तीतस 3:13 - ह्योल्‍मो

¹³ ठिम-चेन (वकिल) जेनास दाङ अपोल्‍लोसला लाहमला ला़ खाजेबा रो़हराम पेह तेर ओहले खुङला च्‍यि से़हदीॱआङ कोम्‍बु माहयोहङज्‍यु।

तीतस 3:13 Referans Kwoze

ल़ेह-पेन 18:24

ओहले अलेक्‍जेन्‍ड्रिया क्‍याहसाला क्‍येक्‍योगी अपोल्‍लोस माएँ यहूदी मेहन्‍दा च्‍यी़ एफिसस क्‍याहसाला ओहङसीन। खो ताम माज्‍येला ज्‍यिबुराङ ख़ेबा येहकें। खोला यहूदी सुङरापकी तेहन्‍दाला माहङबुराङ येहन्‍देन येहकें।

मत्ती 22:35

खुङया़ नाहङगी छ्य़ेगी खेम्‍बु च्‍यी़गी येशूला खोक्‍पा कोर्ती स्‍युहसीन,

ल़ेह-पेन 28:10

खुङया़गी ङ्यिहला ज्‍यिबुराङ चा़ पेहती माहङबुराङ क्‍ये़गाया़ तेर्सीन ओहले डोएँ ती़हजीला लाहमला कोहकेन्‍गी से़हया़ॱआङ ङ्यिहगी छ्यु-टुहला ल़ू तेर्सीन।

१ कोरिन्‍थी 16:11

ओ़ह सोङबे सुगीॱआङ खोला ङ्येन्‍ज्‍येन माहबेच्‍यु। यिहॱनाङ खो ङाहसाला ओहङगेमु खोला सेम लो तेहमु पेहती ख्‍याया़गी ताङ चाहङदोङ। च्‍यिबेमाना आदा-नो़हया़ ङ्याम्‍बु ओहङगेॱराङ येहबा म़ेदी ङाह खो ओहङगेन्‍गी लाहम ते़ तेहती येहबा।

रोमी 15:24

ङाह ओ़ह लाहमले पेहती स्‍पेन लुहङबाला डोएँमु ख्‍याला थ़ूगे म़ेदी रेहवा पेहको येहबा। ङ्यिहमा तोबाज्‍यी ख्‍याया़ ङ्याम्‍बुराङ तेहकेन ङाहती सेम्‍बा येहबा। ओ़ह तिङले ङाह स्‍पेन लुहङबाला डोएँ ती़हजीला ख्‍याया़गी ङाहला रो़हराम पेह तेर्के यिहम्‍बानी म़ेदी ङाहगी रेहवा पेहती येहबा।

ल़ेह-पेन 21:5

यिहॱनाङ साता च्‍यी़चे तेह फान्‍ज्‍यो खुङया़ ङ्याम्‍बु कोहङबा स्‍यी़हदी काहल्‍सीन। चो़वोला यिह-छ्य़े पेहकेन्‍गी ओ़ह ग्‍या़गी आदा-नो़ह थाम्‍ज्‍यी, आज्‍यी-नुहमु दाङ पेहजाया़गीॱआङ ङ्यिहला क्‍याहसा फि थु क्‍याल्‍ज्‍येला ओहङसीन। ङ्यिह थाम्‍ज्‍यीगी छो-क्‍याहम्‍जोकी सुहरला पी़मु च़ूदी सोल्‍वाङ ताप्‍सीन।

लूका 14:3

ओहले येशूगी छ्य़े-ठिमकी लोबेन दाङ फरिसीया़ला, “थाङ सोएँगी ङ्यिहमाला नेहपाला टा़ह च्‍य़ूज्‍ये ओहङगे म़ेदी छ्य़े-ठिमला प्रुहक्‍यो येहबानी म़ेहबा?” म़ेदी टी़ह नाङसीन।

लूका 11:52

“ख्‍या छ्य़े-ठिमकी लोबेनया़ काहजे छा़ तुहवा! रिहक्‍स्‍यी दाङ येहन्‍देनगी कोह खा फ़ेएँगी दिमी ख्‍याया़ ङ्याम्‍बु येह। यिहॱनाङ, ख्‍याया़राङ नाहङला मा़हस्‍युह, ओहले लेहमेन मिहलाॱआङ स्‍य़ूह मा़हच्‍यु!” म़ेदी येशूगी सुङ नाङसीन।

लूका 11:45

ओहजेला छ्य़े-ठिमकी लोबेन च्‍यी़गी, “लोबेन ला़ह, दि ल़ेहमु स्‍याहलया़ सुङदी राहङगी ङ्यिहला गा आब्रु तेन नाङगु दु ले!” म़ेदी स्‍युहसीन।

लूका 10:25

ङ्यिहमा च्‍यी़ येशूगी थु ताज्‍येला छ्य़े-ठिमकी लोबेन च्‍यी़गी लाहङदी दि ल़ेहमु म़ेदी टी़हसीन, “लोबेन ला़ह, नाहमॱआङ मिहस्‍यीएँगी मिहली थोप्‍च्‍येला ङाहगी च्‍यि पेह कोहएँ?”

लूका 7:30

यिहॱनाङ फरिसी दाङ छ्य़े-ठिमकी लोबेनया़गी किन्‍ज्‍योगी तेन नाङग्‍योगी लाहमला फेन मे़हथोएँ ने़दी यूहन्‍ना लाहमले बप्‍तिस्‍मा माहलेहन।

ल़ेह-पेन 15:3

ओहले छेन्‍छोककी आदा-नो़हया़गी खुङया़ला ओ़ह ग्‍या़ले ताङ चाहङसीन। ओहले खुङया़ फोनिके दाङ सामरिया युहलले पेहती काहल्‍सीन, ओहजेला खुङया़गी ग्‍या़ ग्‍या़ला किन्‍ज्‍योला यिह-छ्य़े पेहक्‍यो आदा-नो़हया़ला लेहमेन क्‍यिहपागी मिहया़गीॱआङ किन्‍ज्‍योला सेमले खाल्‍दे येह माएँ ताम स्‍येसीन दि थे़दी खुङया़ ज्‍यिबुराङ क़ेहनाङ पेहसीन।

ल़ेह-पेन 19:1

अपोल्‍लोस कोरिन्‍थी क्‍याहसाला येहकेंमु पावल ग्‍या़ माहङबुराङ कोरा क्‍याहप्‍ती एफिसस क्‍याहसाला लेप्‍सीन। एफिसस क्‍याहसाला लेप्‍सीम्‍बाराङ पावलगी चो़वो येशूला यिह-छ्य़े पेहकेन्‍गी लाहला स्‍याहप्‍च्‍यीया़ला थ़ूसीन।

१ कोरिन्‍थी 16:12

ता़ह नो़ह अपोल्‍लोसगी तेहन्‍दाला ङाह ख्‍याया़ला दि ताम माएँ, ङाहगी खोला लेहमेन आदा-नो़हया़ ङ्याम्‍बु डी़दी ख्‍याया़ला थुज्‍येला सोङ म़ेदी ज्‍यिबुराङ ओहर-छ्य़े स्‍युहसीन, यिहॱनाङ ताहन्‍दा खो ख्‍यासाला डोज्‍ये सेम माहबे। यिहॱनाङ खोला लोहङ ज्‍योर लुहङ म़ेहबा खो ख्‍यासाला ओहङज्‍ये येह।