Рут 2:12 - Һазирқи Заман Уйғурчә Тәрҗимиси

¹² Қилған яхшилиқлириңни Пәрвәрдигар өзәңгә яндурғай. Сән қанити астида паналиқ издигән Пәрвәрдигар, йәни исраиллар етиқат қилип кәлгән Худа саңа мол илтипатини яғдурғай, — деди.

Рут 2:12 Referans Kwoze

Ибранийларға йезилған хәт 6:10

Худа адаләтсиз әмәстур. У һәргиз силәрниң Униңға сиңдүргән әҗриңлар вә мәсиһийләргә қилип келиватқан хизмитиңлар арқилиқ көрсәткән меһир-муһәббитиңларни унтумайду.

Ибранийларға йезилған хәт 11:26

У Худа әвәтишкә вәдә қилған Қутқазғучи-Мәсиһ үчүн харлинишни, Мисирниң ғәзнисидики байлиққа егә болуштинму әвзәл билди. Чүнки у асмандики мукапатни күтүвататти.

Рут 1:16

Бирақ Рут: — Мени сиздин тенишқа вә қешиңиздин кетишкә зорлимаң. Сиз нәгә барсиңиз, мәнму шу йәргә баримән. Сиз нәдә турсиңиз, мәнму шу йәрдә туримән. Сизниң хәлқиңиз мениңму хәлқим. Сизниң Худайиңиз мениңму Худайим.

Ибранийларға йезилған хәт 11:6

Демәк, ишәнч болмай туруп, Худани хурсән қилиш мүмкин әмәс. Чүнки Худаниң алдиға келидиған киши Униң бар екәнлигигә вә Уни издигәнләргә издәш әҗрини қайтури­ди­ғанлиғиға ишиниши керәк.

Луқа баян қилған Хуш Хәвәр 6:35

Яқ! Силәр дүшминиңларғиму меһир-муһәббәт көрситиңлар, уларға яхшилиқ қилиңлар. Башқиларға қайтурувелишни ойлимайла пул қәриз бериңлар. Шу чағда асманда мол мукапатқа еришисиләр вә улуқ Худаниң пәрзәнди болғанлиғиңлардин гувалиқ бәргән болисиләр. Чүнки Худа яхшилиқни билмәйдиғанларға вә яманларғиму шәпқәт қилиду.

Мәтта баян қилған Хуш Хәвәр 23:37

— Әй йерусалимлиқлар! Пәйғәмбәрләр вә Худа әвәткән әлчиләрни чалма-кесәк қилип өлтүргән йерусалимлиқлар! Гоя мекиян өз җүҗилирини қанат астиға алғандәк, Мәнму силәрни қанчә қетим Өз қойнумға алмақчи болдум, лекин силәр унимидиңлар.

Мәтта баян қилған Хуш Хәвәр 5:12

Шат-хорам болуңлар. Чүнки асманда силәр үчүн көп мукапат сақланмақта. Бурунқи пәйғәмбәр­ләрму мошундақ зиянкәшликләргә учриған.

Тимотийға йезилған иккинчи хәт 4:8

Һазир һәққанийлиқ таҗи мени күтүп туриду. Уни адил сорақ қилидиған Рәббимиз қайта кәлгәндә, маңа кийдүриду. Шундақла уни ялғуз маңила әмәс, Униң қайта келишини интизарлиқ билән күтүп турғанларниң һәммисигә кийдүриду.

Тимотийға йезилған иккинчи хәт 1:18

Қиямәт күни униң Рәббимизниң рәһим-шәпқитигә еришишини тиләймән. Әфәс шәһиридә униң маңа қилған нурғун хизмитидин сениңму убдан хәвириң бар.

Мәтта баян қилған Хуш Хәвәр 6:1

— Диққәт қилиңларки, башқиларға көз-көз қилиш үчүн яхши иш қилмаңлар. Бундақ қилсаңлар, асмандики Атаңларниң мукапи­тиға еришәлмәйсиләр.

Колосилиқларға йезилған хәт 2:18

Сахта кәмтарлиқ қилишқа вә периштәләргә ибадәт қилишқа берилгән кишиләрниң бундақ ишларда әйипләш­лиригә пәрва қилмаңлар. Улар сахта, ғайибанә аламәтләргә есилиши­велип, һәр хил хам хиялларда болуп, асассиз тәкәббурлуқ қилиду.

Рут 2:11

Боаз униңға: — Сән тул қалғандин кейин, қейинанаңға вападар болғанлиғиңни аңлидим. Сениң ата-анаң вә жутуңдин кетип, бу ят хәлиқ ичигә қандақ келип қалғанлиғиңдин толуқ хәвирим бар.

Рут 2:13

Рут униңға: — Ғоҗам, сиз маңа бәк чоң яхшилиқ қилдиңиз, гәрчә мән сизниң хизмәткарлириңиздин болмисамму, маңа шундақ мулайим сөзләрни қилип, көңлүмгә тәсәлли бәрдиңиз, — дәп җавап қайтурди.

Рут 4:15

Сиз үчүн йәттә оғулдинму әвзәл келиниңиз сизгә яхши қариди, һазир у сизгә бир нәврә туғуп бәрди. Бу нәвриңиз сизниң қолиңизға қол, путиңизға пут болуп, қериған вақтиңизда таянчиңиз болиду, — дейишти.