1 Samuel 2:11 - Keley-i Bible (Antipolo Ifugao)

¹¹ Immanemut di Elkanah di bebley dad Ramah nem nanha-ad hi Samuel di Siloh, tep mansilbin Apu Dios di kad-an nan hi Eli e padidman.

1 Samuel 2:11 Referans Kwoze

1 Samuel 3:1

Ya etan u-ungnga e hi Samuel ey kamansilbin Apu Dios e tuka babbaddangi hi Eli e padi. Yan nunman ni tsimpuh ey kunan hu kapekihhummanganin Apu Dios niya tuka pampeang-angin tuu.

1 Samuel 2:18

Ya etan u-ungnga e hi Samuel ey tuka ingungngunnui hi Apu Dios. Ey tu dama kaibbalwasi etan ephod e balwasin padi.

1 Samuel 1:28

Yan nunya ey ibbangngad ku eya u-ungngak nan Apu Dios et hi-gatu ngenamung ni hi-gatu ingganah mepappeg biyag tu.” Negibbuh ungbal da et dayawen da hi Apu Dios.

1 Samuel 3:15

Nambangngad hi Samuel ni neugip ingganah newa-wa et hantu ibeghul hu heggeppan ni baley Apu Dios. Kaumtakut hi Samuel ni menghel nan Eli ni meipanggep ni ini-innep tu,

1 Samuel 1:19

Bimmangun idan dagah di Elkanah et ya pamilyah tun newa-waan tu, et mandayaw idan Apu Dios et han ida mambangngad di bebley dad Ramah. Entanni ey nambutsug hi Hannah tep dingngel Apu Dios hu dasal tu. Nan-ungnga ey laki et ngadanan tun hi Samuel e ya keibbellinan tu ey ‘Nakdew nan Apu Dios’ tep kan Hannah ey “Kindew kun Apu Dios.”

1 Samuel 1:1

Wada etan hakey ni lakin helag Epraim e hi Elkanah ngadan tu e nambebley di Ramah di duntug ni Epraim. Hi Jeroham hu ametu e u-ungngan Elihu e u-ungngan Tohu e u-ungngan Sup e helag Epraim.

1 Samuel 7:17

Et hedin ginibbuh tun manhuwet idadman ni bebley, ey mambangngad di Ramah e bebley tu, tep hi-gatu kamengippennuh ni kapanhahallaiddan tuudman. Hakey pay ey yad Ramah hu nengapyaan tun pan-appitan dan Apu Dios.