1 Samuel 1:1 - Keley-i Bible (Antipolo Ifugao)

¹ Wada etan hakey ni lakin helag Epraim e hi Elkanah ngadan tu e nambebley di Ramah di duntug ni Epraim. Hi Jeroham hu ametu e u-ungngan Elihu e u-ungngan Tohu e u-ungngan Sup e helag Epraim.

1 Samuel 1:1 Referans Kwoze

1 Chronicles 6:34

e u-ungngan Elkanah e u-ungngan Jeroham e u-ungngan Eliel e u-ungngan Toah

1 Samuel 1:19

Bimmangun idan dagah di Elkanah et ya pamilyah tun newa-waan tu, et mandayaw idan Apu Dios et han ida mambangngad di bebley dad Ramah. Entanni ey nambutsug hi Hannah tep dingngel Apu Dios hu dasal tu. Nan-ungnga ey laki et ngadanan tun hi Samuel e ya keibbellinan tu ey ‘Nakdew nan Apu Dios’ tep kan Hannah ey “Kindew kun Apu Dios.”

1 Samuel 17:12

Wada hi David ni nunman di kad-an ametu e hi Jesse di Bethlehem di Judah. Hi Jesse e helag Eprat ey walu hu lakin u-ungnga tu. Nea-amma law eman ni nambalinan Saul ni patul.

1 Samuel 9:5

Yan dintengan dad bebley di Sup ey kan law Saul ni bega-en tuy “Um-anemut ita ew kuma. Tep entanniy hi-gata kumedek hu ikakkaguh law nan ama e beken ida etan kebayyu.”

Judges 19:1

Yan nunman ni tsimpuh ey endi patul ni Israel. Wada etan helag Levi ni nambebley di edawwin bebley di duntuduntug di Epraim. Hakey ni aggew ey in-anemut tu hu hakey ni biin iBethlehen et i-dum tun ahwa tu.

Judges 17:1

Wada hu hakey ni lakin hi Mikah ngadan tun nambebley di duntuduntug di Epraim.

Matthew 27:57

Kamangkehilleng ey dimmateng etan hakey ni kamengullug nan Jesus e hi Joseph di Arimatea e kedangyan.

Judges 12:5

Ey sinekup dadda hu bebley di kapan-agwatid Jordan ni kamampellaw di Epraim et hedin wada man-agwat ni iEpraim et kantuy “Kaw mabalin ni um-agwattak?” Ey mahmahan idan iGilead e kanday “Kaw nahlag kan Epraim?” Hedin kantuy “Beken,”

Joshua 24:33

Netey hi Eleasar e u-ungngan Aaron et ikulung dad Gibeah e bebley di duntuduntug di Epraim. Humman ni puyek hu bineltan ni u-ungnga tu e hi Pinehas.

1 Kings 11:26

Ya hakey ni nambalin ni buhul Solomon ey hi Jeroboam e hakey ni opisyal tu e u-ungngan Nebat e iSeredah di Epraim. Hi Seruah inetu e balu.

1 Samuel 2:11

Immanemut di Elkanah di bebley dad Ramah nem nanha-ad hi Samuel di Siloh, tep mansilbin Apu Dios di kad-an nan hi Eli e padidman.

1 Samuel 7:17

Et hedin ginibbuh tun manhuwet idadman ni bebley, ey mambangngad di Ramah e bebley tu, tep hi-gatu kamengippennuh ni kapanhahallaiddan tuudman. Hakey pay ey yad Ramah hu nengapyaan tun pan-appitan dan Apu Dios.

1 Chronicles 6:22

Yadda dama nehayhayned ni helag Kohat. Nantanud hi Kohat et wada hi Amminadab e aman Korah e aman Assir

1 Chronicles 6:33

Huyyadda nahlagan idan nangngunud kapandeyyawi: hi Heman e u-ungngan Joel e helag Kohat hu kamengipappangngulun nemangulun grupuh ni kamampaptek ni a-appeh di kapandeyyawi. Hi Heman hu u-ungngan Joel e u-ungngan Samuel

Judges 4:5

Hi-gatu kapengillawiddan tuud Israel ni diklamuh da, et ipenuh tu etan di hengeg ni kandan Palmah nan Deborah e nambattanan ni Ramah niya Bethel di duntuduntug ni bebley di Epraim.

1 Samuel 9:4

Inu-unnud Saul humman ni inhel nan ametun pehding tu. Et mangmanglaw idad neduntug di Epraim et yaddad nanliklikweh di Salisha, nem agda pakehamak hu kebayyu dan netalak. Et mampalaw idad Saalim, nem endiddadman. Et mampalaw ida mewan di nambebleyan idan helag Benjamin nem endidda.

1 Chronicles 6:12

e aman Sadok e aman Sallum