Коринтлиқларға йезилған иккинчи хәт 1:9 - Һазирқи Заман Уйғурчә Тәрҗимиси

⁹ Көңли­миздә һәқиқәтәнму өлүмгә мәһкүм болдуқ, дәп ойлиған едуқ. Буниңдин биз өзимизгә әмәс, өлүкләрни тирилдүридиған Худағила тайинишимиз лазимлиғини тонуп йәттуқ.

Коринтлиқларға йезилған иккинчи хәт 1:9 Referans Kwoze

Коринтлиқларға йезилған иккинчи хәт 3:5

Биз һәммә ишни өз қабилийитимиз билән қила­лай­­миз, демәкчи әмәсмән. Чүнки бизниң қабилийитимиз Худадин кәлгәндур.

Ибранийларға йезилған хәт 11:19

Ибраһим Исһақ өлгән тәғдирдиму, Худаниң уни тирилдүрәләйдиғанлиғиға ишәнди. Мундақчә ейтқанда, Ибраһимға нисбәтән Худа Исһақни өлүмдин тирилдүрүп, қайтуруп бәрди.

Коринтлиқларға йезилған иккинчи хәт 4:7

Худаниң бизгә ата қилғини Хуш Хәвәрниң нуридин ибарәт болған бебаһа ғәзнидур. Биз гоя бу ғәзнә қачиланған сапал қача. Мана буниңдин кишиләр биздики улуқ қудрәтниң өзимиздин әмәс, бәлки Худадин кәлгәнлигини биләләйду.

Луқа баян қилған Хуш Хәвәр 18:9

Һәзрити Әйса өзлирини адаләтчи дәвелип, башқиларни көзигә илмайдиған кишиләргә қаритип, йәнә бир тәмсил ейтти:

Римлиқларға йезилған хәт 8:36

Худди Муқәддәс Язмиларда йезилғинидәк: «Сени дәп күн бойи өлүм гирдавида туруватимиз. Союлидиған қойлар орнида қариливатимиз».

Коринтлиқларға йезилған иккинчи хәт 1:8

Қериндашлар, бизниң Асия өлкисидә чәккән азап-оқубәтлиримиз­дин хәвәрдар болушуңларни тоғра таптуқ. У вақитларда чидиғусиз еғир бесим астида һәтта һаятимиздинму үмүт үзгән едуқ.

Коринтлиқларға йезилған иккинчи хәт 1:10

Худа бизни чоң бир өлүм ховупидин қутулдурған вә қутулдуриду. Үмүтүмиз бизни кәлгү­сидә йәнә қутулду­ридиған Худаға бағланған.