1 Samuel 16:21 - Keley-i Bible (Antipolo Ifugao)

²¹ Nanha-ad hi David di baley Saul et mansilbin hi-gatu. Nakappinhed nan hi Saul hi David et hi-gatu hakey ni kamengnged ni almas tu.

1 Samuel 16:21 Referans Kwoze

Proverbs 22:29

Ya meikkellima: Ya etan tuun kayyaggud tuka pehding ni mengingngunnun kameittuddun ingngunu tu ey hi-gatu dammutun mengingngunnun pengunnun patul.

Psalms 146:3

Entan tu ididdinel hu tuu, anin ni eta-gey hu saad tu. Tep endi kabaelan ni tuun mengihwang ni hi-gayu.

Psalms 62:9

Hi-gatsun tutu-u eyad puyek, newetwet niyadda kedangyan, ey endin hekey hu bilbilang tayud kapenang-ang nan Apu Dios. Tep gullat na-mun meikkilloh itsu et angkepaw itsu nem ya yahyah.

1 Kings 10:8

Negahat ida tuum! Anin idan opisyal mun wadan ingganah di kad-an mu, tep daka deddedngela hu ehel ni nelaing ni tuu.

Deuteronomy 10:8

Yadman nenuduan Apu Dios idan lalakkin helag Levi ni mampaptek ni Kaban tu, ey hi-gada mampeddi niya mengi-hel ni bendisyon tu. Et ingganah nunya ey huyyadda ngunu da.

Deuteronomy 1:38

Nem petuled mu hi Joshua e u-ungngan Nun e kamemabbaddang ni hi-gam, et hi-gatu mengipengnguluddan etan ni tutu-un mambebley diman.’

Judges 9:54

Kantu etan ni bega-en tuy “Uknut mu ispadah mu et patyen muwak et eleg ali panghel ni tuu ey ya hakey ni bii hu nematey ni hi-gak!” Inu-unnud etan ni bega-en tu et tewiken tu et matey.

1 Samuel 16:22

Entanni ey nenu-dak hi Saul di kad-an nan Jesse et tu ibega e kantuy “Iebulut mu et mambalin hu u-ungngam e hi David ni hakey ni mansilbin hi-gak tep nakappinhed ku.” Et iebulut nan Jesse.

1 Samuel 17:55

Yan eman ni kapenang-ang-angin Saul nan hi David ni tuka pekillebbanin Goliath ey kantun Abner e ap-apuddan sindalu tuy “Hipa kan u-ungngan hi-gatu?” Kan Abner ey “Tawwey, apu patul, tam anin hi-gak et aggak dama amta.”

1 Samuel 19:7

Negibbuh nanhummanganan dan han-ama et an ayagan nan Jonathan hi David et idaddatteng tun emin hu inungbal dan ametu. Ingkuyug Jonathan hi David et lumaw idad kad-an nan Saul et ingungngunnuan David hi Saul e heni lan nunman.