1 John 3:21 - Keley-i Bible (Antipolo Ifugao)

²¹ Kaegiegi, e-helen kun hi-gayu e hedin melinggep nemnem tayu, man eleg itsu um-e-gen ni mandasal nan hi Apu Dios.

1 John 3:21 Referans Kwoze

1 John 2:28

Et humman hu, hi-gayun kaegiegi, ey pannananeng yu hu yuka pengullug nan Jesus ma-lat emin itsu ey melinggep ali nemnem tayu et eleg itsulli bumeing ni ellian tu.

Hebrews 4:16

Et humman hu, kadinel itsun mandasal nan hi Apu Dios di kabunyan e kabbabbal ni peteg. Tep nanna-ud ni hehmeken daitsu niya baddangan daitsud tsimpuh ni kahapulan tayu hu baddang.

2 Corinthians 1:12

Kami kaum-amleng ni menghel e kayyaggud hu wadad nemnem mid mika pekiddagyumiddan tuu, nema-man hi-gayu tep inu-unnud mi hu pinhed Apu Dios. Beken ni ya kalinaing ni tuu hu mi nengipahdingan ni henin nunya, nem gapuh ni baddang Apu Dios.

1 John 5:14

Wada dinel tayu e emin etan ibbaga tayun Apu Dios ey iddawat tu hedin neiingngeh di pinhed tu.

Psalms 101:2

Kahegag ka et umli ka et baddangan muwak ni mengippahding ni neiptek ma-lat ya kayyaggud niya limpiyuh hu pehpehding kud nan-ap-apuan ku.

1 John 4:17

Hedin nehammad hu impeminhed tayun Apu Dios, man eleg itsulli umtakut ni kehuwetan tayun hakey ni aggew, tep humman ni tayu kapeminhed eyad puyek ey henin kapeminhed Jesus.

Hebrews 10:22

Et humman hu, ya kayyaggud ni pehding tayu ey panduttuk itsud kad-an Apu Dios e eleg itsu mandinwa, nem paka-iddinel tayu hi Jesus e kamengi-ehneng ni hi-gatsu ma-lat abuluten Apu Dios hu dasal tayu. Dammutun pehding tayu huyya, tep heni daitsu winakgihan ni kuheyaw Jesus et eleg tayu law nenemnemen hu lawah ni impahding tayu. Kameang-ang huyya eman ni nebenyagan tayu, e heni na-meh hu annel tayun malinih ni danum.

Job 22:26

Et um-amleng ka kayan mandinnel ni hi-gatu e Kabaelan tun emin.

1 Corinthians 4:4

Anin ni ya nakka pannemnem ey endi neihallan impahding ku, et eleg ku amta hedin humman hu kapannemnem Apu Dios ni hi-gak. Hi-gatun ebuh hu nengamta hedin neiptek winu neihla hu nakka pehding.

1 Timothy 2:8

Pinhed kun anin di attun kakeemmungiddan kamengullug ni menaydayaw nan Apu Dios ey yadda lalakki hu mandasal e itta-gey da ngamay da. Huyyaddan lalakki ey mahapul ni beken idan matutut winu mabunget.

Romans 14:22

Nem hedin muka kulluga e beken ni liwat hu muka pehpehding, ey wadan hi-gam. Ngenamung kayun Apu Dios ni nengamtan nunman. Tep man-am-amleng etan tuun eleg mandinwa etan di tuka pehding, tep kamedinnel e neiptek humman ni impahding tu.

Ephesians 3:12

Et yan nunya law ey netuled itsun mandasal nan hi Apu Dios, tep itsu kamedinnel ni ebbuluten tu dasal tayu tep ya tayu kapengullug nan Jesus.

1 John 2:7

Kaegiegi, beken ni hin-appil ni tugun eya nakka pan-e-helan hi-gayu, tep nebayag huyyan tugun ni meippanggep ni pan-impipinhedan tayu. Huyya neitugun ni hi-gayu eman ni laputun nengulugan yun Jesus.

1 John 3:2

Kaegiegi, u-ungnga daitsu law nan Apu Dios, nem eleg tayu peka-amtaen hu pambalinan tayulli, nem inamta tayu e yallin pampeang-angan Jesus ey meki-ingngeh itsullin hi-gatu, tep peka-ang-angen tayulli keiddeyyawan tu.

1 John 3:20

Et humman hu, hedin tayu kanenemnema e nanliwat itsu, ey idinel tayun Apu Dios tep inamta tun emin. Hi-gatu nengamta hedin nambahul itsu winu eleg. Et mukun itsu kamedinnel e hehmeken daitsun hi-gatu.