तीतस 1:13 - ह्योल्‍मो

¹³ दि ताम तेहन्‍दाम यिहम्‍बा। ओ़ह सोङबे खुङया़ यिह-छ्य़ेला तिक्‍पु डो ख़ूज्‍यु म़ेदी खुङया़ला या़हबु बार्ता लाङदोङ।

तीतस 1:13 Referans Kwoze

तीतस 2:2

क़ेहङगेन मिहया़ला, ख्‍या फे़बेया़गी स्‍यिहताङ ना़ ख़ूएँदी ओहङ कोहकें, लेहमेन मिहया़गी चा़ पेहच्‍ये सी़हगेन्‍दी ओहङ कोहकें, ङोह स्‍य़ेगे ओहङ कोहकें ओहले किन्‍ज्‍योला तेहपा पेहलुला स्‍युक छ्यिम्‍बु ओहङ कोहकें, मिहया़ला चेवा पेह स्‍ये-कोहकें ओहले ना़स्‍यीङ छ्यिम्‍बु ओहङ कोहकें म़ेदी लोप्‍तोङ।

१ तिमोथी 5:20

तिहक्‍पा पेहतीराङ तेहकेनया़ला मिह थाम्‍ज्‍यीगी दिनला बार्ता लाङदोङ, ओ़ह ल़ेहमु पेहसीमाना च्‍यी़राङ छेन्‍छोककी लेहमेन मिहया़ॱआङ ज्‍यी़ज्‍ये येहबा।

तीतस 2:15

ओहले ख्‍येगी दि लुहङ तेर्केमु ओङ थाम्‍ज्‍यी थो़दी स्‍युक क्‍ये च्‍य़ूदोङ ओहले बार्ता लाङदोङ। सुज्‍यीगीॱआङ ख्‍येला ङ्येन्‍ज्‍येन पेह माहङ्युहङज्‍यु।

२ तिमोथी 4:2

ङाह ख्‍येला किन्‍ज्‍योगी या़हबु लेहङगु स्‍येच्‍येला का तेर्केॱराङ येहबा। ती़हजी या़हबु येहॱनाङ मे़हॱनाङ या़हबु लेहङगु स्‍येच्‍ये माहक्‍युर। खुङया़ला लोप्‍ताम क्‍याहप्‍तोङ, बार्ता लाङदोङ, आ़र क्‍ये च्‍य़ूदोङ ओहले ना़स्‍यीङ छ्यिम्‍बु दाङ लुहङ तेर्केन्‍गी तामया़ला ख्‍ये मा-फाम्‍बु माहबे।

२ कोरिन्‍थी 13:10

ख्‍यालेगी ङाह था़-रिहङबु येहकेंमु ङाहगी दि यिहगी प्रुहएँॱराङ येहबा, ख्‍यासाला ओहङगेमु चो़वोगी ङाहला नाङग्‍योकी ओङ ङाहगी ज्‍यिबुराङ ठो़ पेहती चा़लती माहकोहज्‍यु। ओ़हनी मिहरोगी ख्‍याया़ला याहरक्‍यी ख्‍येर्च्‍येगी तेहन्‍दाला नाङग्‍यो यिहम्‍बा, नोहङ च्‍य़ूज्‍येगी तेहन्‍दाला मिहम्‍बा।

१ तिमोथी 4:6

का़हलेॱआङ ख्‍येगी आदा-नो़ह दाङ आज्‍यी-नुहमुया़ला दि लुहङ लोप तेर्सीमाना ख्‍येगी ची़दे ओङग्‍योकी तेहन्‍दामकी लुहङ दाङ तेहपाकी सुङला छार्ती ख्‍ये मास्‍यीका येशूती ज्‍यिबुराङ या़हबु स्‍याहप्‍तो स्‍युहएँगी मिह डोज्‍ये येह।

१ तिमोथी 1:10

छ्येउ-छ्येंमु पेहकेनया़गी तेहन्‍दाला, क्‍येप-ख्‍योवा नाहङदुङ देक्षा पेहकेनया़गी तेहन्‍दाला, मिह-छोङ पेहकेनया़गी तेहन्‍दाला, स्‍योप क्‍याहप्‍केनया़गी तेहन्‍दाला, स्‍योप क्‍याहप्‍ती पाङबु तेर्केनया़गी तेहन्‍दाला, ओहले तेहन्‍दामकी लुहङला टाह पेहती ल़ेह पेहकेनया़गी तेहन्‍दाला ज़ोक्‍यो यिहम्‍बा।