तीतस 1:3 - ह्योल्‍मो

³ ओहले ठाबे ती़हजीलाराङ मिहरोगी दि राहङगी लेहङगु या़हबुया़ तेन नाङसीन। ओहले दि लेहङगु या़हबुया़ स्‍येच्‍येला ओहराङला थार्पा नाङगेन किन्‍ज्‍योगी का नाङदी ङाहला चि क्‍याहप नाङसीन।

तीतस 1:3 Referans Kwoze

१ तिमोथी 1:11

दि ङ्यिहगी लुहङ ओहराङला मेलाम नाङगेन किन्‍ज्‍योगी यिह-छ्य़े जे-नाङदी ङाहला नाङग्‍योकी ज़िज्‍यिद-च्‍येन लेहङगु या़हबुकी छ्य़े नाहङला ज्‍योर्के यिहम्‍बा।

१ तिमोथी 1:1

ओहराङला थार्पा नाङगेन किन्‍ज्‍यो दाङ रेहवा नाङगेन मास्‍यीका येशूकी का लाहमले मास्‍यीका येशूकी ल़ेह-पेन काहल्‍ग्‍यो ङाह पावलगी दि यिहगी

तीतस 2:10

खुङया़गी राहङकी ताहक्‍पुकी पेलाया़ कुमेन माह-क्‍याहप्‍च्‍यु यिहॱनाङ नाहम माॱनाङ या़हबु-या़हबु ल़ेहया़ पेहती ताहक्‍पुकी ज़ी़लुला खुङ यिह-छ्य़ेबु ओहङ ख़ूज्‍यु। दि ल़ेहमु पेहती खुङया़गी च्‍यि ल़ेहलामाॱनाङ ओहराङला थार्पा नाङगेन्‍गी किन्‍ज्‍योगी लुहङला चा़ छ्यिम्‍बु ज़ो ख़ूज्‍यु।

तीतस 2:13

ङ्यिहगी सोनाम-साक्‍पुकी रेहवा– ओहराङगी थाम्‍ज्‍यी म़ेदी चा़ छ्यिम्‍बु किन्‍ज्‍यो दाङ ओहराङला थार्पा नाङगेन येशू मास्‍यीका राहङगी ज़िज्‍यिद छ्यिम्‍बुला फेप नाङगेन्‍गी ङ्यिहमाला ङ्यिह क़ूह तेहको येहबा।

१ तिमोथी 4:10

ओ़ह सोङबे ङ्यिह ला़ खाॱनाङ मे़हखाॱनाङ कादुप च्‍येती ल़ेह पेहकें च्‍यिबेमाना ङ्यिहगी रेहवा सोम्‍बो ज़्‍य़ू नाङगेन किन्‍ज्‍यो थो़ला ज़्‍या़दी येह। ओहले मिह-रो़हराङ मिह थाम्‍ज्‍यीला थार्पा नाङगेन्‍गी किन्‍ज्‍यो यिहम्‍बा खास पेहतीती मिहरो थो़ला म़ेहबा पेहकेनया़ला थार्पा नाङगेन्‍गी किन्‍ज्‍यो यिहम्‍बा।

१ तिमोथी 2:3

ओहराङला थार्पा नाङगेन किन्‍ज्‍योगी ज़ी़दाङला दि या़हबु यिहम्‍बा ओहले मिहरोगी दि ल़ेहमुराङ थु-सेम जे नाङगे।

१ थेसलोनिकी 2:4

यिहॱनाङ लेहङगु या़हबु चि क्‍याहप्‍च्‍येला किन्‍ज्‍योगी ओहराङला यिह-छ्य़ेबु ज़ी़ नाङसीन। ओ़ह सोङबे मिहया़ला क़ेहनाङ लाहङ च्‍य़ूज्‍येला मिहम्‍बा, यिहॱनाङ ओहराङगी सेम ज़ी़ नाङगेन किन्‍ज्‍योकी थु काहसो ज़ोज्‍येला ङ्यिह किन्‍ज्‍योला थु-ङ्ये़हएँकी तामया़ माउ येह।

कलस्‍सी 1:23

तेहम्‍बाराङ ख्‍याया़ राहङगी तेहपाला सान्‍दी दाङ थिक-चि पेहती तेहतोङ। ख्‍याया़गी रेहवा पेहक्‍यो या़हबु लेहङगुला क्‍युरॱराङ माहक्‍युर। दि या़हबु लेहङगुॱराङ थाम्‍ज्‍यी लुहङबाकी मिहया़ला प्रा साल्‍दी येह। दि या़हबु लेहङगु स्‍येच्‍येलाॱराङ ङाह पावल योक्‍पु काहल्‍सीन।

