Юһанна баян қилған Хуш Хәвәр 2:10 - Һазирқи Заман Уйғурчә Тәрҗимиси

¹⁰ униңға: — Бу шарап бәк яхши екән! Башқа саһипханлар яхши шарапни тойниң бешида қуйиду. Меһманлар хелә қанғичә ичкәндин кейин, начирини қуйиду. Һәҗәп, сән әң яхши шарапни мошу чаққичә сақлапсән! — деди.

Юһанна баян қилған Хуш Хәвәр 2:10 Referans Kwoze

Луқа баян қилған Хуш Хәвәр 16:25

«Әй оғлум», дәпту әҗдадимиз Ибраһим, «Һаят вақтиңда һалавәтни йәткичә көрдүңғу! Лазар болса, һәммә җапани тартти. Әнди у бу йәрдә раһәт көрүватиду, сән болсаң азаплиниватисән.

Аләмниң яритилиши 43:34

Йүсүп уларға өз дәстихинидин тамақ бөлүп бәрди. Биняминға болса, башқиларниңкидин бәш һәссә артуқ усуп бәрди. Улар Йүсүп билән биллә йәп-ичип, интайин хошал болушти.

Мәтта баян қилған Хуш Хәвәр 24:49

башқа чакарларни бозәк қилса вә достлири билән биллә йәп-ичип мәс болуп жүрсә,

Луқа баян қилған Хуш Хәвәр 12:45

Лекин әгәр бу чакар көңлидә: «Ғоҗайиним кечикип қайтип келидиғу», дәп башқа әр, аял чакарларни урса вә йәп-ичип мәс болса,

Һәзрити Әйса әлчилириниң паалийәтлири 2:15

Силәр бизни мәс болуп қапту дәватамсиләр? Ундақ әмәс, техи әнди әтигән саат тоққуз болди.

Коринтлиқларға йезилған биринчи хәт 11:21

Чүнки силәр бир-бириңларни күтмәй, өзәңлар елип кәлгән тамақни өзәңлар йәверидикәнсиләрдә, бәзиләр қанғичә йәп-ичидикән, йәнә бәзиләр ач қалидикән.

Әфәсликләргә йезилған хәт 5:18

Һарақ-шарап ичип мәс болуп жүрмәңлар. Чүнки бундақ қилиш адәмни жүгәнсизликкә елип бариду. Буниң орниға Муқәддәс Роһқа чөмүп, Униң йетәкчи­ли­гидә болуңлар.

Салоникилиқларға йезилған биринчи хәт 5:7

Ухлайди­ған­лар кечиси ухлайду, мәс болидиғанларму кечиси мәс болиду.

Вәһийләр 17:2

Дуния­ниң падишалири униң билән җинсий әхлақсизлиқ қилишти, йәр йүзидә яшайдиғанлар униң җинсий әхлақсизлиғиниң шаравидин мәс болушти, — деди.

Вәһийләр 17:6

Мән аялниң Худаниң муқәддәс хәлқи, йәни Әйсаға гувалиқ берип қурван болғанларниң қени билән мәс болғанлиғини көрдүм. Уни көрүп интайин һәйран болдум.