1 John 1:1 - Keley-i Bible (Antipolo Ifugao)

¹ Nakka pan-ittudek huyyan hi-gayu ma-lat amtaen yu hi Jesus Christo e hi-gatu hu Ehel nan Apu Dios niya hi-gatu kamengidwat ni biyag ni endi pappeg tu. Hi Jesus ey wada ngu dedan et han mawedan emin eya wadan nunya. Hi-gami hu anhan ni nenang-ang ni hi-gatu et kinepakepa mi hu annel tu niya diddingngel mi hu ehel tu.

1 John 1:1 Referans Kwoze

John 20:27

Et kantun Tomas ey “Ang-ang mu eya ngamay ku et tedeken mu liput ku. Kapam pay eya nehudpak di taglang ku. Entan law pandewadewam, nem kulug mu e netagwannak.”

Acts 4:20

tep eleg mabalin ni mi issiked ni ituttuddudda hu inang-ang mi niya diddingngel mi.”

1 John 4:14

Ey inang-ang mi et mika ihhadak hu nengitu-dakan Ametayun hi Apu Dios ni U-ungnga tun an nenelaknib ni hi-gatsun tuu.

John 5:26

Hi Ama ey wada ngu dedan ni hi-gatu huyyan biyag et mukun hi-gatu kakelpuin nunyan biyag. Hanniman daman hi-gak e U-ungnga tu e wadan hi-gak tep indinel tun hi-gak.

Luke 24:39

Ang-ang yu kedi ngamay ku et ya helik ni neliputan ni neipetakan ku. Kapa yuwak et pangulugan yu e bekennak ni banig, tep hedin ya banig, man endi annel tu.”

John 8:58

Nem kan Jesus ey “E-helen kun hi-gayu e makulug ni sigud ni wada-ak et han maweda hi Abraham.”

Revelation 1:8

Hi Apu Dios e Han-ipahding tun emin ey kantuy “Hi-gak ey wada-ak dedan ni nunman, yan nunya, niya wada-ak ni ingganah. Hi-gak ey wada-ak dedan ni laputu niya wada-ak alin pappeg tu.”

John 19:35

Emin ida huyyan nekapkapya ey makulug tep inang-ang ku, et mukun intudek ku ma-lat mangulug kayu.

Acts 1:3

Neipalpu eman ni netagwan tu ingganah ni linawwan tu lad kabunyan ey nampeang-ang idan apostle tun na-pat ni aggew niya dakel impahding tun mengippeamtan hi-gada e makulug ni netagwan. Ey intuttuddu tun hi-gada hu meippanggep ni nan-ap-apuan Apu Dios.

Revelation 19:13

Nekukkuheyaw hu balwasi tu. Ya daka pangngeddan ni hi-gatu ey “Ehel nan Apu Dios.”

Revelation 2:8

Kantu mewan ni hi-gak ey “Pantudek kan etan ni anghel idan kamengullug di Smyrna et itudek mu e kammuy: Huyya hu inhel etan ni wada dedan ni laputu niya wadallin pappeg tu. Netey, nem simmagu, et yan nunya ey kantun hi-gayuy

Micah 5:2

Nem kan Apu Dios ey “Ya Bethlehem di Eprathah hu keek-eketan ni bebley di Judah, nem yadman hu kelpuan ali etan ni puttuken kun patul ni Israel. Humman alin mampatul ey helag ni patul ni nunman.”

Revelation 1:11

Kantuy “Itudek mun emin hu ang-angen mu et palaw muddan kamengullug di pitun simbaan ni nei-peng di Asia, e yad Ephesus, yad Smyrna, yad Pergamum, yad Thyatira, yad Sardis, yad Philadelphia, et yad Laodicea.”

Isaiah 41:4

Hipa nenang-ang ma-lat maipahding idan emin huyyad kebebbebley ni nunman ingganah nunya? Hi-gak e hi Apu Dios e wada dedan ni laputu niya wadallin kepappegan ni puyek, hu nengipahding idan emin nunya.”

Hebrews 2:3

Et humman hu, hedin eleg tayu hengnguda humman ni kamengippetngan kehellakniban tayu, ey nema-ma hu kastigu tayu nem hi-gada. Hi Jesus Christo e Apu tayu hu nemangulun nengipeamtan meippanggep ni nunman, et yadda etan nangngel ni hi-gatu hu nengipeamtan hi-gatsu e makulug humman.