1 Samuel 21:5 - Keley-i Bible (Antipolo Ifugao)

⁵ Kan David ey “Ma-nu humman tep makulug ni eleg ida ngu dedan meki-ullig hu sindaluk ni bii hedin wada lawwan mi. Nema-ma-man nunya tep importanteh ni peteg hu mi ippahding.”

1 Samuel 21:5 Referans Kwoze

Acts 9:15

Nem kan Apu Jesus ey “Anin, lakay kuma tep hi-gatu pinutuk kun mengituttuddun meippanggep ni hi-gak idan Gentiles, yadda patul niyadda edum mun Jews.

Leviticus 24:9

Meidwat ida humman ni sinapay nan Aaron niyadda lalakkin helag tu et kanen dad kad-an ku tep humman patal da etan di kennen ni kamei-appit ni kagihheban hi-gak e Ap-Apu.”

Leviticus 8:26

Ey immalan tellun klasih ni sinapay ni neieng-eng nan Apu Dios, e hakey ni sinapay ni eleg meha-adan ni kamampelbag, ya hakey ni sinapay ni neha-adan ni mansikan olibah et ya meingpih ni sinapay, et ita-pew tuddad taba et yad wannan ni ulpun kalneroh.

1 Peter 3:17

Tep kedukdul hu an panlelehhanan tep ya kapengippahdingin kayyaggud hedin humman pinhed Apu Dios, nem ya an panlelehhanan tep ya kapengippahdingin lawah.

1 Corinthians 7:5

Et humman hu, entan panhin-e-leg ni pan-ulligan yu. Nem dammutun anin man-appil kayun meuggip hedin inhummangan yu, ma-lat wada inna-nu yun mandasal. Nem beken ni kahilehileng, tep entannit eleg kayu pakeisipel ey wada penemnem Satanas ni lawah ni pene-ul tun hi-gayu.

Exodus 19:14

Et mandayyu mewan hi Moses et ehelen tudda etan ni tuu e kantuy “Pandaddan kayun menaydayaw nan Apu Dios ni bewahtu. Hedin hi-gayuddan nampengahwa, entan tu ni iulig hu ahwa yu.” Et ipahding idan tuu hu elaw ni panlinnih ni annel da ey imbalbal da babalwasi da.

Exodus 25:30

Mahapul ni wadan kenayun hu sinapay ni ihha-ad yud hinangngab ku etan di tebol ni kapyaen yu.”