तीतस 3:10 - ह्योल्‍मो

¹⁰ ओहले ठू़ च्‍य़ूगे मिहया़ला लेहमा च्‍यी़ ङ्यी़ लोप्‍ताम क्‍याहप्‍तोङ, ओहले ओहजे पेहतीॱआङ मिहङ्यीहन्‍सीमाना खो ङ्याम्‍बु च्‍यामॱराङ माहच्‍याम।

तीतस 3:10 Referans Kwoze

रोमी 16:17

ए ङाहगी आदा-नो़ह दाङ आज्‍यी-नुहमुया़, ङाह ख्‍याला ओहर-छ्य़े स्‍युहउ येह, ख्‍याया़गी पाहरक्‍यीला ठू़ च्‍य़ूदी खा फ़ेदी डो च्‍य़ूएँगी मिहया़ दाङ यिह छ्य़ेलुला गो़ कोर्केन मिहया़ यिहन्‍ज्‍यु जेम्‍बु पेहतोङ। ख्‍याया़गी ज़्‍योरक्‍यो लोप्‍च्‍युङला खुङगी टाह पेहकें। ओ़ह ल़ेहमु मिहया़ ङ्याम्‍बु च्‍यामॱराङ माहच्‍याम।

२ यूहन्‍ना 1:10

ओ़ह सोङबे दि लुहङ म़ेदी फिगी लेहमेनॱराङ तामया़ ख्‍योङदी ओहङगे मिहया़ला ख्‍यागी खाङबाला स्‍य़ूहॱराङ मा़हच्‍यु। खुङला टास्‍यी-देले म़ेदीॱआङ माहमा।

२ तिमोथी 3:5

खुङया़गी छ्य़ेसेम पेहचेनज्‍यी तेन्‍गे यिहॱनाङ ओ़हगी ओङया़लादी मा-लोक पेहकें। ओ़ह ल़ेहमु मिहया़ ङो़ले था़-रिहङबुराङ तेहतोङ।

२ थेसलोनिकी 3:14

दि यिहगीला ङ्यिहगी माक्‍योकी तामया़ का़हलेॱआङ सुज्‍यीगीॱआङ मिहङ्यीहन्‍सीमाना ओ़ह ल़ेहमु मिहया़ला या़हबु पेहती ङोहस्‍यी ताङ ज़्‍यो़ ओहले ओ़ह ल़ेहमु मिहया़ ङ्याम्‍बु च्‍यामॱराङ माहच्‍याम। ओ़हठी पेहसीमाना खो राहङराङ ङोह छाज्‍ये येह।

२ थेसलोनिकी 3:6

आदा-नो़ह दाङ आज्‍यी-नुहमुया़, चो़वो येशू मास्‍यीकागी छेनला ङ्यिह ख्‍या फ़ेबे-म़ेहमेया़ला का तेर्के। ङ्यिहगी तेरक्‍योगी लुहङला मी़हचीएँ दाङ ल़ेहमी-लाहमया़ ङो़ले ख्‍या फ़ेबे-म़ेहमेॱया था़-रिहङबुराङ ज़्‍य़ू नाङदोङ।

गलाती 5:20

कुया़ला छ्येपा फुल्‍गेन, ङ्येहन क्‍याहप्‍केन, मिहला टाह पेहकेन, ठुक्‍स्‍यी सिहङदा पेहकें, ठादो पेहकेन, स्‍यिहताङ ङाहर्क्‍याल पेहकें, राहङ च्‍यी़राङ गो़ थेन्‍ज्‍ये छोल्‍गे, मिहया़ला ठू़ च्‍य़ूएँ, छो़बा ज़ोएँ,

गलाती 5:12

ख्‍याला गो़ कोर च्‍य़ूगेनया़गीनी स्‍या-ताक च्‍यी़राङ च्‍यिबे पेहच्‍ये लेह, रेबेॱराङ प्रा़हना ओहङज्‍ये येहकें।

१ कोरिन्‍थी 11:19

यिहन्‍ज्‍येनी तेहन्‍दामकी मिह ङोह स्‍येच्‍येला ख्‍याया़ नाहङला ठ़ूस्‍यी ओहङॱराङ कोहएँ।

२ कोरिन्‍थी 13:2

लेहमा ङ्यी़गी पा़लोला ङाह ख्‍याया़गी पाहरक्‍यीला येहकेंमु तिहक्‍पा पेहकेनया़ दाङ लेहमेन थाम्‍ज्‍यीलाराङ ङाहगी लोप्‍ताम क्‍याहप्‍क्‍यो येहकें। ताहन्‍दा ङाह देला तेहतीॱआङ ङाह ख्‍याया़ला ओ़ह तामॱराङ लोप्‍ताम क्‍याहप्‍को येह। ङाह येहपाराङ ओहङगेमु तोहङ तोहङले तिहक्‍पा पेहकेनया़ दाङ लेहमेन सुज्‍यीलाॱआङ ङाहगी ल़े ताङज्‍ये म़ेह।

२ पत्रुस 2:1

ताहङबो इस्राएली मिहया़की पाहरक्‍यीला चिहन क्‍याहप्‍केन्‍गी लुहङतेम्‍बाया़ येहकें ल़ेहमुराङ, ताहन्‍दा ख्‍याया़गी पाहरक्‍यीलाॱआङ चिहन क्‍याहप्‍ती लुहङ तेर्केन्‍गी लोबेनया़ थेन्‍दी ओहङज्‍ये येह। खुङया़गी नाहङदा नाहङ क्‍यी़हराङ माहन्‍ज्‍योर्पा पेहती तोङदी डो च्‍य़ूगेन्‍गी ची़हमा लुहङया़ ख्‍योङज्‍ये येह, ओहले खुङया़गी थार्पा नाङगेन्‍गी चो़वोलाॱआङ मा-लोक पेहच्‍ये येह। दि ल़ेहमु पेहती खुङ याहङमे-याहङ तोङदी डोज्‍ये येह।