1 Samuel 1:19 - Keley-i Bible (Antipolo Ifugao)

^19-20 Bimmangun idan dagah di Elkanah et ya pamilyah tun newa-waan tu, et mandayaw idan Apu Dios et han ida mambangngad di bebley dad Ramah. Entanni ey nambutsug hi Hannah tep dingngel Apu Dios hu dasal tu. Nan-ungnga ey laki et ngadanan tun hi Samuel e ya keibbellinan tu ey ‘Nakdew nan Apu Dios’ tep kan Hannah ey “Kindew kun Apu Dios.”

1 Samuel 1:19 Referans Kwoze

Genesis 21:1

Entanni ey impeang-ang nan hi Apu Dios hu binabbal tun Sarah et peamnu tu inhel tu et man-ungngan nunman ni tsimpuh ni gintud tu. Neipahding huyya eman ni nea-amma law hi Abraham.

1 Samuel 1:11

Nansapatah hi Hannah di dasal tun Apu Dios e kantuy “Apu Dios e kabaelan tun emin, ang-ang mu anhan eya et-eteng ni nakka lelemyungi et baddangan muwak e bega-en mu! Dengel mu anhan eya dasal ku ma-lat idwatan muwak ni u-ungngak ni laki. Issapatah ku e ibbangngad ku metlaing ni hi-gam e Apu et hi-gatulli bega-en mun ingganah. Ey anin ni eleg mampepu-lit tep humman kei-ang-angan tu e indinel kun hi-gam e Apu.”

Genesis 30:22

Entanni ey ninemnem nan Apu Dios hi Rachel et iebulut tun meweddaan ni u-ungnga tu.

Genesis 4:1

Nan-ulig di Adam nan Eva ey newad-an hi Eva et man-ungnga ey laki. Et kan Eva ey “Bimmaddang hi Apu Dios et wada u-ungngak ni laki.” Et ngadanan tun Kain.

Luke 23:42

Et kantun Jesus ey “Jesus, nemnem muwak ali anhan ni pan-ap-apuam.”

Mark 1:35

Kamangkewa-wa ey bimmangun hi Jesus et lumaw di endi bebley et an mandasal.

Psalms 119:147

Nakka umbangun ni dagah et mandasallak ma-lat mampebaddangngak ni hi-gam, tep nakka medinnel ni ehel mu.

Psalms 55:17

Nakka mampehemmehemmek di dasal kun kakkabbuhhan, yan emaggew niyan mahmahdem ey inamtak ni iddawat Apu Dios hu nakka ibbagan hi-gatud dasal ku.

Psalms 25:7

Em, kayyaggud kan peteg, Apu Dios ey eleg melumman hu impeminhed mu. Et humman hu, nakka ibbagan hi-gam e pesinsahim anhan ida liwat ku winu hipan lawah ni impahpahding ku eman ni nakka penikkeni.

1 Samuel 9:26

Kamangkewa-wa ey binengun Samuel hi Saul et kantuy “Pandaddan ka et hedin, nangnanglaw kayu kuma.” Nandaddan hi Saul et umhep idan Samuel et unuden da etan keltad.

Genesis 8:1

Nem eleg liwwanen Apu Dios hi Noah niyadda animal ni wada etan di bapor. Et paeli tu dibdib et ilepu etan ni danum ni metduk.

Psalms 136:23

Eleg daitsu liwwanen eman ni neapputan tayu. Ya impeminhed tu ey kamannananeng ni ingganah.

Psalms 5:3

Kekakkabbuhhan ey muka dedngelan nakka umdasadasal ni hi-gam ni hinehhegged ku hu hipan ihhumang mud nakka ibbagad dasal ku.

1 Samuel 2:11

Immanemut di Elkanah di bebley dad Ramah nem nanha-ad hi Samuel di Siloh, tep mansilbin Apu Dios di kad-an nan hi Eli e padidman.

1 Samuel 1:1

Wada etan hakey ni lakin helag Epraim e hi Elkanah ngadan tu e nambebley di Ramah di duntug ni Epraim. Hi Jeroham hu ametu e u-ungngan Elihu e u-ungngan Tohu e u-ungngan Sup e helag Epraim.

1 Samuel 7:17

Et hedin ginibbuh tun manhuwet idadman ni bebley, ey mambangngad di Ramah e bebley tu, tep hi-gatu kamengippennuh ni kapanhahallaiddan tuudman. Hakey pay ey yad Ramah hu nengapyaan tun pan-appitan dan Apu Dios.

Joshua 18:25

Huyyadda edum ni bebley diman: Gibeon, Ramah, Beerot,

1 Samuel 8:4

Entanni ey neamung idan emin hu kamengippappangngulun helag Israel et lumaw idad kad-an Samuel di Ramah.

1 Samuel 15:34

Limmaw hi Samuel di Ramah, ey hedin hi Saul man immanemut di baley tud Gibeah.

1 Samuel 16:13

Inu-unnud nan Samuel et alen tu lana et duyagan tud ulun David di hinanggaddan agitu. Neipalpun nunman ey newada Ispirituh Apu Dios nan David ey eleg tu hi-yana. Negibbuh humman et mambangngad hi Samuel di Ramah.

1 Samuel 19:18

Bimmesik hi David et lumaw di Ramah di kad-an Samuel et idaddatteng tun emin hu impahpahding Saul ni hi-gatu. Et ikuyug Samuel hi David et lumaw idad Nayot et manha-ad idadman.

1 Samuel 25:1

Entanni ey netey hi Samuel et umlidda emin hu helag Israel, et ilmetan da et da ikulung di bebley tud Ramah. Negibbuh ni ingkulung dad Ramah e bebley tu, et mampalaw di David di Paran e eleg mebebleyi.

2 Kings 4:17

Nem immammnu hu inhel Elisha tep newad-an etan bii et medatngan humman ni tsimpuh ni neitu-nud ni toon ey tu-wangun nan-ungan laki.