1 Samuel 17:18 - Keley-i Bible (Antipolo Ifugao)

¹⁸ Peki-lam eya hampulun mebanglun cheese ni mekkan et idwat mu la etan ni ap-apu da. Ey ang-ang mu hedin hipa inna-nudda etan ni agim niya ehel mun hi-gada et mantudek idalli.

1 Samuel 17:18 Referans Kwoze

1 Samuel 16:20

Inebulut Jesse et idaddan tu dakel ni sinapay niya meinnum et ya gelding, et ilugan tud kebayyu et paela tun David ni tu iddawat nan Saul.

Acts 15:36

Hakey ni aggew ey kan Paul nan hi Barnabas ey “Umlaw itan an menang-ang idan emin ni nengulug di kebebbebley di nantuttudduan tan meippanggep nan Apu Jesus et pengamtaan ta hedin nanengtun ida kamengullug.”

Job 10:10

Wineda muwak et peetteng muwak di egeh ina.

Genesis 37:13

Ey kan Jacob nan Joseph ey “Kaiunud ka et mu ang-angen ida agim di daka pampattuled Sekem. Mulli ang-ang hedin kayyaggud hu kameipahpahding ni hi-gada niyadda animal ni da impattul. Ey nambangngad ka et peamtam ni hi-gak.” Kan Joseph ey “Em, umlawwak.” Et umgah di bebley dad Hebron et lumaw di Sekem. Dimmateng hi Joseph di Sekem

1 Samuel 17:19

Immen ida agim niyadda edum dan sindalun Israel etan di Nedeklan e Elah, tep ida kamekiggubbat idan iPilistia.”

Exodus 18:7

Ida kamenetteng ey an dinammun Moses et manyuung et akwalen tu. Et ikuyug Moses idad kampu tu.

Judges 18:15

Himmegep idad baley Mikah et mekihummangan ida etan ni helag Levi ni kamekihha-ad diman.

1 Samuel 25:5

Et itu-dak tudda hampulun nangkehiken ni sindalu tud Karmel e kantun hi-gaday “Lakkayuy di kad-an Nabal di Karmel et kanyun hi-gatuy ‘Intu-dak dakemin apu mi e hi David ma-lat ehelen min hi-gam huyya: Andukkey ey kayyaggud et anhan hu pambiyagan mu eyad puyek, anin idan wadad baley mu.

1 Samuel 30:21

Et mambangngad di David di kulukul di Besor di kad-an idan etan dewanggatut ni sindalun eleg makilaw gapuh ni atu da. Immaliddan nenammud David et apngaen David ida.

Esther 2:11

Kewa-wa-wa ni kamanlinnabah hi Mordekai di dallin ni kapanha-adid Esther, ma-lat ang-angen tu niya amtaen tu hu kameippenahding ni hi-gatu.