1 John 5:5 - Keley-i Bible (Antipolo Ifugao)

⁵ Ya tuun eleg mengippahding ni lawah ni henin kapehpehding idan eleg mengullug ey humman makulug ni tuka kulluga e U-ungngan Apu Dios hi Jesus.

1 John 5:5 Referans Kwoze

1 John 4:15

Et humman hu, ya tuun tuka ebbuluta e U-ungngan Apu Dios e hi Jesus ey wada hi Apu Dios ni hi-gatu niya wada daman hi-gatu nan hi Apu Dios.

1 John 5:1

Emin tuun makulug ni tuka kulluga e hi Jesus hu pinutuk Apu Dios ni kamengippaptek ni hi-gatsu ey humman ida tuu tu. Ya tuun pinhed tu hi Ametayu e hi Apu Dios ey pinhed tudda dama etan impantuun Apu Dios e humman ida kamengullug.

Mark 9:23

Kan Jesus ey “Baddangan dakeyu. Nem entan kantuy ‘hedin dammutu,’ tep kaw eleg mu amta e ya tuun kamengullug nan Apu Dios ey mebaddangan di hipan mahapul tu?”

1 John 5:20

Ey inamta tayu e immali hi Jesus Christo e U-ungngan Apu Dios, et idwat tun hi-gatsu hu tayu kapengewwat ma-lat amtaen tayu hu makulug ni Dios. Ey wada law nehammad ni neiegian tayun Apu Dios tep neibilang itsun agin U-ungnga tu e hi Jesus Christo. Tep hedin hi Jesus, man makulug daman Dios. Ey hi-gatu hu kamengidwat ni biyag ni endi pappeg tu.

Acts 8:37

Kan Philip ey “Dammutun benyagan daka hedin muka kulluga hi Jesus.” Ey kan etan ni iEthiopia ey “Nakka kulluga e hi Jesus hu U-ungngan Apu Dios.”