1 Samuel 1:13 - Keley-i Bible (Antipolo Ifugao)

¹³ Kaittenuttubbun Hannah hu dasal tu et kaman-etwietwib hu bibil tu nem endi kamedngel ni ehel tu. Et humman hu, kan Eli ey nebuteng.

1 Samuel 1:13 Referans Kwoze

Romans 8:26

Ey daitsu kabaddangin Ispirituh Apu Dios di tayu kapangkullangi. Henin tayu kapandasali e eleg tayu amtan mandasal niya eleg tayu amta hedin hipa ibbaga tayun Apu Dios. Nem daitsu kabaddangin Ispirituh tu et hi-gatu hu kamengi-hel ni pinhed tayun ibbagan Apu Dios ni eleg tayu han-i-hel.

Acts 2:13

Nem wadadda edum ni dadda kaheghegnuda e kanday “Nebuteng ida mannuman humman ni tutu-u.”

Sekariah 9:15

Ippaptek alin Apu Dios e Kabaelan tun emin hu tutu-u tu et apputen dalli buhul da e ussalen da bayyabey da. Mantetekkuk idallin mekiggubbat e henidda nebuteng ey pampetteyen da buhul da. Heniddalli mahukung ni duyun kameussal ni pan-appitan e napnun kuheyaw ni kaiwwakgih di dugun altar, tep mekukkuheyaw idalli.

Psalms 25:1

Hi-gam e Apu hu nakka pandasali, tep hi-gam hu Dios kun nakka iddinel. Ihwang muwak et eleg da-ak apputen idan buhul ku ma-lat endilli da pan-an-anlaan niya ma-lat eggak ali mebabba-ingan.

1 Corinthians 13:7

Hedin wada impeminhed ni tuun edum tu, ey eleg tu nenemnema hu hipan lawah ni impahding da. Kamedinnel di edum tun tuu niya tuka namnamaha e kayyaggud ni ingganah hu ippahding da. Niya tuka ennusi hu hipan ligat.

Nehemiah 2:4

Kan patul ey “Et hipa dammutun ibbaddang ku?” Nandasallak nan Apu Dios di kabunyan et

1 Samuel 1:12

Yan nunman ni kapandasalin Hannah ey kaitettekel nan Eli e padi hu bungut tu.