तीतस 1:5 - ह्योल्‍मो

⁵ ओ़हला खादी लिहक्‍योकी ल़ेहया़ छाङबु पेहच्‍ये दाङ ङाहगी माक्‍यो ल़ेहमुराङ क्‍याहसा टाहङमाराङ एल्‍डरया़ दाम्‍ज्‍येला ङाहगी ख्‍येला क्रेटला क्‍युर ज़्‍या़क्‍यो यिहम्‍बा।

तीतस 1:5 Referans Kwoze

ल़ेह-पेन 14:23

ओहले खुङ ङ्यी़गी छेन्‍छोक टाहङमाराङ एल्‍डरया़ला दाम्‍सीन, ओहले खुङ ङ्यी़गी सोल्‍वाङ ताप्‍ती, ङ्युङने तेहती खुङया़ला चो़वो छ्येवागी कुम्‍देनला छेन्‍छोकला चि क्‍याहप्‍सीन।

१ तिमोथी 1:3

ङाह माकेडोनियाला डोएँमु ख्‍येला ओहर-छ्य़े स्‍युहक्‍यो ल़ेहमुराङ ख्‍ये एफिससलाॱराङ तेहतोङ, ओहले चिहन क्‍याहप्‍ती लोप्‍च्‍युङ लोप्‍कें मिहया़ला ओ़ह ल़ेहमु माहबे म़ेदी का़दोङ।

१ कोरिन्‍थी 14:40

यिहॱनाङ ताम थाम्‍ज्‍यी ठाबे सी़हएँदी ओहङ कोहएँ ओहले गो़ थोम च्‍य़ूएँ छ्याप्‍स्‍यीती ओहङज्‍ये मेहयोहङगे।

२ तिमोथी 2:2

पाङबु तेर्के माहङबुराङ मिहया़की दिनला ङाहगी ख्‍येला लोप्‍क्‍योकी तामया़ लेहमेन लोप ख़ूएँ दाङ यिह-छ्य़ेबु मिहया़ला चि क्‍याहप तेर।

१ कोरिन्‍थी 11:34

का़हलेॱआङ सुज्‍यीला टेहपा तो़क्‍यो येहसीमाना खोगी राहङ खाङबालाराङ साहज्‍यु मिहन्‍सीमाना चो़वोगी डेन साहज्‍येला छो़गेमु ख्‍या थो़ला ङ्य़ेहबा फो़ज्‍ये येह। ओहले लेहमेन केच्‍याया़गी तेहन्‍दाला ङाह तिङले ओहङदी डी़ च्‍यू़गे।

ल़ेह-पेन 27:21

मिहया़गी तो मा़हसेहबा ङ्यिहमा माहङबुराङ काहल्‍दी येहकें। ओहले पावल मिहया़गी दिनला लाहङदी मासीन, “आदा-नो़हया़, ख्‍या फे़बेया़गी ङाहगी ताम ङ्यिहन्‍दी क्रेटले माहयोहङबा येहना ओहङज्‍ये येहकें। ङाहगी माक्‍योगी ताम ङ्यिहन तेर्पा यिहनानी दि ल़ेहमु तुहक्‍पुॱआङ ङ्युहङज्‍ये म़ेहबा येहकें ओहले च्‍यिॱआङ पेलाया़ क्‍युर कोहच्‍ये म़ेहबा येहकें।

ल़ेह-पेन 27:12

ओहले ओ़ह छ्यु-टुह तेहकेन ग्‍या़, ख्‍या़बु दावा च्‍येच्‍येला या़हबु म़ेहबा येहकें ओ़ह सोङबे मिहया़ काहन्‍डुमु पेहती यिहॱनाङ ओ़ह ग्‍या़ले काहल्‍दी फोनिक्‍स क्‍याहसाला लेप्‍कें म़ेदी सेम्‍बा येहकें। क्रेट छोलिङला येहकेन्‍गी ओ़ह फोनिक्‍स क्‍याहसादी च्‍याहङ-नुहप दाङ ल्‍हो-नुहप ङो़ले खा तेन्‍ग्‍यो येहकें।

