1 Samuel 16:2 - Keley-i Bible (Antipolo Ifugao)

² Nem kan Samuel ey “Nem inna-nun nak pengippahdingan nuntan? Kaw eleg tuwak petteyan Saul hedin dedngelen tu?” Kan Apu Dios ey “Ala kan kilaw ni bakan lawwam diman et hedin wada mengibbegga hedin hipa mu pehding diman, kammuy ‘Immali-ak tep nak i-appitan hi Apu Dios.’

1 Samuel 16:2 Referans Kwoze

1 Samuel 9:12

Kan ida etan ni bibi-iy “Em wadadman. Pakealli tu tep yan nunya pan-appitan idan tuu nan Apu Dios di duntug. Papuut yu hedin pinhed yun ha-kupan tep immegah ni umlaw di duntug ni an mekikkan idan tuu. Ida kamanhehhegged tutu-ud duntug tep eleg mabalin ni mengngan ida tuun neaygan ingganah ni umdateng tep mahapul ni iddasal tun Apu Dios etan neiappit et han ida mangan. Et humman hu papuut yun umlaw ma-lat datngen yu.”

1 Samuel 20:29

Impaeyag kunuddan agi tu tep mahapul ni wadaddan emin ni han-aamma, ma-lat ipahding da hu daka pehding ni man-appit. Kantuy ‘Hedin anhan mabalin ey iebulut mu et umenamuttak et nak ang-angen ida aaggik?’ Et iebulut ku. Et humman hu endi hi-gatun nunya.”

Matthew 10:16

Dengel yuwak, tep yad pengittu-dakan kun hi-gayun yu pengituttudduan ni elaw ku, ey heni kayu kalneroh ni an mei-dum di mangkabunget ni ahhud muyung. Et humman hu, mahapul ni pekahhellipat-an yu e heni kayu uleg e tuka pekahhellipat-i ma-lat eleg matey. Mahapul mewan ni endin hekey hu yu nemnemen ni lawah e heni kayun paluma.

Luke 1:34

Nem kan Maria etan ni anghel ey “Inna-nun nak pan-ungngaan ey endi ahwak?”

Exodus 3:11

Nem kan Moses ey “Apu, kaw hipa-ak kuman an mekihhummangan etan ni patul ma-lat iebulut tun ippanguluk ida etan edum kun helag Israel et hi-yanen mi Egypt?”

1 Samuel 16:3

Ayagim hi Jesse di mu pan-appitan et han ku la ehela pehding mu. Puttukem ali etan ittuduk ni hi-gam ni mampatul.”