1 John 2:9 - Keley-i Bible (Antipolo Ifugao)

⁹ Ya etan tuun kantuy kamengu-unnud nan hi Apu Dios, nem anggebe-hel tu edum tun tuu ey nanengtun lawah elaw tu.

1 John 2:9 Referans Kwoze

1 John 4:20

Ya tuun kantuy pinhed tu hi Apu Dios, nem anggebe-hel tu edum tu ey maitek, tep eleg mabalin ni tu pinheden hi Apu Dios e eleg tu ang-angen hedin eleg tu pinheda hu edum tun tuun han-ang-ang tu.

1 John 2:11

Nem ya tuun anggebe-hel tu edum tun tuu ey nemahhig kalwah tu, et eleg tu amta pambalinan tu, tep ya lawah ni ebuh hu wadad nemnem tu, et humman kamemahbah ni hi-gatu.

Psalms 82:5

Heni kayu wadad engeenget, tep eleg yun hekey han-awat hu makulug ni kalinimpiyuh ni elaw. Et humman hu, lawah law ni peteg hu kameippenahding di kebebbebley.

2 Peter 1:9

Nem hedin wadan hi-gayu hu eleg tu ippahding ida huyya, ey heni etan ni tuun kulang nemnem tu, tep humman keang-angan tun liniwwan tu hu nangkalan Apu Dios ni liwat tu eman ni nengulugan tu.

1 John 2:4

Ya tuun kantuy kamengullug nan hi Apu Dios, nem eleg tu u-unnuda hu tugun tu, ey maitek niya tuka kehhinga hu makulug ni kameituttuddu.

1 John 1:6

Et humman hu, hedin kan tayuy itsu kamekiddagyum nan hi Apu Dios, nem ya lawah tayu kapehpehding, man maitek itsu, tep beken etan ni kayyaggud ni pinhed tu hu tayu kapehpehding.

John 9:41

Kan Jesus ni hi-gaday “Gullat ni yuka ebbuluta e nekulap kayu ey me-kal et liwat yu. Nem gapu tep kanyuy eleg kayu makulap ey mannenneng hu liwat yu.”

Leviticus 19:17

Entan tu pannananeng ni anggebe-helen hu hipan agiyu. Hedin wada nanhallaan yu, ey ihummangan yu et eleg kayu manliwat tep ya humman.

2 Samuel 13:22

Ey anggebe-hel law Absalom ni peteg hi Amnon tep ya humman ni impahding tun Tamar e agi tu et eleg tun hekey law ung-ungbala.

Acts 1:15

Ya eman ni pinhakkey ni neamungan idan kamengullug e limmaw idan hanggatut et dewampulu ey immehneng hi Peter et kantun hi-gaday

1 John 3:10

Huyya hu nambaklangan ni u-ungngan Apu Dios niyadda u-ungngan Satanas. Yadda tuun beken ni kayyaggud hu daka pehpehding niya eleg da pinhed hu edum da ey humman ida u-ungngan Satanas. Nem yadda etan kaman-impipinhed ey humman ida u-ungngan Apu Dios.