तीतस 1:9 - ह्योल्‍मो

⁹ राहङगी ज़्‍योरक्‍योगी तेहन्‍दामकी लुहङदेनला क्‍याप्‍ती तेहकें ओहले लेहमेन मिहया़लाॱआङ दि लुहङदेन लोप्‍ती स्‍युक तेर ख़ूएँदी ओहङ कोहकें। ओहले दि लुहङदेन ङ्यिहगी लोप्‍क्‍यो ल़ेहमुराङ ओहङ कोहकें ओहले दि लुहङदेनला टाह पेहकेन मिहया़दी ङ्य़ेहबा तेन तेर ख़ूएँदी ओहङ कोहकें।

तीतस 1:9 Referans Kwoze

२ थेसलोनिकी 2:15

ओ़ह सोङबे आदा-नो़ह दाङ आज्‍यी-नुहमुया़, ङ्यिहगी राहङ फ़ेबे-म़ेहमेया़ला स्‍ये़क्‍योकी ताम दाङ यिहगी लाहमले राहङ फ़ेबे-म़ेहमेया़गी ज्‍योरक्‍योकी लुहङला ठे-टेहती ज़्‍य़ू नाङदोङ।

२ तिमोथी 1:13

मास्‍यीका येशू थो़ला येहकेन्‍गी तेहपा दाङ चेवा ख्‍येगी ङाह ङो़ले थे़क्‍योगी तेहन्‍दामकी तामया़गी पे त़ेदी लोप्‍तोङ।

१ तिमोथी 6:3

का़हलेॱआङ सुज्‍यीगी चिहन क्‍याहप्‍ती लोप्‍कु दु मासीमाना ओ़ह ल़ेहमु लुहङया़ ओहराङगी चो़वो येशू मास्‍यीकागी तेहन्‍दामकी लुहङ ङ्याम्‍बु मी़हन्‍डीएँ ओहले खुङगी ओहराङला किन्‍ज्‍योला क्‍याप कोहएँकी लुहङया़ मेहलोप्‍कें

१ तिमोथी 1:10

छ्येउ-छ्येंमु पेहकेनया़गी तेहन्‍दाला, क्‍येप-ख्‍योवा नाहङदुङ देक्षा पेहकेनया़गी तेहन्‍दाला, मिह-छोङ पेहकेनया़गी तेहन्‍दाला, स्‍योप क्‍याहप्‍केनया़गी तेहन्‍दाला, स्‍योप क्‍याहप्‍ती पाङबु तेर्केनया़गी तेहन्‍दाला, ओहले तेहन्‍दामकी लुहङला टाह पेहती ल़ेह पेहकेनया़गी तेहन्‍दाला ज़ोक्‍यो यिहम्‍बा।

ज्‍याल्‍गा 3:3

ओ़ह सोङबे ख्‍येगी च्‍यि ज्‍योर्पा ओहले च्‍यि थे़बा, ओ़ह टेहम्‍बा साल्‍दोङ, ओ़हला थिक-चि पेहती तेह ओहले स्‍या़बा डुप्‍तोङ। का़हलेॱआङ ख्‍ये ङ्यि माहछे़बा पेहती मेहतेहसीमानानी ङाह कुमेन ल़ेहमु पेहती ओहङज्‍ये येह, ओहले ङाह काहजे ती़हजीला ओहङज्‍ये येह म़ेदी ख्‍येगी क्‍यी़ह ज्‍योर्च्‍ये म़ेह।

१ तिमोथी 1:15

येशू मास्‍यीका तिहक्‍च्‍येम्‍बाया़लाॱराङ थार च्‍य़ू नाङज्‍येला दि जाम्‍बुलीङला फेप नाङग्‍यो यिहम्‍बा, दि सुङ मिह थाम्‍ज्‍यीगी ची़ कोहकेन्‍गी तेहन्‍दामकी ताम यिहम्‍बा। ओहले तिहक्‍च्‍येम्‍बाया़ नाहङला ङाह थाम्‍ज्‍यी म़ेदी छ्येस्‍यो यिहम्‍बा।

तीतस 2:1

ओहले ख्‍येगीदी तेहन्‍दामगी लुहङला येहकेन्‍की तामया़ मिहया़ला लोप्‍तोङ।

तीतस 1:11

खुङगी खाला खास्‍यो माहक्‍याहप्‍पा मेहयोहङगे, च्‍यिबे मासीमाना खुङया़गीनी लोप्‍च्‍येराङ मे़हयोहङगेन्‍गी तामया़ लोप्‍ती खाङबा मे़हमेया़ थाम्‍ज्‍यीला ठू़ च्‍य़ूदी येह। टाङगा ज़ो़ज्‍येगी तेहन्‍दाला च्‍यी़राङ खुङया़गी दि ल़ेहमु पेहक्‍यो यिहम्‍बा।

