1 John 2:4 - Keley-i Bible (Antipolo Ifugao)

⁴ Ya tuun kantuy kamengullug nan hi Apu Dios, nem eleg tu u-unnuda hu tugun tu, ey maitek niya tuka kehhinga hu makulug ni kameituttuddu.

1 John 2:4 Referans Kwoze

1 John 1:6

Et humman hu, hedin kan tayuy itsu kamekiddagyum nan hi Apu Dios, nem ya lawah tayu kapehpehding, man maitek itsu, tep beken etan ni kayyaggud ni pinhed tu hu tayu kapehpehding.

Titus 1:16

Kanday daka u-unnuda hi Apu Dios, nem eleg kaya, tep lawah hu daka pehpehding. Ida kamengippebungnget, ey manghay ida niya endi kabaelan dan mengippahding ni kayyaggud.

1 John 1:8

Nem hedin kan tayuy endi liwat tayu, man humman keamtaan tun endi hu makulug ni kakinayyaggud di nemnem tayu, tep itsu kamehe-ul.

1 John 4:20

Ya tuun kantuy pinhed tu hi Apu Dios, nem anggebe-hel tu edum tu ey maitek, tep eleg mabalin ni tu pinheden hi Apu Dios e eleg tu ang-angen hedin eleg tu pinheda hu edum tun tuun han-ang-ang tu.

1 John 2:9

Ya etan tuun kantuy kamengu-unnud nan hi Apu Dios, nem anggebe-hel tu edum tun tuu ey nanengtun lawah elaw tu.

1 John 1:10

Hedin kantayuy endin hekey hu liwat tayu, man impambalin tayun maitek hi Apu Dios, tep humman keang-angan tun eleg tayu kulugen hu ehel tu.

John 8:44

Heni kayu tu-wangu hi ameyu hi Satanas, tep pinpinhed yun pehding ida pinhed tu. Gapun hi-gatu ey kamettey hu tuu. Eleg tu pinhed hu kayyaggud tep endin hekey hu kayyaggud ni elaw tu. Ebuh haul niya itek ni wadan hi-gatu. Hi-gatu ap-apun emin ni maitek.

Titus 1:10

Tep dakel ida kaumkahing niya kaumhaul e endi silbin daka e-e-hela, nema-madda etan kamengippillit ni u-unnuden hu elaw idan Jews.

1 John 2:3

Ya keang-angan tun makulug ni itsu kamengullug nan Apu Dios ey ya tayu kapengu-unnudin tugun tu.

1 John 3:6

Ya tuun makulug ni kamengullug nan Jesus ey beken ni kenayun ni kamanliwwat. Nem ya tuun kamanliwwaliwwat ey eleg tun hekey amta hi Jesus niya eleg mangulug ni hi-gatu.

1 John 4:7

Kaegiegi, ya kayyaggud ey man-impipinhed itsu, tep hi Apu Dios hu kakelpuin kapeminhed. Emin ida etan amta dan umpinhed ey humman ida tuun Apu Dios niya inamta da hi Apu Dios.