1 Samuel 18:12 - Keley-i Bible (Antipolo Ifugao)

¹² Inamtan Saul e wada hi Apu Dios nan hi David tep kameang-ang e hi-gatu law hu tuka baddangi. Nem hedin hi Saul man inwalleng law Apu Dios et humman gaputun kaumtatakut law nan David.

1 Samuel 18:12 Referans Kwoze

1 Samuel 18:29

ey nema-ma-ma law hu takut tun David et mambalin ni buhul tu David ni ingganah.

1 Samuel 18:15

Kaang-ang-angan Saul humman ni kameipahpahding ey nema-ma-man kamemunnumunnu nemnem tu. Nem emin ida helag Israel ey nakappinhed da hi David, tep hi-gatu kamengipappangnguluddan sindalu dan mekiggubbat et apputen dadda buhul da.

1 Samuel 28:15

Entanni ey immehel hi Samuel e kantun Saul ey “Kele muwak impaeyag di deya et muwak taktaken.” Kan Saul ey “Em tep et-eteng ni ligat ku. Immalidda iPilistia ni an mengubbat ni hi-gak, nem dingkug tuwak nan Apu Dios. Eleg tuwak law hummangad i-innep ku niya endi tuka e-ehheladdan prophets ni pehding mi et mukun inaygan daka, ma-lat ehlen mu hedin hipa pehding ku.”

1 Samuel 16:18

Immehel etan hakey ni bega-en tu ey kantuy “Wada etan inamtak ni lakid Bethlehem ni u-ungngan Jesse e beken ni nelaing ni ebuh ni manggitalah, nem kayyaggud pay ni laki ey netuled niya nelaing ni meippanggep ni gubat niya kayyaggud tuka pan-e-ehhel. Ey kabaddangin Apu Dios di emin ni tuka pehding.”

Acts 24:25

Nem yan kapanpengituttudduin Paul meippanggep ni kakinayyaggud, ya pengekkenneng ni annel, ni ya kedettengan ni panhuwetan alin Apu Dios ey simmakut hi Felix et kantuy “Anin hiyya ni huttan. Han dakalli mewan paeyag hedin wada wayah ku.”

Acts 7:9

Inemehan idan nunman ni u-ungngan Jacob etan hakey ni agi da e hi Joseph, et igtang dan iEgypt et mambalin ni himbut diman. Nem binenaddangan Apu Dios di emin ni ligat tu ey indawtan tun et-eteng ni kalinaing tu niya kayyaggud ni elaw, et mukun pinpinhed Pharaoh e patul di Egypt et pambalin tun gobernor diman niya hi-gatu kamampaptek di baley Pharaoh.

Luke 8:37

Et gapuh ni takut idan bimmebley di Gerasene ey inhel dan Jesus e hi-yanen tu bebley da. Et mambangkad Jesus et man-agwat idad demang ni baybay.

Matthew 25:41

Nem kan kulliddan etan ni tuun lawah elaw dan eleg mengullug ni hi-gak ey ‘A-allaw kayud kad-an ku, tep lawah kayu. Lakkayuy di kad-an ni apuy ni eleg me-me-dep e neidaddan ni lawwan Satanas et yadda etan edum tun dimonyoh.

Hosea 9:12

Anin ni kantu et mewedda u-ungnga yu et pappegek hu biyag da et nemahhig ali lemyung yun keendian da. Nanna-ud e hedin iwwalleng dakeyun hi-gak man himmalla hu meippahding ni hi-gayu.

Psalms 53:5

Nem hakey alin aggew et wadalli hu meippahding ni hi-gada et nemahhig ni umtatakut idalli e nema-ma-ma nem ya takut dan hiniktaman da lan nunman. Tep meiwahhiwahhit ali hu genit dan ketteyyan da gapuh ni pehding Apu Dios ni hi-gada. Mukun meippahding humman ey tep paka-apputen idallin tuu tudda tep inwalleng tudda dedan.

Psalms 51:11

Entan tuwak anhan iwalleng ey entan tu anhan idawwi hu Ispirituh mun hi-gak.

1 Samuel 22:13

Et kan Saul ni hi-gatuy “Kele mu binaddangan hi David e buhul ku et idwatam ni kennen tu niya ispadah? Ey kele ka nekiungbal nan Apu Dios et ibegam hedin hipa kayyagud ni pehding tu? Yan nunya ey dingkug tuwak et tuwak kaanbebbetaka ma-lat pateyen tuwak.”

1 Samuel 18:20

Nem ya etan hakey ni biin u-ungngan Saul e hi Mikal ey nakappinhed tu hi David. Neamtaan nan Saul humman ey kaman-am-amleng

1 Samuel 16:4

Inu-unnud Samuel humman ni inhel Apu Dios et lumaw di Bethlehem. Dimmateng diman ey ida kamanggegeygey etan aap-apun an menammun hi-gatu gapuh ni takut da. Kanday “Kaw kayyaggud hu in-alim?”

1 Samuel 20:13

Nem hedin pinhed dakan petteyen, ey eggak peamtan hi-gam ma-lat meihwang ka, anin ew ni petteyen tuwak nan Apu Dios. Nem nanengtu et anhan kayan baddangan dakan Apu Dios heni lan ama e binenaddangan tun nunman.

Judges 1:19

Sinekup da pay duntuduntug ni bebley tep binaddangan nan Apu Dios ida. Nem eleg da degyunen etan ida nampambebley di nedeklan tep gumek hu kalesah da.

Judges 16:20

Simmekuk hi Delilah e kantuy “Samson, immalidda iPilistia ni mempap ni hi-gam!” Bimmangun hi Samson e kantud nemnem tuy “Eleg da-ak metlaing handepap tep ippelkih ku mewan ida henin impahding ku lan nunman.” Nem eleg tu amtaen e hini-yan law Apu Dios.

1 Samuel 3:19

Kamangkehihhikken hi Samuel ey kapekabbaddangin Apu Dios di emin ni tuka pehding. Ey kapeamnun Apu Dios emin hu kaebbigan Samuel.

2 Samuel 5:10

Lektattuy kamangkeihhammad hu kapan-ap-apuin David tep kapakabbaddangin Apu Dios e Kabaelan tun emin.

2 Chronicles 17:3

Binendisyonan Apu Dios hi Jehoshaphat tep inu-unnud tu hu impahding ametu e eleg tu dayawen hi Baal.