रोमी 9:23 - ह्योल्‍मो

²³ ज़िज्‍यिदकी तेहन्‍दाला तोहङलेराङ ठाबे जे नाङग्‍यो किन्‍ज्‍योगी थुज्‍यी ज़ी़ नाङग्‍योकी मिहया़ला राहङदी ज़िज्‍यिदकी क्‍युह तेन नाङज्‍येला मिहरोगी दि ल़ेहमु जे नाङसीन।

रोमी 9:23 Referans Kwoze

रोमी 2:4

किन्‍ज्‍योगी ख्‍येला माहङबुराङ थुज्‍यी ज़ी़ नाङसीन ओहले मिहरोगी ख्‍येला ना़स्‍यीङ छ्यिम्‍बु जेती माहङबुराङ कू़हदी ज़्‍य़ू नाङसीन ता़ह ख्‍ये च्‍यि किन्‍ज्‍योला क्‍युक्‍टो पेहकें? किन्‍ज्‍योकी थुज्‍यीगी तिहक्‍पा पाङ च्‍य़ूदी स्‍या़बा पेह च्‍य़ूगे माएँ ताम च्‍यि ख्‍येला क्‍यी़ह म़ेहबा?

एफिसी 3:16

मिहरोकी चा़ छ्यिम्‍बु क्‍युह दाङ थु लाहमले ख्‍याया़गी ओङ ज्‍योर ख़ूज्‍यु ओहले ओ़ह ओङगी ख्‍याया़ला नाहङ यिहन्‍ज्‍युराङ स्‍युक छ्यिम्‍बु ज़ो ख़ूज्‍यु म़ेदी ङाह किन्‍ज्‍यो ङ्याम्‍बु सोल्‍वाङ ताप्‍को येह।

एफिसी 2:10

च्‍यिबेमाना ओहराङ या़हबु ल़ेहया़की तेहन्‍दाला मास्‍यीका येशूला ज़ो नाङग्‍योकी किन्‍ज्‍योकी छ्या़की छ्या़लेया़ यिहम्‍बा। ओहराङगी ओ़ह या़हबु ल़ेहया़ पेहच्‍यु सुङदीमाराङ किन्‍ज्‍योगी तोहङ यिहन्‍ज्‍युराङ ठाबे जे नाङग्‍यो येहकें।

२ तिमोथी 2:21

पे-मी़हसिहएँगी तामया़ ङो़ले मिहगी राहङगी राहङला चाङमा ज़ोसीन माना खो या़हबु ल़ेहया़की तेहन्‍दाला पे-सी़हएँगी मिह च्‍यी़ डो ख़ूज्‍ये येह, ओहले खाङबा ताहक्‍पुकी तेहन्‍दाला चाङमा, फेन्‍दोप दाङ या़हबु ल़ेहया़ च्‍यिला-माना ठाबे टी़हज्‍ये येह।

कलस्‍सी 1:27

खुङया़ला मिह थाम्‍ज्‍यीगी तेहन्‍दाला छ्यिम्‍बु तिहङ-रिहङबुगी तेहन्‍दा खा फे़ तेर्केन किन्‍ज्‍योकी राहङगी ज़ोक्‍योकी च्‍याहम्‍दा यिहम्‍बा। तिहङ-रिहङबुगी ताम दिराङ यिहम्‍बा, मास्‍यीका ख्‍या ङ्याम्‍बु ज़्‍य़ू नाङदी येहबा। दिगी तेहन्‍दा किन्‍ज्‍योगी ज़िज्‍यिदला ख्‍यागी बो ज्‍योर्च्‍ये येह।

एफिसी 2:7

किन्‍ज्‍योगी दि थाम्‍ज्‍यी जे नाङग्‍योकी तेहन्‍दादी ओहराङ मास्‍यीकाला यिह-छ्य़े पेहक्‍यो मिहया़ला थुज्‍यी ज़ी़ नाङदी मिहरोगी था़ म़ेहबा काटीनकी क्‍युह ओहङगेन ङ्यिहमाया़ला नाहम-मानागी तेहन्‍दाला तेन नाङज्‍येला यिहम्‍बा।