ल़ेह-पेन 27:7

ओहलेगी थेन्‍दी डोएँमु ल्‍हा़बा लुङजीगी पेहती लाहम स्‍य़ूहज्‍ये खेन्‍दा-का़हबु काहल्‍सीन, ओहले ङ्यिहमा माहङबुराङ यिहन थो़दी क्‍नीडस क्‍याहसाकी सुहरला लेप्‍सीन। ओहलेगी ल्‍हा़बागी ङ्यिहला स्‍यार्क्‍याङ तोहङले डोएँगी लाहम स्‍य़ूह मा़हच्‍यु। ओ़ह सोङगोराङ ङ्यिह क्रेट छोलिङ ङो़ले क्‍यो़दी सालमोने माएँ ग्‍या़लेगी काहल्‍सीन।

ल़ेह-पेन 11:30

ओहले खुङया़गी डेल्‍बा ती़हदे बारनाबास दाङ शाऊलला तेर्सीन, ओहले खुङ ङ्यी़गी यहूदीया साने़की छेन्‍छोककी एल्‍डरया़ साला ताङ चाहङसीन।

कलस्‍सी 2:5

ज़ुबुला ङाह ख्‍यालेगी था़-रिहङबु येहॱनाङ यिहलानी ङाह ख्‍या ङ्याम्‍बुराङ येह। ओहले ख्‍यागी राहङगी मिहजी दाङ मास्‍यीकाला ख्‍यागी तेहपा सान्‍दी थोङदी ङाहला ज्‍यिबुराङ क़ेहनाङ लाहङदी येहबा।

ल़ेह-पेन 2:11

क्रेट छोलिङ दाङ अरब क्‍याहल-खापकी मिहया़ येहबा, ओहले ओहराङ नाहङला यहूदी क्‍यिहपागी मिहया़ दाङ यहूदीगी छ्य़ेला स्‍य़ूहक्‍यो लेहमेन क्‍यिहपागी मिहॱआङ येहबा। ओहले खुङया़गी ओहराङ राहङ-राहङगी तामला किन्‍ज्‍योगी जे नाङग्‍यो याहम्‍जेन छ्येवा छ्या़लेगी तेहन्‍दाला लोहङटी पेहकेन थे़उ दु।”

ल़ेह-पेन 27:13

ओहले ल्‍हो ङो़ले ल्‍हा़बा लोप्‍से पेहती ओहङज्‍ये पेहसीन। मिह थाम्‍ज्‍यीगी “ता़ह ओहराङ डो ख़ूएँ” म़ेदी साम्‍लु ताङसीन। ओहले खुङया़गी छ्यु-टुह दाम ज़्‍या़क्‍योगी थाक्‍पाया़ स्‍यी़दी छ्यु-टुहला क्रेट छोलिङगी सुहर सुहरले पेहती ख्‍येर्सीन।

१ कोरिन्‍थी 4:17

ओ़ह सोङबे तिमोथीला ख्‍यासाला ताङगेराङ येहबा। खो चो़वोला ङाहगी च्‍याहम्‍बु दाङ यिह-छ्य़ेबुगी पुह यिहम्‍बा। ङाहगी थाम्‍ज्‍यी ग्‍या़या़गी छेन्‍छोकया़ला लोप्‍क्‍यो ल़ेहमुराङ मास्‍यीकाला ङाहगी मिहली काह-ठि येहकें, ओ़ह खोगी ख्‍याया़ला टेहम्‍बा साल च्‍य़ूज्‍ये येह।

तीतस 1:12

क्रेटतीॱराङ लुहङतेम्‍बा च्‍यी़गी दि ल़ेहमु म़ेदी येह, “क्रेटकी मिहया़ नाहम पेहॱनाङ स्‍योप क्‍याहप्‍कें, खुङ ङ्येहम्‍बा सेम्‍ज्‍येन, ल़ेहमी-लाहम ओहले माहङबु साहएँया़ ओहङगे।”