Һәзрити Әйса әлчилириниң паалийәтлири 7:44 - Һазирқи Заман Уйғурчә Тәрҗимиси

⁴⁴ Әҗдатлиримиз чөлдә яшиған вақтида, келишим чедири дәпму аталған ибадәт чедири тиккән еди вә қәйәргә барса уни өзлири билән биллә йөткәп, униңда Худаға ибадәт қилатти. Ибадәт чедири Худа Муса пәйғәмбәргә көрсәткән нусха бойичә ясалған еди.

Һәзрити Әйса әлчилириниң паалийәтлири 7:44 Referans Kwoze

Мисирдин чиқиш 25:40

Буларниң һәммиси Мән саңа тағда көрсәткән нусха бойичә еһтият билән ясалсун.

Мисирдин чиқиш 38:21

Келишим чедири дәпму аталған ибадәт чедирини ясашқа ишлитил­гән материаллар, Мусаниң тапшуруғи бойичә лавийлар тәрипидин көздин кәчүрүлгән болуп, роһаний Һарунниң оғли Итамарниң саниғидин өткән еди.

Ибранийларға йезилған хәт 8:5

Бу роһаний­лар хизмәт қилидиған ибадәт чедири вә униңда қилинидиған хизмәтләр пәқәтла асмандики чедирниң вә униңда қилинидиған хизмәт­ләрниң көчүрүлмә нусхиси вә көләңгисидур. Дәрвәқә, Муса пәйғәмбәр дәл ибадәт чедирини қурмақчи болуватқанда, Худа униңға: «Буларниң һәммиси Мән саңа тағда көрсәткән нусха бойичә еһтият билән ясалсун», дәп агаһландурған.

Ибранийларға йезилған хәт 8:2

У әң муқәддәс җайда, йәни инсан әмәс, бәлки Пәрвәрдигаримиз Худа қурған һәқиқий ибадәт чедирида хизмәт қилмақта.

Мисирдин чиқиш 26:30

Ибадәт чедири Мән саңа тағда көрсәткән нусха бойичә ясалсун.

Мисирдин чиқиш 27:8

Қурванлиқ суписиниң оттуриси кавак қилинсун. Бу Мән тағда саңа көрсәткән нусхида тахтайдин ясалсун.