Коринтлиқларға йезилған иккинчи хәт 13:3 - Һазирқи Заман Уйғурчә Тәрҗимиси

³ Кәңчилик қилмаслиғимдики сәвәп, араңлар­дики бәзиләр Әйса Мәсиһниң мән арқилиқ сөзләватқанлиғиға испат тәләп қилип келиватиду. Буниң испатини бу қетим йениңларға берип гунакарларни бир тәрәп қилғинимда көрисиләр. Чүнки Әйса Мәсиһ алдиңларда аҗиз әмәс, бәлки интайин қудрәтликтур.

Коринтлиқларға йезилған иккинчи хәт 13:3 Referans Kwoze

Мәтта баян қилған Хуш Хәвәр 10:20

Силәр өзәңлар сөзлимәйсиләр, бәлки асмандики Атаңларниң Роһи силәр арқилиқ сөзләйду.

Коринтлиқларға йезилған иккинчи хәт 12:12

Мән араңларда болған чағда әлчилигимни испатлайдиған ишларни, йәни мөҗүзә, карамәт вә қудрәтлик ишларни сәвирчанлиқ билән қилдим.

Луқа баян қилған Хуш Хәвәр 21:15

Чүнки Мән силәргә дүшмәнлириңлар қарши чиқалмиғидәк вә рәт қилалмиғидәк сөз қабилийити вә әқил-парасәт ата қилимән.

Коринтлиқларға йезилған иккинчи хәт 10:4

Чүнки җәң қураллиримиз бу дунияға хас қураллар әмәс, бәлки шәйтанниң мустәһ­кәм қорғанлирини гумран қилидиған, Худаниң күч-қудритигә егә болған қураллардур.

Коринтлиқларға йезилған иккинчи хәт 2:10

Силәр у кишини кәчүрсәңлар, мәнму уни кәчүримән. Мән кимни кәчүрсәм, буни Әйса Мәсиһ алдида силәр үчүн қилдим.

Коринтлиқларға йезилған иккинчи хәт 2:6

Көпинчиңлар у кишини йәткичә җазалиған едиңлар.

Коринтлиқларға йезилған биринчи хәт 7:40

Бирақ тул аял тул пети турса, техиму бәхитлик болиду. Бу мениң көз қаришим. Лекин мән ойлаймәнки, бу көз қаришимға Худаниң Роһи йетәкчилик қилди.

Коринтлиқларға йезилған иккинчи хәт 9:8

Худа силәрниң еһтияҗиңларни қандурушқа қадирдур. Шундақ болғачқа, һәр дайим, һәр қандақ әһвал астида еһтияҗиңлар қандуру­луп, башқиларға хәйир-сахаһәтлик болалайсиләр.

Коринтлиқларға йезилған иккинчи хәт 10:1

Силәр билән биллә болғанда муамилиси юмшақ, лекин биллә болмиғанда силәргә қарита қаттиқ қол дәп қаралған мәнки Павлус Әйса Мәсиһтәк мулайимлиқ вә рәһимдиллик билән силәрдин шуни өтүнүп тәләп қилимәнки,