२ तिमोथी 4:3

च्‍यिबेमाना ता़ह मिहया़गी तेहन्‍दामकी लोप्‍च्‍युङ ङ्यिहन्‍ज्‍ये सेम म़ेह ऩेगेन्‍गी ती़हजी च्‍यी़ॱआङ ओहङगेॱराङ येहबा। ओ़ह ती़हजीला खुङ राहङला या़हबु ऩेगेन्‍गी से़हया़ च्‍यी़राङ ङ्यिहन्‍ज्‍ये सेम पेहच्‍ये येह ओहले राहङला या़हबु ऩेगेन्‍गी तामया़ स्‍येकेन्‍गी लोबेनया़लाॱराङ क़े क्‍याहप्‍च्‍ये येह।

१ थेसलोनिकी 5:21

ताम थाम्‍ज्‍यी या़हबु पेहती ङ्याहम च्‍येतोङ, ओहले का़हन्‍दी ताम या़हबु येहबा ओ़ह ताम या़हबु पेहती ची़दोङ।

ज्‍याल्‍गा 3:11

त़ेदोङ, ङाह ग्‍यो़बाराङ ओहङज्‍ये येह। ख्‍ये ङ्याम्‍बु च्‍यि येहबा, ओ़हदीला या़हबु पेहती ज़ुङदी ज़्‍यो़, ओहले ख्‍येती पेस्‍यो सुज्‍यीगीॱआङ फ्रो़ज्‍ये म़ेह।

ज्‍याल्‍गा 2:25

यिहॱनाङ ङाह माहयोहङ थु ख्‍या ङ्याम्‍बु च्‍यि च्‍यि येहबा, ओ़हला थिक-चि पेहती तेहतोङ।

यहूदा 1:3

ए च्‍याहम्‍बु रो़हया़, ओहराङ थाम्‍ज्‍यीगी ज्‍योरक्‍योकी थार्पाकी तेहन्‍दाला ख्‍या फ़ेबे-म़ेहमेया़ला दि यिहगी प्रुहज्‍येला ङाहला ज्‍यिबुराङ या़हबु ने़क्‍यो येहकें यिहॱनाङ ताहन्‍दा ओ़हगी छापला किन्‍ज्‍योकी स़ेबु-स़ेमुया़ला नाहम्‍स्‍यी किन्‍दुकी तेहन्‍दाला चि क्‍याहप नाङग्‍योकी तेहपाला सी़दे ज़्‍या़दोङ म़ेदी मा कोहच्‍ये ल़ेहमु च्‍यी़ गा ङाहगी सेमला ऩेसीन।

२ तिमोथी 2:25

ओहले टाह पेहकेनया़ला खोगी स्‍यिहवा पेहती या़हबु लाहमला ॱठि ख़ूएँदी ओहङ कोहकें। ओ़हठी यिहन्‍सीमाना च्‍यी़राङ किन्‍ज्‍योगी खुङया़ला स्‍या़बा पेहकेन दाङ तेहन्‍दामकी स्‍याहल ङोह स्‍य़े ख़ूएँगी सेम नाङज्‍ये येह,

२ तिमोथी 2:2

पाङबु तेर्के माहङबुराङ मिहया़की दिनला ङाहगी ख्‍येला लोप्‍क्‍योकी तामया़ लेहमेन लोप ख़ूएँ दाङ यिह-छ्य़ेबु मिहया़ला चि क्‍याहप तेर।

१ तिमोथी 4:9

दि ताम खार्पे तेहम्‍बा-तेहन्‍सुम दाङ सेम तिहङ यिहन्‍ज्‍युराङ ची़ ख़ूएँ सी़हदाङदी येह।

१ तिमोथी 1:19

ख्‍येगी राहङगी तेहपा दाङ नावा या़हबुला माहपाङ। लाहला मिहगी राहङगी नावागी माक्‍यो तामला मी़हची़एँमु राहङगी तेहपाकी छ्यु-टुहला नुप च्‍य़ूदी येह।

ल़ेह-पेन 18:28

च्‍यिबेमाना ओ़हला येहकेन्‍गी यहूदीया़ ङ्याम्‍बु मिहया़गी दिनला स्‍येपा तुहर्केमु खोगी सुङरापगी तामया़ ख्‍योङदी चो़वो येशूॱराङ थार्पा नाङगेन्‍गी मास्‍यीका यिहन म़ेदी पाङबु तेर्सीन।

१ कोरिन्‍थी 14:24

यिहॱनाङ थाम्‍ज्‍यीगी लुहङदेन स्‍ये तेहक्‍यो ती़हजीला लाहला मास्‍यीकाला यिह मा़हछ्येबाकी मिह दाङ फिगी मिहया़ ओहङसीमाना खोगी ओ़ह लाहमले राहङगी तिहक्‍पाया़ ङोह स्‍ये़ज्‍ये येह ओहले ख्‍यागी लुहङदेन स्‍य़ेक्‍यो लाहमले खुङगी राहङला या़हबु पेहती ङ्याहम च्‍येच्‍ये येह।

२ तिमोथी 3:14

यिहॱनाङ ख्‍येगी लोप्‍क्‍यो दाङ निङ थाक्‍पा यिहन्‍ज्‍युराङ म़ेहबा पेहक्‍योकी दि तामया़ला क्‍याप्‍तीॱराङ तेहतोङ।