तीतस 1:15 - ह्योल्‍मो

¹⁵ चाङमा मिहया़गी तेहन्‍दाला थाम्‍ज्‍यी से़हया़ चाङमाॱराङ येह। यिहॱनाङ मेहचाङा दाङ यिह मे़हछ्येगेया़गी तेहन्‍दालानी च्‍यि से़हॱआङ चाङमा म़ेह च्‍यिबेमाना खुङया़गी सेम दाङ नावा ङ्यिकाराङ चाङमा म़ेह

तीतस 1:15 Referans Kwoze

रोमी 14:14

चो़वो येशूला ङाहगी यिह छ्य़ेक्‍यो सोङबे दि केच्‍या ङाहला या़हबु पेहती क्‍यी़ह येह, का़हन्‍दीॱआङ साहएँ से़हया़ मेहचाङा म़ेह। यिहॱनाङ सुगी ओ़हदी मेहचाङा येह म़ेदी ने़गे, खोगी तेहन्‍दाला ओ़ह मेहचाङा डोएँ।

रोमी 14:20

साहएँ से़हया़गी पेहती किन्‍ज्‍योकी छ्या़लेला माहनोङ। थाम्‍ज्‍यी साहएँ से़हया़ साहज्‍ये ओहङगे यिहॱनाङ राहङगी साहक्‍यो से़हगी पेहती लेहमेनला ऩे क्‍याल्‍सीमानाती ओ़ह या़हबु मिहम्‍बा।

१ कोरिन्‍थी 10:23

ख्‍यागी माएँ, “ठिमला ते़बे ल़ेह ना थाम्‍ज्‍यीराङ पेहच्‍ये डी़गे” यिहॱनाङ ओ़ह थाम्‍ज्‍यी लाहमले ख्‍येप्‍साङती मेहयोहङगे। “ठिमला ते़बे ल़ेह ना थाम्‍ज्‍यीराङ पेहच्‍ये डी़गे” यिहॱनाङ ओ़ह थाम्‍ज्‍यी लाहमले याहर्क्‍यीनी डो च्‍यु मी़हखुएँ।

मत्ती 15:18

यिहॱनाङ मिहगी खालेगी थेन्‍गे स़ेह खोगी सेमलेगी ओहङग्‍यो ओहङगे। दि से़हया़गीॱराङ खोला मेहचाङा ज़ोएँ

रोमी 14:23

यिहॱनाङ सुज्‍यीगी थेचुम पेहती च्‍यिरा साहसीन माना खो ङ्य़ेहबा फो़ज्‍ये सी़हगे, च्‍यिबेमाना खोगी तेहपागी साहक्‍यो मिहम्‍बा। तेहपा माहबेबा पेहती ओहङग्‍योकी ना थाम्‍ज्‍यीराङ से़हया़ तिहक्‍पाराङ यिहम्‍बा।

१ कोरिन्‍थी 10:31

ओ़ह सोङबे ख्‍या च्‍यि साहॱनाङ सोह, च्‍यि थुङॱनाङ थुङ, च्‍यि पेहॱनाङ पेह, थाम्‍ज्‍यी लाहमले किन्‍ज्‍योगी ज़िज्‍यिदगी तेहन्‍दाला पेहतोङ।

ल़ेह-पेन 10:15

ओहले येहपाराङ पत्रुसगी दि रोहवा क़े च्‍यी़ थ़ेसीन, “किन्‍ज्‍योगी चाङमा ज़ो नाङग्‍योकी से़हया़ला ख्‍येगी चाङमा म़ेह म़ेदी साम्‍लु माहताङ।”

१ कोरिन्‍थी 8:7

यिहॱनाङ मिह थाम्‍ज्‍यीला दिगी तेहन्‍दाला क्‍यी़ह मेहयोहङगे। यिहॱनाङ काहजे मिहया़ कुला छ्येपा फुल्‍गेन बा़नी काहल सिहन्‍ग्‍यो ओहङगे, खुङया़गी दि ल़ेहमु साहप्‍च्‍या साहएँमु तेहम्‍बाराङ कुला फुल्‍ग्‍यो यिहम्‍बा म़ेदी ने़गे, ओहले खुङया़गी नावा मा-फाम्‍बु येहकें सोङबे खो मेहचाङा डोएँ।

हिब्रू 10:22

ता़ह ओहराङ किन्‍ज्‍योकी कुम्‍देनला डोएँमु च्‍याहङज्‍यु सेम्‍बा थो़दी, सेम तिहङ यिहन्‍ज्‍युराङ यिह छ्य़ेदी ओहले थाक ताङदे किन्‍ज्‍योगी दिनला डो। च्‍यिबेमाना नावा चोक्‍पा लाहमले मिहरोगी ओहराङगी सेमला चाङमा ज़ो नाङदी येह ओहले छ्यु चाङमागी ओहराङगी ज़ुबुला ठु नाङदी येह।

१ कोरिन्‍थी 10:25

स्‍यागी छोङखाङया़ला च्‍यि चोङगे ले? ख्‍यागी च्‍यिॱआङ नोम्‍साङ माहताङबा, च्‍यिॱआङ टी़हदाप माहबेबा पेहती ओ़ह सोह।

१ तिमोथी 6:5

ओ़ह ल़ेहमु मिहया़गी नावा नोहङग्‍योया़ दाङ तेहन्‍दामकी लाहमलेगी लो़हक्‍यो मिहया़की पाहरक्‍यीला ठ़ूस्‍यी सिहङदा च्‍यी़राङ ख्‍योङगे, ओहले किन्‍ज्‍योला म़ेहबा पेहक्‍योदी छ्युक्‍पु डोज्‍येगी तेहन्‍दाला यिहम्‍बा म़ेदी नोम्‍साङ ताङगे।

हिब्रू 9:14

मास्‍यीकाकी ठा़गीनी जेन माहङबु ख्‍यागी नोम्‍साङला तिहक्‍पाकी ल़ेहया़लेगी चाङमा ज़ोज्‍ये येह, ओहले ख्‍यागी सोम्‍बो ज़्‍य़ू नाङगेन किन्‍ज्‍योला स्‍याहप्‍तो स्‍युह ख़ूज्‍ये येह। च्‍यिबेमाना मिहरोगी नाहम्‍स्‍यी किन्‍दु ज़्‍य़ू नाङगे किन्‍ज्‍योगी थु लाहमले च्‍यिॱआङ क्‍येन म़ेहबा पेहती राहङगी राहङला किन्‍ज्‍योला मार्च्‍ये फुल नाङसीन।

हिब्रू 12:15

जेम्‍बु पेह, सु मिहज्‍यीॱआङ किन्‍ज्‍योकी काटीन ज्‍योर्च्‍येला ल़े टोहल (छूट) माहती़ज्‍यु, ओहले ख्‍या यिहला खाक्‍ती ज़ोएँगी तू़हगी तोहङबो ल़ेहमु बी़दी ओहङदी मिहया़ला तुहक्‍पु तेर्केन्‍की मिहया़ माहन्‍डोज्‍यु, मिहन्‍सीमाना ख्‍यागी मिह माहङबुलाराङ मेहचाङा ज़ोज्‍ये येह।