Луқа баян қилған Хуш Хәвәр 12:5 - Һазирқи Заман Уйғурчә Тәрҗимиси

⁵ Кимдин қорқуш керәклигини көрситип қояй. Җениңларни алғандин кейин, дозаққа ташлашқа һоқуқлуқ болған Худадин қорқуңлар. Қорқушқа тегишлиги әйнә шу.

Луқа баян қилған Хуш Хәвәр 12:5 Referans Kwoze

Петрус язған иккинчи хәт 2:4

Худа гуна қилған периштәләрни аяп қоймиди. Бәлки уларни дозаққа ташлап, уларни сораққа тартқичә, қараңғу өңкүрләргә солап қойди.

Мәтта баян қилған Хуш Хәвәр 10:28

Тениңларни өлтүрсиму, җениңларни алалмайдиғанлардин қорқмаңлар. Әксичә тениңларниму, җениңлар­ниму дозақта һалак қилалайдиған Худадин қорқуңлар.

Вәһийләр 14:7

У җараңлиқ аваз билән: «Худадин қорқуңлар! Уни улуқлаңлар! Чүнки Униң инсанлар­ни сорақ қилидиған вақти йетип кәлди. Асманни, зиминни, деңизни вә булақларни Яратқучиға сәҗдә қилиңлар!» дәтти.

Ибранийларға йезилған хәт 10:31

Мәңгү һаят Худа тәрипидин җазаға тарти­лиш немә дегән қорқунучлуқ-һә!

Вәһийләр 20:14

Андин өлүм вә өлүкләр дияри от көлигә ташланди. Мана бу от деңизи иккинчи өлүмдур.

Салоникилиқларға йезилған биринчи хәт 4:6

Бу яман ишларда қериндашлириңларни алдап, улар­дин пайдилинип кәтмәңлар. Илгири силәрни агаһландурғинимиз­дәк, Рәббимиз мана шундақ гуналар түпәйлидин инсанларни җазалайду.

Мәтта баян қилған Хуш Хәвәр 25:41

Андин сол йенидикиләргә: «Әй ләнәткә учриғанлар, көзүмдин йоқилиңлар! Шәйтан билән униң ғалҗирлириға һазирланған мәңгү өчмәс дозақ отиға кириңлар!

Вәһийләр 15:4

Әй Пәрвәрдигар, Сәндин қорқмайдиған ким бар, Намиңни мәдһийилимәйдиған? Чүнки ялғуз бир муқәддәс Өзәңдурсән. Келип пүткүл хәлиқләр, Саңа сәҗдә қилғуси. Чүнки ашкарә болғач Қилғанлириңниң һәққанийлиғи».

Мәтта баян қилған Хуш Хәвәр 5:22

Лекин шуни билип қоюңларки, қериндашлириға ғәзәпләнгәнләрму сотқа тартилиду. Қериндашлирини «ахмақ», дәп тиллиғанлар алий кеңәшмидә җавапкәрликкә тартилиду. Қериндашлирини «әбләх», дәп һақарәтлигәнләр отлуқ дозаққа чүшиду.

Мәтта баян қилған Хуш Хәвәр 25:46

Буниң билән улар мәңгүлүк җазаға учрайду. Һәққаний адәмләр болса мәңгүлүк һаятқа еришиду.

Маркус баян қилған Хуш Хәвәр 13:23

Шуниң үчүн һошияр болуңлар. Мән буларниң һәммисини ейтиш билән силәрни алдин-ала агаһландуруп қойдум.