1 Samuel 13:2 - Keley-i Bible (Antipolo Ifugao)

² Hakey ni aggew ey pinilin Saul hu tellun libun sindalun edum tun helag Israel ni pan-e-dum tun mekiggubbat idan iPilistia. Et makiha-ad idan hi-gatud Mikmas di duntug di Bethel hu dewwan libu et ikuyug Jonathan e u-ungnga tu hu hanlibu et mampalaw idad Gibeah di nambebleyan idan helag Benjamin. Yadda etan edum ni eleg tu pilien ey impaenamut tuddad baballey da.

1 Samuel 13:2 Referans Kwoze

1 Samuel 10:26

Ey immanemut dama hi Saul di Gibeah. Kinadwaan idan eta-gey saad tun winedan Apu Dios hu impeminhed dan hi-gatu.

1 Samuel 14:31

Yan nunman ni aggew ey negibbuh ni inapput idan helag Israel ida iPilistia e impalpu da gubat di Mikmas ingganah di Aijalon. Nem yan nunman ey neka-upadda helag Israel.

1 Samuel 13:5

Neamung ida dama iPilistia et mandaddan idan an mekiggubbat ni hi-gada. Tellun libu hu kalesah dan kamei-usal di gubat niya enem ni libun sindalu hu kamanluggan. Et yadda etan edum ey dakel ida e henidda palnah di gilig ni baybay e eleg mebillang. Nangkampuddad Mikmas di nengappit di kasimmilin aggew hedin wada itad Bet Aben.

1 Samuel 13:23

Yadda iPilistia ey intu-dak da edum ni sindalu da et ida mampustuh etan di keltad di Mikmas ni nambabattanan daddan iIsrael.

1 Samuel 15:34

Limmaw hi Samuel di Ramah, ey hedin hi Saul man immanemut di baley tud Gibeah.

1 Samuel 14:52

Yan nunman ni ketaggun Saul ey e-eggel ni nekigubat idan iPilistia. Et humman hu hedin wada inang-ang tun lakin na-let niya netuled ey tuka ewwita et tuka pambalin ni sindalu tu.

1 Samuel 14:5

Ya hakey ey wadad appit ni north e inhangga tud Mikmas. Et ya etan hakey ey wadad appit ni south e inhangga tud Geba.

1 Samuel 8:11

Kantuy “Heninnuy ali pehding ni mampatul ni hi-gayu. Pansindalu tulli edum ni lalakkin u-ungnga yu, et ya edum ey manmanehoh ni kalesah ni meussal di gubat. Memengnguludda edum e mandellan ida ey meitu-tu-nud ida kalesah tun meussal di gubat.

Judges 19:12

Nem kan etan ni laki ey “Beken di deya pandedyaan tayu tep beken tayun kebebleyan ida tuudya. Endi hu helag Israel ni nambebley di deya. Medeggah itsud Gibeah.

Joshua 18:28

Sela, Haelep, Jebus e Jerusalem hu hakey ni ngadan tu, Gibeah et ya Kiriat Jearim: Hampulut epat ni bebley et yadda ekka-ket ni bebley di nanlinikweh diman. Huyya hu puyek ni neidwat idan helag Benjamin ni pambebleyan da.

1 Samuel 10:5

Ittuluy yun mantetyed di duntug Apu Dios di Gibeah e neihnup di nangkampuan idan iPilistia. Hedin muka pandettenga bebley ey wadadda dammuen yun prophet ni kamandayyun nalpudda etan di kapan-appisid duntug. Ida kaman-ayyuding, ida kamampan-a-abek, ida kamanggitalah, niya ida kamantullaling ey pedalladallan dan mandeyyaw nan Apu Dios.

1 Samuel 13:1

Hi Saul ey telumpulu toon tun nampatulan tu et man-ap-apud Israel ni na-pat et dewwan toon.

1 Samuel 13:11

Nem kan Samuel ey “Kele mu impahding huyya?” Kan Saul ey “Mahapul ni ippahding ku tep da-ak kapanhi-yanaddan sindaluk ey endi kan kaum-ali ey wadadda law hu sindalun iPilistia di Mikmas.

1 Samuel 13:15

Hini-yan Samuel hu Gilgal et lumaw di lawwan tu. Ey hi Saul ey binilang tudda sindalu tu ey enem ni gatut ni ebuh. Et ikuyug tudda et lumaw idad Gibeah di bebley idan helag Benjamin.

1 Samuel 13:16

Nangkampudman di Saul nan Jonathan e u-ungnga tu et yadda sindalu da. Ey yadda sindalun iPilistia ey nangkampudda damad Mikmas.

1 Samuel 26:2

Impapuut Saul et ikuyug tudda nangkelaing ni sindalu tun tellun libu, et lumaw idad eleg mebebleyid Sip ni an menemmak nan hi David.

2 Samuel 20:1

Wada etan kabbubunget e hi Seba e u-ungngam Bikri e helag Benjamin. Nantangguyup ey simmekuk e kantuy “Hi-gayuddan helag Israel, anemut itsu kuma! Hipa pengapyaan tayun David, beken ni hi-gatu hu patul tayu!”

Joshua 22:6

Et paenamut Joshua ida. Ey binendisyonan tudda e kantuy “Anemut kayu yaggud adyah e dakel hu inla yud buhul yun ikkedangyan yu, henin silber, hubeng, giniling niya gumek. Ey dakel balwasi yu. Ienamut yu et idawatan yudda edum yun helag Israel.” Et lumaw ida helag Reuben, ya helag Gad et ya kagedwah ni helag Manasseh et hi-yanen dadda edum dan helag Israel di Siloh di Kanaan et mambangngad idad Gilead e bebley ni neidwat ni hi-gada tep humman tugun Apu Dios ni inhel tun Moses. Indawat dedan lan Moses hu Bashan di appit ni kasimmilin aggew di Jordan idan kagedwah ni helag Manasseh nem ya kagedwah ni helag Manasseh ey indawat Joshua hu appit ni kakelinnugin aggew di Jordan.

1 Samuel 24:3

Entanni ey dinteng da hu leyang e neihnup ni kubkub idan kalneroh di gilig ni keltad ey himmegep hi Saul ni an mangkahhilya. Ey yadman ni leyang hu nantalwan nan David niyadda etan sindalu tu, nem neka-ihhudek ida.

2 Samuel 23:29

hi Heled e u-ungngan Baanah damad Netophah, hi Ittay e u-ungngan Ribai di Gibeah e helag Benjamin,

Nehemiah 11:31

Hedin yadda dama helag Benjamin ey nampambebley idad Geba, yad Mikmas, yad Aija, yad Bethel et yaddad nanlinikweh ni bebley diman,