1 Peter 2:22 - Keley-i Bible (Antipolo Ifugao)

²² Nem eleg manliwat niya eleg man-itek, nem nanlelehhanan tu.

1 Peter 2:22 Referans Kwoze

Isaiah 53:9

Nekiketey idan wada bahul da, anin ni endi nambahulan tu niya endi itek ni inhel tu. Et da ikulung di kulung ni kedangyan.

Hebrews 4:15

Humman ni Eta-gey ni Padi tayu ey et-eteng hu hemek tun hi-gatsu, tep naka-amta tu hu kakulang ni tayu kapengullug niya kalinekah ni tayu kapanliwwasi, tep pinenatnaan tun emin hu elaw ni kakehe-ulin tuu, nem hedin hi-gatu, man eleg manliwat.

2 Corinthians 5:21

Hi Jesus ey endi liwat tu, nem gapuh ni panyaggudan tayu, ey intu-dak Apu Dios ni an mengikkettey ni liwat tayu ma-lat hedin mei-eggi itsun hi-gatu, man meilla-kam itsud kakinayyaggud Apu Dios.

1 John 3:5

Nemnem tayu e ya illian Jesus di puyek ey ma-lat ekalen tu hu liwat tayu. Niya inamta tayu e hi Jesus ey endin hekey hu liwat tu.

Revelation 14:5

Endi da nanlangkakan niya endi hu hipan da nambahulan.

1 John 2:1

Kaegiegi, nakka pan-ittudek huyya ma-lat eleg kayu manliwaliwat. Nem hedin wada manliwwat ni hi-gayu, man ibega yu etan ni kaumbaddang ni hi-gatsu e hi Jesus Christo e kayyaggud ni peteg, tep hi-gatu kamengi-ehneng ni hi-gatsud kad-an Apu Dios, et pesinsahan tu hu liwat yu.

Hebrews 9:28

Makulug huyya, ey neka-amta tayu dama e ingkatey Jesus Christo hu liwat tayu ma-lat wada inna-nu tun ke-kalan ni liwat idan katuutuu. Ey mambangngad ali mewan, nem beken law ni ya liwat tayu hu tu ellian, nem ma-lat tudda helakniban hu kamengullug ni kamenehheged ni ellian tu.

Luke 23:41

Hedin hi-gata, man lebbeng tun mettey ita, tep huyya kastigu ta gapuh ni impahpahding ta. Nem hedin hi-gatu, man endi tu kinapkapyan lawah.”

John 8:46

Hipan hi-gayu hu menghel ni wada liwat ku? Endi. Nem tamey hedin nakka e-e-helan hi-gayu hu makulug ey eleg yu kulluga.

John 1:47

Inang-ang Jesus e iyyalli hi Nathaniel ey kantuy “Iyyalli hu makulug ni helag Israel e endin hekey itek tu.”

Luke 23:47

Yan nenang-angan ni ap-apun sindalun nunman ni neipahding ey dineyaw tu hi Apu Dios et kantuy “Makulug ni endi bahul eyan tuu.”

Matthew 27:19

Yan yinudungan nan Pilate ni manhummalya, ey wadalli impaad ni ahwatu e kantuy “Entan tu legelegem hu pehding mu etan ni tuun endi bahul tu, tep nan-i-inneppak ni anggetakkut tep hi-gatu, et nakka umkenel-ew.” Et mukun pinhed Pilate ni ibbukyat hi Jesus.

Matthew 27:4

Kantun hi-gaday “Neliwtannak tep inhedul ku tuun endi bahul tu.” Nem kan ida etan ni ap-apuy “Ngenamung ka ngu. Endi ngu biyang midtan.”

Psalms 34:13

man helipat-i yu et beken ni ya lawah niya itek hu yu e-e-helen.