1 Samuel 24:7 - Keley-i Bible (Antipolo Ifugao)

⁷ Huyya inhel David idan sindalu tu et agda pateyen hi Saul. Entanni ey neukat hi Saul etan di leyang et manglaw.

1 Samuel 24:7 Referans Kwoze

Matthew 5:44

Nem yan nunya ey e-helen kun hi-gayu e mahapul ni pinheden yudda buhul yu niya iddasalan yudda tuun kamengippelilligat ni hi-gayu

1 Samuel 25:33

Ey nakka mampasalamat nan Apu Dios gapuh ni kayyaggud ni mu kapannemnem et aggak meil-uh ni pumetey gapuh ni pengibleh kun impahding ni buhul kun hi-gak.

1 Samuel 24:6

Kan tuddan sindalu tuy “Eleg mabalin nak ippahding humman. Hi Apu Dios hu nemilin hi-gatun mampatul et humman hu eleg tu i-abulut ni wada nak ippahding ni hi-gatun lawah.”

1 Samuel 24:8

Neukat dama law hi David etan di leyang et kantun nan hi Saul ey “Apu patul.” Nanligguh hi Saul ey nanyuung hi David ma-lat lispituhen tu.

1 Samuel 26:9

Nem kan David nan Abishai ey “Entan tu patey. Kaw eleg mu amta e kastiguen nan Apu Dios hu mengippahding ni lawah ni pinutuk tun mampatul?

1 Samuel 12:3

Pandengel kayu. Hedin wada impahding kun lawah, ehel yun nunyad hinanggan Apu Dios et yad hinanggan eyan patul ni pinutuk tu. Nemnem yu mewan hedin wadan hi-gayu hu inlak baketu winu kebayyu tu. Kaw wadan hi-gayu hu tinelam ku winu impanhelheltap ku? Kaw wada nengipahdingak ni beken limpiyuh gapu tep nebayadannak. Pekannemnem yu et hedin wada impahding kuddan nunyan hi-gayu ey ehel yu ma-lat baydan ku winu wa-hiak.”

1 Samuel 26:23

Bendisyonan Apu Dios ida tuun kameiddinnel ey limpiyuh daka pehding. Yan nunya ey indaddan dakan Apu Dios ma-lat ngenamung pehding kun hi-gam e pinutuk tun mampatul nem eleg daka pateyen.

2 Samuel 1:14

Et kan David ni hi-gatuy “Kele endi takut mun nematey ni pinutuk Apu Dios ni patul? Yan nunya ey mettey ka tep hi-gam ngu kan bahul! Indudug mu ngun inhel hu bahul mu e pintey mu pinutuk Apu Dios ni patul.” Inaygan David hu hakey ni sindalu tu et kantun hi-gatuy “Patey mu eya tuu!” Et pateyen nunman ni sindalu tu humman ni iAmalek.