Тимотийға йезилған биринчи хәт 5:18 - Һазирқи Заман Уйғурчә Тәрҗимиси

¹⁸ Чүнки Муқәддәс Язмиларда: «Хаман тәпкән өкүзниң ағзини боғма», «Ишчи өз һәққини елишқа һәқлиқтур», дейилгән.

Тимотийға йезилған биринчи хәт 5:18 Referans Kwoze

Коринтлиқларға йезилған биринчи хәт 9:14

Шуниңға охшаш, Рәббимиз Хуш Хәвәрни тарқитидиғанларниң турмуши Хуш Хәвәрни қобул қилғанлар тәрипи­дин қамдалсун, дәп буйруған еди.

Луқа баян қилған Хуш Хәвәр 10:7

У өйдин бу өйгә йөткилип жүрмәңлар, бәлки чүшкән өйдә туруңлар вә өйдикиләрниң бәрги­нини йәңлар, чүнки хизмәткар кимгә хизмәт қилса, шуниңдин иш һәққи елишқа һәқлиқ.

Мәтта баян қилған Хуш Хәвәр 10:10

Сәпәргә чиққанда нә хурҗун, нә бирәр артуқ көйнәк, нә аяқ, нә һаса еливалмаңлар. Чүнки хизмәткар кимгә хизмәт қилса, шуниң­дин иш һәққи елишқа һәқлиқ.

Яқуп язған хәт 4:5

Муқәддәс Язмиларда: «Худа қәлбимизгә салған Муқәддәс Роһ биз­ниң Худаға садақәтмән болушимизни наһайити арзу қилиду», дейилгән. Силәрчә бу қуруқ сөзму?

Римлиқларға йезилған хәт 10:11

Муқәддәс Язмиларда: «Униңға ишәнч қилғанла киши наүмүттә қалмайду», дейилгән.

Римлиқларға йезилған хәт 9:17

Худа Муқәддәс Язмиларда Мисирниң падишасиға мундақ дегән: «Мениң сени тиклишимдики мәхсәт — пәқәт сениң үстүңдә күчүмни аян қилип, намимни пүтүн йәр-зиминға тарқитиштур».

Галатиялиқларға йезилған хәт 3:8

Муқәд­дәс Язмиларда Худаниң йәһудий әмәсләрниң Өзигә ишиниши сәвәви­дин уларни һәққаний адәм дәп җакалайдиғанлиғи алдин-ала дейилгән. Худа Ибраһимға: «Һәммә милләтләргә сән арқилиқ бәхит ата қили­мән», дәп бу Хуш Хәвәр тоғрилиқ алдин-ала ейтқан.

Римлиқларға йезилған хәт 11:2

Худа әзәлдинла таллиған Өз хәлқидин ваз кәчкини йоқ. Муқәддәс Язмиларниң Илияс пәйғәмбәр һәққидики қисмида немә дейилгәнлиги силәргә аян. Илияс пәйғәмбәр исраиллардин рәнҗип, Худаға ялвуруп:

Римлиқларға йезилған хәт 4:3

Чүнки Муқәддәс Язмиларда мундақ дейи­лгән: «Ибраһим Худаниң сөзлиригә ишәнди. Худа униң ишән­чини көрүп, уни һәққаний адәм, дәп һесаплиди».