1 Samuel 27:2 - Keley-i Bible (Antipolo Ifugao)

^2-3 Et ikuyug David ida pamilyah tu et yadda enem ni gatut ni sindalu tu et yadda pamilyah da et ida makibebley di Gath e et-eteng ni bebley di Pilistia. Hi Akhis e u-ungngan Maok hu patul diman. Ingkuyug tudda etan dewwan ahwa tu e hi Ahinoam di Jesreel et hi Abigail di Karmel e ahwa la nin Nabal.

1 Samuel 27:2 Referans Kwoze

1 Samuel 25:13

Bimmunget hi David et kan tuddan sindalu tuy “Pandaddan kayu ey pan-asip kayu.” Nan-asip dama hi David et ipengulu tudda epat ni gatut ni sindalu tu. Eleg ida makilaw hu dewanggatut ni sindalu tu tep mangguwalyaddan ngunut da.

1 Samuel 21:10

Imbesikan David ni nunman ni aggew hi Saul et manglaw di Pilistia di kad-an Akhis e patul di Gath.

1 Samuel 30:8

Nekihummangan hi David nan Apu Dios e kantuy “Kaw pepdugen midda iAmalek ey kaw ha-kupen midda ey apputen midda?” Kan Apu Dios ey “Em! Pedug yudda et bangngaden yudda emin hu imbesik da.”

1 Samuel 30:9

Et mangunud di David et yadda etan enem ni gatut ni sindalu tu. Dimmateng idad kulukul di Besor ey nanha-ad ida dewanggatut ni sindalu tep neka-atudda. Nem intuluy di David et yadda etan epat ni gatut ni sindalu tun limmaw.

1 Chronicles 12:1

Wadadda nei-dum nan David ni lalakki et manha-ad idad Siklag eman ni binsikan tu tep pinhed nan Saul e u-ungngan Kish ni petteyen. Huyyadda edum tun netuled ni sindalun nekigubagubat.

1 Samuel 21:11

Nem kan idan opisyal Akhis ey “Kaw beken huyya hi David e patul di bebley dad Israel? Tam hi-gatu etan intenattayyawan idan bibi-i ey in-ena-appehan da. Kanday ‘Hi Saul ey kalibulibu pintey tu, nem hi David ey kapulupulun libu pintey tu.’”