1 Samuel 17:13 - Keley-i Bible (Antipolo Ifugao)

^13-15 Yadda etan tellun u-ungnga tun nanhayhayned meippalpud pengngulwan ey hi Eliab, hi Abinadab et hi Samah, ey ida nei-dum di sindalun Saul ni an nekigubat idan iPilistia. Hi David e udidyan ey kamekihha-ad di baley Saul nem kaman-inlaw di kad-an ametud Bethlehem ni an memaddang ni hi-gatun mengippaptek ni kalneroh da.

1 Samuel 17:13 Referans Kwoze

1 Chronicles 2:13

Pitu hu u-ungngan Jesse e hi Eliab hu pengulwan et han hi Abinadab et hi Sammah,

2 Samuel 21:21

Nemahhig e tudda kaheneghegnita sindalun helag Israel nem pintey Jonathan, e u-ungngan Simeah, e agin David.

2 Samuel 13:32

Nem kan Jonadab, e u-ungngan Simeah e agin David ey “Apu patul, eleg ida kaya matey emin u-ungngam, ebuh hi Amnon ni netey. Implanuh dedan nan Absalom humman neipalpun nemilitan Amnon ni in-ulig hi Tamar e agi tu.

2 Samuel 13:3

Nem wada etan netalam ni gayyum Amnon e hi Jonadab e agin Amnon tep u-ungngan Simeah e agin ametu e hi David.

1 Samuel 17:28

Dingngel nan Eliab e pengulwan David humman ni inhel tu ey imbunget tu e kantuy “Hi-gam kedi ngudama ey lawah wadad nemnem mu ey ka kamampahhiya. Kele wada kadya? Hipa mengippaptek idan kalneroh tayun muka ipappattul? Immali kan ebuh ni an man-ang-ang-ang eyan gubat.”