कलस्‍सी 1:6

दि या़हबु लेहङगु ख्‍या सालाॱआङ ओहङदी येह, ओहले तेहम्‍बाराङ मिहया़ला मेलाम ख्‍योङगेराङ जाम्‍बुलीङ काहङ्येॱराङ टाहम्‍दी डोॱराङ येहबा। ख्‍यागी किन्‍ज्‍योकी काटीनकी तेहन्‍दाला तेहन्‍दामकी ताम थे़क्‍यो दाङ ङोह स्‍य़ेक्‍यो ङ्यिहमा यिहन्‍ज्‍यु ता़ह या़हबु लेहङगुगी ख्‍याया़गी पाहरक्‍यीलाॱआङ ओ़हठीॱराङ पेहती छ्या़ले जे नाङगेराङ येहबा,

एफिसी 2:17

मिहरो फेप नाङदी ख्‍ये था़-रिहङबु येहकेन लेहमेन क्‍यिहपा दाङ पोहला येहकेन यहूदीया़ला थिन च्‍य़ूएँकी या़हबु लेहङगु स्‍य़े नाङसीन,

गलाती 4:4

यिहॱनाङ ता़ह किन्‍ज्‍योकी ती़हजी लेप फान्‍ज्‍यो किन्‍ज्‍योगी राहङकी स़ेबुला ताङ नाङसीन। मिहरो पी़हमी-पेहजा लाहमले ठुङ नाङसीन ओहले छ्य़े-ठिम लाहमलेॱराङ ठुङ नाङसीन।

१ कोरिन्‍थी 9:17

ङाहगी दि ल़ेह राहङगीराङ दाम्‍ग्‍यो यिहन्‍सीमाना ओ़ह लाहमले च्‍यिरा ज्‍योर्केनी म़ेदी ङाहगी रेहवा पेहच्‍ये येहकें। यिहॱनाङ दि ल़ेह ङाहला किन्‍ज्‍योगीॱराङ चि क्‍याहप नाङग्‍यो सोङबे ङाहगी पेहॱराङ कोहएँ म़ेदी ङाहगी पेहकेनॱराङ येह।

फिलिप्‍पी 1:13

माज्‍येराङ माना ङाह चोन-खाङला छ्यिक्‍योती मास्‍यीकाकी तेहन्‍दागी पेहतीराङ यिहन म़ेदी क्‍याहल-गाङगी थाम्‍ज्‍यीराङ माक्‍मीया़ दाङ लेहमेन मिहया़लाॱआङ क्‍यी़ह येह।

रोमी 16:26

यिहॱनाङ ता़ह नाहम्‍स्‍यी किन्‍दु ज़्‍य़ू नाङगेन्‍गी किन्‍ज्‍योगी का नाङदी लुहङतेम्‍बाया़गी छ्य़े प्रुह नाङसीन। ओहले दि सुङराप लाहमले थाम्‍ज्‍यी क्‍यिहपाकी मिहया़गी यिह छ्य़ेदी किन्‍ज्‍योकी काया़ ची़ज्‍यु म़ेदी दि साङदी ज़्‍या़ नाङग्‍योकी या़हबु लेहङगु क्‍याहल-खाप थाम्‍ज्‍यीला स्‍येकेराङ येहबा।

रोमी 15:19

याहम्‍जेम्‍बाकी ल़ेह, ओङ छ्यिम्‍बुकी ता़स्‍यी दाङ किन्‍ज्‍योकी थुगी ओङगी यरूशलेम यिहन्‍ज्‍यु इल्‍लुरिकन माएँ लुहङबा थु काहल्‍दी ङाहगी मास्‍यीकाकी तेहन्‍दाला का़ह येहकें प्रा साल सिहन्‍दी येह।

रोमी 5:6

च्‍यिबेमाना ओहराङ मा-फाम्‍बु येहकेमुराङ मास्‍यीका तिहक्‍च्‍येम्‍बाया़गी तेहन्‍दाला ठाबे ती़हजीला टोहङ नाङसीन।

