Коринтлиқларға йезилған иккинчи хәт 9:2 - Һазирқи Заман Уйғурчә Тәрҗимиси

² Чүнки ярдәм бериштә қизғин екәнлигиңларни билимән. Мән Македонийәдики мәсиһийләр алдида Юнан өлкисидики силәрниң өткән жилдин бери, сәдиқә беришкә тәйяр екәнлигиңлардин махтинип кәлдим. Дәл силәрниң бу қизғин­лиғиңлар уларниң көпчилигини сәдиқә топлаш үчүн қозғатти.

Коринтлиқларға йезилған иккинчи хәт 9:2 Referans Kwoze

Коринтлиқларға йезилған иккинчи хәт 8:10

Мән силәргә пайдилиқ болған бир тәклипни берәй. Силәр өткән жили пәқәт сәдиқә беришни оттуриға қоюпла қалмай, бәлки уни ихтияр билән әмәлгә ашуруштиму һәмминиң алдида болдуңлар.

Коринтлиқларға йезилған иккинчи хәт 8:8

Бу сөзлиримни силәр­гә буйруқ тәриқисидә ейтқиним йоқ. Мән меһир-муһәббитиңларниң сәмимийлигини Македонийәдики җамаәтләрниң сәдиқә топлаш җәриянида көрсәткән меһир-муһәббити билән селиштуруш арқилиқ синап көрмәкчимән.

Коринтлиқларға йезилған иккинчи хәт 8:24

Шуңа силәр һәр қайси җамаәтләр алдида уларға муһәббитиңларни көрситиңлар. Шуниң билән җамаәтләр бизниң силәрдин махтинишимизниң орун­луқ екәнлигини билсун.

Ибранийларға йезилған хәт 10:24

Меһир-муһәббәт көрситиш вә яхши иш қилиш үчүн бир-биримизни қандақ илһамландурушни ойлайли.

Коринтлиқларға йезилған биринчи хәт 16:15

Юнан өлкисидики әң дәсләптә ишәнгән Истипанас вә униң аилиси­ди­ки­ләрниң өзлирини мәсиһийләрниң хизмитигә чин дили билән атиғанлиғини билисиләр. Қериндашлар, силәрдин өтүнимәнки, бундақ кишиләрниң вә улар билән бирликтә Рәббимизгә хизмәт қиливатқанларниң сөзлиригә кириңлар.

Салоникилиқларға йезилған биринчи хәт 1:7

Нәтиҗидә силәрму Македонийә вә Юнан өлкилиридики пүткүл мәсиһийләргә үлгә болдуңлар.

Коринтлиқларға йезилған иккинчи хәт 8:19

Йәнә келип, у топланған сәдиқиләрни Йерусалимға апириш сәпиридә биз билән һәмсәпәр болуш үчүн, мәсиһийләр җамаәтлири тәрипидин тайинланған еди. Бизниң мәхси­тимиз сәдиқә топлаш арқилиқ Рәббимизни улуқлаш вә ярдәмгә тәйяр екәнлигимизни көрситиштур.

Коринтлиқларға йезилған иккинчи хәт 7:4

Силәргә ишәнчим камил һәм силәрдин пәхирлинимән. Еғир мүшкүлчиликләрдә қалғанда, силәр арқилиқ тәсәлла тепип, чәксиз хошаллиққа чөмгән едим.

Коринтлиқларға йезилған иккинчи хәт 1:1

Худаниң ирадиси билән Әйса Мәсиһкә әлчи болушқа чақири­лған мәнки Павлус вә қериндишимиз Тимотийдин Коринт шәһири­дики Худаға мәнсүп болған мәсиһийләр җамаитигә, җүмлидин Юнан өлкисиниң һәр қайси җайлиридики Худаниң барлиқ муқәддәс хәлқигә салам!

Һәзрити Әйса әлчилириниң паалийәтлири 18:12

Ғаллийо Юнан өлкисиниң һакими болған вақтида, йәһудийлар бирлишип Павлусни тутуп сотқа апирип, униң үстидин:

Һәзрити Әйса әлчилириниң паалийәтлири 24:17

Мән Йерусалимдин кәткинимгә хелә жиллар болған болуп, бу қетим у йәргә йәһудий қериндашлиримға ярдәм пул йәткүзүп бәргили вә Худаға қурванлиқ қилғили барған едим.

Римлиқларға йезилған хәт 15:26

Чүнки Македонийә вә Юнан өлкилиридики мәсиһийләр җамаити сәдиқә топлап, Йерусалимдики мәсиһийләр арисидики йоқсулларға ярдәм беришни лайиқ тапти.

Коринтлиқларға йезилған иккинчи хәт 7:14

Силәрни униңға махтап бәргән едим, силәрму мени йәргә қаритип қоймидиңлар. Худди силәргә үгәткәнлиримниң һәммиси раст болғинидәк, силәрни Титусқа махтап ейтқанлиримниңму раст екәнлиги әмәлиятиңлар арқилиқ испатлинип чиқти.

Коринтлиқларға йезилған иккинчи хәт 8:11

Әнди бу хизмәтниң айиғини чиқириңлар. Силәр бу ишни дәсләптә планлиған вақтиңлардикидәк қизғинлиқ билән тамамлаңлар һәм өзәң­лар­ниң ихтисади яр бәргән шараит астида ярдәм қолуңларни сунуң­лар.