Коринтлиқларға йезилған иккинчи хәт 1:7 - Һазирқи Заман Уйғурчә Тәрҗимиси

⁷ Шуңа силәрниң бәрдашлиқ берәләйдиғанлиғиңларға ишәнчимиз камил. Чүнки биз билимизки, силәр биз чәккән азап-оқубәтни чәккәнгә охшаш, биз еришкән тәсәллигиму еришисиләр.

Коринтлиқларға йезилған иккинчи хәт 1:7 Referans Kwoze

Яқуп язған хәт 1:12

Синақларға сәвирчанлиқ билән бәрдашлиқ бәргән киши нәқәдәр бәхитлик, һә! Чүнки у синақтин өткәндин кейин, Худа Өзини сөйгән­ләргә вәдә қилған мәңгүлүк һаят таҗиға муйәссәр болиду.

Тимотийға йезилған иккинчи хәт 2:12

Қийинчилиқларға бәрдашлиқ бәрсәк, Униң билән биллә һөкүм сүримиз. Биз Униңдин тансақ, Уму биздин таниду.

Коринтлиқларға йезилған иккинчи хәт 12:20

Йениңларға барғинимда, силәрниң күткән йеримдин чиқмай қелишиңлардин, шуниң билән мениң силәргә болған муамиләмниңму силәрниң күткән йериңлардин чиқмай қелишидин әнсирәймән. Силәрдә җедәлхорлуқ, көрәлмәслик, ғәзәплиниш, шәхсийәтчилик, төһмәтхорлуқ, ғевәтчилик, тәкәббурлуқ вә паракәндичиликләрниң болушидин әнсирәймән.

Коринтлиқларға йезилған иккинчи хәт 7:9

Һазир хошалмән. Силәрни қайғуға салған­лиғимға әмәс, бу қайғуниң силәрни товва қилишқа елип барғанлиғиға хошалмән. Чүнки силәрниң бундақ қайғуға чөкүшүңлар Худаниң ирадиси бойичә болди. Шуңа ейталаймәнки, биз силәрни қайғуға салған болсақму, униңдин һеч қандақ зиян тартмидиңлар.

Коринтлиқларға йезилған иккинчи хәт 1:14

Мән шуни арзу қилимәнки, гәрчә силәр бизни һазирғичә толуқ чүшән­мисәңларму, кәлгүсидә толуқ чүшәнгәйсиләр. Шундақ болған­да, худди биз силәр билән пәхирләнгинимиздәк, Рәббимиз Әйса қайта кәлгән күни силәрму биз билән пәхирлинисиләр.

Коринтлиқларға йезилған биринчи хәт 10:13

Силәр дуч кәлгән синақларға башқа адәмләрму охшаш дуч кәлгән. Худа ишәнчликтур! У силәрни бәрдашлиқ бериш чекиңлардин һалқи­ған синақларға учратмайду. Худа силәрниң синаққа дуч кәлгәндә пут тирәп туралишиңлар үчүн, аздурулуштин сақлиниш йолини ечип бериду.

Мәтта баян қилған Хуш Хәвәр 23:30

«Әҗдатлиримизниң заманида яшиған болсақ едуқ, уларниң пәйғәмбәрләрниң җениға замин болған қилмишлириға шерик болматтуқ», дәйсиләр.

Вәһийләр 1:9

Мән қериндишиңлар Юһаннамән. Биз Әйса Мәсиһкә мәнсүп болғанлиғимиз үчүн азап-оқубәткә, Худаниң Падишалиғиға вә сәвир-тақәткә ортақмиз. Худаниң Сөзи вә Әйса Мәсиһниң қилған гували­ғини тарқатқанлиғим үчүн, бир мәзгил Патмос арилида мәһбус болуп туруп қалғандим.