan ni nambebley di Geser et mekibebley idan hi-gada.

Joshua 16:10

Nem eleg da degyunen ida iKanaan ni nambebley di Geser et makibebley idan helag Epraim ingganah nunya, nem nambalin idan himbut idan helag Epraim.

1 Chronicles 2:23

Nem entanniy ginubat idan ap-apud Geshur niyad Aram et sakupen da na-nem ni bebley diman, anin ni ya Jair niya Kenat niyadda edum ni bebley ni neihnup diman. Emin ida nambebley diman ey helag idan Makir e aman Gilead.

2 Samuel 15:8

Yan eman ni wada-ak di Geshur di Syria ey insapatah kun hi-gatu e hedin ibbangngad tuwak di deya Jerusalem ey nak deyyawen di Hebron.”

2 Samuel 14:32

Hinumang Absalom e kantuy “Em, tep nenu-dakkak ni nampidwan an mengeyyag ni hi-gam nem eleg ka umli. Pinhed ku-et ni umlaw kad kad-an ama et mu ibegan hi-gatu hedin hipa gaputun yuwak ali inewit di Geshur et i-li yuwak di deya ey ay eleg damengu pinhed aman ang-angen tuwak. Heballi ew ngu eleg da-ak i-lidya et nanha-addak diman. Pinhed kun ang-angen, et hedin nambahullak, anin ni pepettey tuwak ni hi-gatu.”

2 Samuel 14:23

Et lumaw hi Joab di Geshur et tulli awiten hi Absalom et umenamut idad Jerusalem.

1 Samuel 30:1

Nelabah dewwan aggew et dumteng di David di bebley dad Siklag ey inang-ang da e nalgab hu bebley da et magiheb emin hu wadadman. Ey yadda bibi-i niyadda u-ungnga da ey imbesik idan iAmalek ni immalin nengubat ni bebley da.

Exodus 17:8

Yan wadadda helag Israel di Repidim ey limmaw ida iAmalek ni an mengubbat ni hi-gada.

Exodus 15:22

Entanni ey impangulun Moses mewan ida helag Israel et hi-yanen da etan Madlang ni Baybay et mampalaw idad Sur e eleg mebebleyi. Yan kaweda dadman ey tellun aggew ni endi da himmak ni danum ni innumen da.

Joshua 12:5

Ya sinekup ni nan-ap-apuan tu ey yadda bebley di Duntug e Hermon, yad Salekah niyadda emin ni bebley di Bashan ingganah di pappeg ni Geshur et ya Maakah. Sinekup tu hu kagedwah ni Gilead e hedin ya kagedwah tu ey sinekup ni nan-ap-apuan Sihon e patul ni Hesbon.

1 Samuel 29:6

Et ayagan Akhis di David et kantun hi-gatuy “Nakka issapatah di ngadan Apu Dios e makulug ni kayyaggud ka et pinhed kun mekillaw kan hi-gamin mekiggubbat, nem eleg pinhed idan edum kun ap-apun sindalu.

2 Samuel 3:3

Ya hened ey hi Kileab, e u-ungnga dan Abigail, e ahwa lan eman nan hi Nabal di Karmel. Ya meikkatlu ey hi Absalom, e u-ungnga dan Maakah, e u-ungngan Talmai, e patul di Geshur.

2 Samuel 3:22

Entanni ey dimmateng di Joab e nalpuddallid da nekigubatan idan buhul da ey dakel in-anemut dan inladadda nekigubatan. Endid Abner di diman tep immeladda ey nandinel ni endi lawah ni meippahding ni hi-gatu tep humman inhel David.

2 Samuel 8:12

Humman idan bebley ey Edom, Moab, Ammon, Pilistia, niya Amalek. Anin idan illa tun Hadadeser e patul di Sobah e u-ungngan Rehob et in-appit tun Apu Dios.

Numbers 13:29

Hedin yadda iAmalek ey nambebley idad Negeb. Yadda Hittite, yadda Jebusite niyadda Amorite ey nambebley idad duntuduntug diman. Yadda iKanaan ey nambebley idad gilig ni baybay niyaddad gilig ni Wangwang e Jordan.”

Numbers 14:45

Entanni ey immalidda Amalekite niyadda Kanaanite ni nambebley diman et apputen dadda et pampedugen dadda humman ni helag Israel ingganah di Hormah.