Филипиликләргә йезилған хәт 1:21 - Һазирқи Заман Уйғурчә Тәрҗимиси

²¹ Чүнки мән Әйса Мәсиһ үчүн яшаймән. Өлсәмму асманда Әйса Мәсиһ билән биллә болимән. Бу мән үчүн техиму яхшидур.

Филипиликләргә йезилған хәт 1:21 Referans Kwoze

Галатиялиқларға йезилған хәт 2:20

Һазир мениң тенимдә яшаватқан мән әмәс, бәлки Әйса Мәсиһтур. Мени сөйгән вә мән үчүн Өзини пида қилған Худа Оғлиға болған ишәнчим билән яшаймән.

Коринтлиқларға йезилған иккинчи хәт 5:8

Ишәнчкә егә екәнмиз, һазирқи тенимиздин ваз кечип, Рәббимизниң маканида болушқа разимиз.

Коринтлиқларға йезилған иккинчи хәт 5:1

Бизгә мәлумки, биз яшаватқан бу дуниядики чедир өрүлүп чүшкән­дә, йәни тенимиздин айрилғанда, адәм қоли билән ясалған әмәс, бәлки асманда Худа бизгә һазирлап қойған бир туралғуға, йәни мәңгү моҗут болидиған бир тәнгә егә болимиз.

Филипиликләргә йезилған хәт 1:23

Тәңликтә қалдим. Бу дуниядин айрилип, Әйса Мәсиһ билән биллә болушни арзу қили­мән, чүнки буниңдинму яхши иш йоқтур, әлвәттә.

Колосилиқларға йезилған хәт 3:4

Һаятиңларниң мәнбәси болған Әйса Мәсиһ қайтип кәлгәндә, силәр Униң билән биллә шан-шәрәптә аян болисиләр.

Коринтлиқларға йезилған иккинчи хәт 5:6

Шуниң үчүн һазирқи тәндә яшиғинимизда, Рәббимизниң мака­нида болалмайдиғанлиғимизни билимиз. Һалбуки, Худаниң бизгә йеңи тән беридиғанлиғидин ибарәт һәқиқәткә ишәнчимиз камил.

Филипиликләргә йезилған хәт 1:20

Әйса Мәсиһкә үз келәлмәйдиған ишларни қилип, хиҗаләтчиликтә қалмаслиғимни интизарлиқ билән үмүт қилимән һәм һазирму илгирикигә охшашла, мәйли мән қандақ яшай яки қандақ өләй, Әйса Мәсиһни батурлуқ билән улуқлаймән.

Вәһийләр 14:13

Мән йәнә асманда мундақ бир авазни аңлидим: «Бу сөзни яз: ‹ Буниңдин кейин Рәббимизгә мәнсүп болуп өлгәнләр нәқәдәр бәхитлик! › » Муқәддәс Роһ: «Дурус, улар өз ишлирини түгитип арам алиду. Чүнки қилған яхши әмәллириниң нәтиҗиси улар билән биллә болиду», деди.

Галатиялиқларға йезилған хәт 6:14

Өзәмни елип ейтсам, Рәбби­миз Әйсаниң чапрас яғачтики өлүмидин башқа һеч қандақ иш билән махтанмаймән. Чүнки Униң чапрас яғачтики өлүми сәвәвидин бу дуния мән үчүн өлгәндур, мәнму бу дуния үчүн аллибурун өлгән.

Коринтлиқларға йезилған биринчи хәт 1:30

Силәр Худаниң ирадиси бойичә Әйса Мәсиһкә мәнсүп болдуңлар. Худа Уни бизниң даналиғимизниң мәнбәси қилди. Биз Әйса Мәсиһ арқилиқ Худа алдида һәққаний адәм дәп җакаландуқ. У бизни пак қилип, гунаниң қуллуғидин азат қилди.

Филипиликләргә йезилған хәт 2:21

Башқилар өз ишли­ринила ойлап, Әйса Мәсиһни хурсән қилидиған ишларға анчә көңүл бөлмәйватиду.

Филипиликләргә йезилған хәт 1:22

Лекин һаятла болидикәнмән, ишинимәнки Әйса Мәсиһ үчүн қилған хизми­тим нәтиҗилик болиду. Қайсини таллишим керәк?