ल़ेह-पेन 17:26

जाम्‍बुलीङ काहङ्येॱराङ मिहया़ तेहच्‍यु म़ेदी किन्‍ज्‍योगी मिह च्‍यी़ लाहमले क्‍यिहपा थाम्‍ज्‍यीराङ ज़ो नाङसीन ओहले खुङया़ला जाम्‍बुलीङ काहङ्येॱराङ तेह च्‍य़ू नाङसीन। ओहले मिहया़ थार्ती तेहकेन्‍गी ती़हजी दाङ तेहकेन्‍गी ग्‍या़ किन्‍ज्‍योगी तोहङलेराङ ठाबे जे-नाङदी येह।

ल़ेह-पेन 10:36

किन्‍ज्‍योगी इस्राएलीया़ला ताङ नाङग्‍योकी लेहङगु, येशू मास्‍यीका लाहमले प्रा साल नाङग्‍योकी स्‍य़िहदेगी या़हबु लेहङगु राहङ फे़बेया़ला थुयी़ येह। (मिह-रो़हराङ मिह थाम्‍ज्‍यीगी चो़वो छ्येवा यिहम्‍बा।)

लूका 1:47

ओहले ङाहगी सेम, ङाहला थार्पा थोप च्‍य़ू नाङगेन किन्‍ज्‍यो ङ्याम्‍बु काहसो पेहकें।

मर्कूस 16:15

ओ़ह तिङले येशूगी खुङया़ला सुङ नाङसीन, “जाम्‍बुलीङ थाम्‍ज्‍यीला काहल्‍दी मिह थाम्‍ज्‍यीलाराङ या़हबु लेहङगु स्‍येतोङ!

मर्कूस 13:10

जाम्‍बुलीङ तोङगे म़ेदी तोहङले थाम्‍ज्‍यी क्‍यिहपागी मिहया़ला या़हबु लेहङगु स्‍ये सिहन्‍ग्‍यो ओहङ कोहज्‍ये येह।

ज्‍याल्‍गा 14:16

दि ल़ेहमु पेहती मुक्‍पा थो़ला ज़्‍य़ू नाङगेन्‍दीगी राहङगी सोहरा नोम्‍दी जाम्‍बुलीङगी कामेया़ तुह नाङसीन।

एफिसी 1:10

किन्‍ज्‍योगी राहङगी ज़ोक्‍योकी च्‍याहम्‍दाया़ ठाबे ती़हजीला तेहन्‍दा डुप च्‍य़ू नाङज्‍ये येह। दि च्‍यि यिहम्‍बा मासीमाना स्‍यिहङगाम दाङ जाम्‍बुलीङला छ्या़ च्‍य़ू नाङग्‍योकी रेबेॱराङ से़हया़ मास्‍यीकाकी ओङ चो़ला नोम फेप नाङगेन्‍गी छ्या़ले यिहम्‍बा।

मर्कूस 1:15

येशूगी सुङ नाङसीन, “ता़ह ती़हजी तेहन्‍दा डुप सिहन्‍दी येह, ओहले किन्‍ज्‍योगी क्‍याहल्‍सी पोहला लेप सिहन्‍दी येह। स्‍या़बा पेहतोङ, ओहले या़हबु लेहङगुगी केच्‍याला यिह छ्य़ेदोङ।”

रोमी 16:25

ओहराङ थाम्‍ज्‍यीगीराङ किन्‍ज्‍योला थुज्‍यी-छ्ये़ फुल्‍दोङ। ङाहगी स्‍य़ेक्‍यो या़हबु लेहङगु दाङ मास्‍यीकाकी तेहन्‍दाला स्‍ये़क्‍योकी केच्‍याया़ लाहमले मिहरोगी ख्‍याया़ला राहङदी यिह-छ्य़ेला थिक-चि दाङ सान्‍दी ज़ो थुप्‍कें। काल्‍बा-काल्‍बा यिहन्‍ज्‍यु साङदी ज़्‍या़ नाङग्‍योकी केच्‍या ताहन्‍दा येशू मास्‍यीकागी छ्यिसाल-नाहङसाल जेती तेन नाङसीन।

२ तिमोथी 4:17

यिहॱनाङ लेहमेहन क्‍यिहपागी मिह थाम्‍ज्‍यीगी ङ्यिहन ख़ूज्‍यु म़ेदी चो़वो ङाह ङ्याम्‍बु ज़्‍य़ू नाङसीन, ओहले निङ थाक्‍पा यिहन्‍ज्‍युराङ किन्‍ज्‍योकी सुङ प्रा-साल्‍ज्‍येला ङाहला ओङ नाङसीन। ओहले चो़वोगी ङाहला सिङग्‍यी-ता़गी खाले थार च्‍य़ू नाङसीन।