एफिसी 1:18

ङाह दिगी तेहन्‍दालाॱआङ सोल्‍वाङ ताप्‍को येह, ख्‍याया़की सेमकी मी़ क्‍या-साङे डोज्‍यु, ओहले का़हन्‍दी रे़हवाकी तेहन्‍दाला मिहरोगी ख्‍याया़ला क़े क्‍याहप नाङग्‍यो यिहम्‍बा, ओहले मास्‍यीकाकी नाम्‍पार-ताहक्‍पा मिहया़ला मिहरोकी ज़िज्‍यिद क्‍युहगी ओङ च्‍यि यिहम्‍बा, ओ़ह ख्‍याया़गी ङोह स्‍य़े ख़ूज्‍यु।

रोमी 8:29

किन्‍ज्‍योगी राहङगी मिहया़ला तोहङलेराङ ङोह ख्‍येन नाङसीन ओहले राहङगी स़ेबु ल़ेहमुराङ डोज्‍येला दाम नाङसीन च्‍यिबेमाना मिहरोगी स़ेबु आदा-नो़ह दाङ आज्‍यी-नुहमुया़ नाहङला थाम्‍ज्‍यी म़ेदी छ्येस्‍यो ओहङ ख़ूज्‍यु।

लूका 1:17

ओहले खोगी यिह दाङ स्‍युकला एलिया ल़ेहमुराङ पेहती चो़वो छ्येवागी दिनला ओहङदी चो़वो छ्येवागी लाहम ठाबे पेहच्‍ये येह। ओहले खोगी आबा दाङ पुह पोहमोया़ला थिन च्‍य़ूज्‍ये येह ओहले मिहङ्यीहन्‍गे मिहया़ला किन्‍ज्‍योगी काया़ ची़गेन्‍गी मिहया़गी रिहक्‍स्‍यी ङो़ले ठिच्‍ये येह। दि ल़ेहमु पेहती खोगी चो़वो छ्येवागी मिहया़ला चो़वो छ्येवागी तेहन्‍दालाराङ ठाबे पेहच्‍ये येह।”

१ थेसलोनिकी 5:9

च्‍यिबेमाना किन्‍ज्‍योगी ओहराङ थो़ला राहङगी थुयाल पुङ नाङज्‍येला दाम नाङग्‍यो मिहम्‍बा यिहॱनाङ चो़वो येशू मास्‍यीका लाहमले थार्पा नाङज्‍येला तोहङलेराङ दाम नाङग्‍यो यिहम्‍बा।

कलस्‍सी 1:12

किन्‍ज्‍योगी क्‍या-साङे क्‍याहल्‍सीला मास्‍यीकाकी नाम्‍पार-ताहक्‍पा मिहया़गी ज्‍योर्केन्‍की से़हया़ ख्‍याया़लाॱआङ ज्‍योर ख़ूएँदी ज़ो नाङदी येह ओ़ह सोङबे दिगी तेहन्‍दाला किन्‍ज्‍योला नाहम-माना थुज्‍यी-छ्ये़ फुल्‍दोङ।

एफिसी 3:8

मास्‍यीकाकी नाम्‍पार-ताहक्‍पा मिहया़ नाहङला ङाह थाम्‍ज्‍यी म़ेदी फेनराङ मे़हथोएँ येहॱनाङ मिहकी नावागी ङोहॱराङ स्‍य़े मी़हखुएँ मिहरोकी क्‍युहकी या़हबु लेहङगु लेहमेन क्‍यिहपाकी मिहया़ला स्‍येकेन्‍गी काटीन किन्‍ज्‍योगी ङाहला नाङसीन।

ल़ेह-पेन 9:15

यिहॱनाङ चो़वो छ्येवागी हननिया़ला सुङ नाङसीन, “ख्‍ये सोङ, च्‍यिबेमाना लेहमेन क्‍यिहपाया़ला, क्‍याहल्‍बुया़ला ओहले इस्राएली छार्क्‍यीनया़गी दिनला ङाहगी मिहन ङोह स्‍य़े च्‍य़ूज्‍येला ङाहगी खोला दाम्‍दी येह।

रोमी 8:30

सु सुला किन्‍ज्‍योगी तोहङलेराङ दाम नाङबा, खुङया़ला मिहरोगी क़ेॱआङ क्‍याहप नाङसीन, ओहले सु सुला मिहरोगी क़े क्‍याहप नाङबा, खुङया़ला मिहरोगी टाहङबुॱआङ सी़ह च्‍य़ू नाङसीन, ओहले सु सुला मिहरोगी टाहङबु सी़ह च्‍य़ू नाङबा, खुङया़ला मिहरोगी ज़िज्‍यिदॱआङ नाङसीन।